Кратка хорор-приказна за една мачка (ВИДЕО)

Магдалена Андонова — Tue, 20 Oct 2020 07:46:31 +0000

На интернет се случи премиерата на хоророт „Страшливo маче” (Scaredy Cat), којшто според авторите, е првиот хорор-филм за мачки. Главниот лик во филмот, се разбира, е мачка, а негативецот е – краставица. Познато е дека мачките ретко се плашат од темнина, од вештачка имитација на себе, па дури и од непознатото и љубопитноста, што нели, според американската поговорка – „ја убива мачката“… Нашиот херој тука не се плаши ниту од црвениот сок на доматот, но скока по метар и половина кога ќе види краставица зад себе, и ништо друго не го плаши така. Кусиот хорор-филм на Јутјуб веќе го погледнаа и луѓе од овие простори, па еден коментар гласи дека „штета е што мачката не чула за маринада и туршија”, а некои, пак, сметаат оти „филмчево заслужува Оскар”.

Вистинска хорор приказна: Маж пронајден мртов на истото место каде пред 33 години крвнички убил бебе (ФОТО)

Матеја Петровски — Wed, 08 Aug 2018 20:28:59 +0000

54 годишниот Дејвид Гаут е пронајден мртов во својот дом во велшкото место Њу Тредегар пред неколку дена, а според пишувањата на локалните медиуми, полицијата се уште не ги утврдила причините за смртта. Полицијата уапсила три лица на старост од 23, 46 и 51 година поради сомнение дека направиле кривично дело убиство. Меѓутоа, Дејвид Гаут е познат низ целиот свет поради злосторството кое го направил пред многу години. Имено, Гаут поминал 33 години во затвор поради мачење и брутално убиство на 17 месечниот син на неговата тогашна девојка. 1985 година, кога го убил Чи Минг Шек, Гаут имал 21 година. Го убил бебето додека неговата мајка била надвор, а потоа го сокривал телото и ја „местел“ ситуацијата дека смртта е несреќен случај. Судијата тогаш го осудил Гаут, изјавувајќи го овој случај како „најлошо злосторство кое се случило во земјата“. Убиената жртва било невино бебе, а во текот на истрагата било востановено дека не е само убиено, туку и мачено, изјавил тогаш судијата. Гаут пред само неколку месеци бил ослободен, кога се вратил во својот дом во Њу Тредегaр. Соседите за тамошните медиумите изјавиле дека на сите им признал дека лежел во затвор, но дека не го признал злосторството кое го направил. -Прво ни кажа дека бил во затвор поради нешто што не го направил, а потоа призна дека пред многу години во некого пукал. Меѓутоа, ние знаевме дека тоа не е вистина. Сите знаеја дека го убил бебето и се зборуваа за тоа, кажал еден од соседите.

Neighbours Of Murdered Child Killer David Gaut Say Beast ‘deserved Same Treatment As Toddler Victim’ https://t.co/KAfDp4MyQS pic.twitter.com/wXc3oM3Ejw
— The Stars Post (@thestarspost) August 8, 2018

Полицијата изјавила дека пред да дојде до пуштање на лице кое направило кривично дело, се проценува дали сместувањето во кое таа личност ќе живее после излегувањето од затвор е ризично или. -Во тек е истрагата, немаме коментар, кратко кажал портпаролот на полицијата.

хорор приказна – Kurir.mk

Кратка хорор-приказна за една мачка (ВИДЕО)

Вистинска хорор приказна: Маж пронајден мртов на истото место каде пред 33 години крвнички убил бебе (ФОТО)