Хорст Зехофер – Kurir.mk

Германскиот министер за внатрешни работи со критики кон УЕФА – еве за што станува збор

Тале Кристо — Thu, 01 Jul 2021 14:43:28 +0000

Германскиот министер за внатрешни работи Хорст Зехофер ја критикуваше Европската фудбалска асоцијација (УЕФА) поради одлуката да дозволи зголемување на бројот на гледачи на стадионите на кои се игра ЕУРО2020, игнорирајќи го притоа брзото ширење на делта сојот на коронавирусот. Германскиот министер ја нарече одлуката на УЕФА „крајно неодговорна“. – УЕФА се води од комерцијални причини, кои не би требало да бидат над здравствените проблеми, изјави Зехофер. Тој истакна дека одлуката да се играат натпревари пред 60.000 гледачи, колку што УЕФА дозволи на лондонскиот стадион „Вембли“ за самата завршница на ЕУРО2020, неизбежно ќе води кон раст на бројот заразени со коронавирус, особено поради брзото темпо со кое се шири делта сојот. Шкотските власти пријавија вчера речиси 2.000 случаи на коронавирус поврзани со натпреварите на ЕУРО2020, додека Финска објави дека околу 300 луѓе биле позитивни на вирусот, откако се вратиле од Санкт Петерсбург каде го следеле натпреварот на финската репрезентација.

Германија ја продолжи граничната контрола до 15 мај

Ивона Петрова — Tue, 05 May 2020 10:28:52 +0000

Германскиот министер за внатрешни работи, Хорст Зехофер ја продолжи контролата на германските граници до средина на мај, поради пандемијата со новиот коронавирус. Контролата на границите во Германија беше воведена во март, а е продолжена до 15 мај. Од германското Министерство за внатрешни работи соопштија дека целта е да се продолжи успешно да се контролира ширење на Ковид-19, бидејќи на тој начин се прекинува ланецот на зараза. Прекуграничниот сообраќај на стока, како и преминувањето граница за луѓе кои работат од другата страна на границата се уште е можен. Прекуграничното патување во одредени случаи е можно, доколку има важна причина.

Зехофер: Штета што Меркел сака да се повлече од лидерското место во ЦДУ

Ристе Здравков — Mon, 29 Oct 2018 12:50:59 +0000

Конзервативниот сојузник на германската канцеларка Ангела Меркел и министер за внатрешни работи Хорст Зехофер е незадоволен од намерата на германската канцеларка Ангела Меркел да се повлече од претседател на Христијанско-демократска унија (ЦДУ). Тој најавите за повлекување на Меркел од лидерската позиција во ЦДУ ја оцени како „срамота“, додавајќи оти нивниот однос е обележан со „меѓусебно почитување“. И покрај тоа што Меркел планира да остане канцеларка до истекот на мандатот односно до 2021 година, сега се поставува прашањето за иднината на Зехофер, со оглед на лошите резултати што неговата Христијанско-социјална унија (ЦСУ) на изборите во Баварија. Претходно, германските медиуми, повикувајќи се на неименувани извори во ЦДУ објавија дека Меркел нема повторно да се кандидра на изборната конференција во декември за претседател на партијата. Таа најави и дека по завршувањето на нејзиниот мандат во 2021 година нема да се кандидира за каква било функција во Европската унија. По таквите најави од страна на Меркел се огласи и поранешниот лидер на парламентарната група ЦДУ и нејзината баварска партија ЦСУ Фридрих Мерц, кој изјави дека е подготвен да се кандидира за претседател на Христијанско-демократска унија. Во меѓувреме и германскиот министер за здравство Јенс Спан изјави дека планира да се канидира за партиски лидер на ЦДУ, јави германската новинска агенција ДПА, повикувајќи се на неименувани партиски извори. И генералниот секретар на ЦДУ, Анегрет Крамп-Каренбауер исто така највил дека ќе претендира за претседател на демохристијаните.

Зехофер го претстави новиот план за мигранти- Германија ќе врати голем број мигранти во Грција и Италија

Даниел Василев — Tue, 10 Jul 2018 14:44:25 +0000

Германскиот министер за внатрешни работи Хорст Зехофер го претстави новиот план за контрола и организација на миграцијата во Германија. Зехофер рече дека главните цели во мигранцискиот мастер план се да се забрза депортацијата на луѓе кои живеат во Германија, а чии барања за азил се одбиени, оние кои се веќе регистрирани за азил во некои други европски земји или оние кои имаат криминално досие. Тој наведе дека новиот план, исто така, предвидува сместување на сите баратели на азил во центри, пренесува АП. Планот предвидува и барателите на азил кои претходно биле регистрирани во некоја друга земја на ЕУ, директно да бидат вратени во земјата каде што за прв пат влегле во ЕУ, најмногу во Грција и Италија.

Германија веќе подготвува договори за враќање на мигрантите во членки на ЕУ

Даниел Василев — Wed, 04 Jul 2018 10:58:05 +0000

Германското Министерство за внатрешни работи денеска соопшти дека веќе подготвува нацрт договори со други членки на Европската унија за враќање на мигранти кои побарале азил во Германија, а претходно побарале азил во некоја друга земја. Портпарол на Министерството најави дека министерот Хорст Зехофер денеска ќе ја посети Австрија, каде со канцеларот Себастијан Курц ќе разговара за новиот германски план за справување со мигрантите. Планот постигнат меѓу Зехофер и канцеларката Меркел предвидува отворање на кампови во германската сојузна држава Баварија, која е политичка база на Зехофер, и проверка на сите нови барања за азил во овие кампови, при што мигрантите кои веќе побарале азил во друга членка на ЕУ би требало да бидат вратени таму. Меркел пак треба да се сретне со унгарскиот премиер Виктор Орбан, кој беше предводник на повиците за затворање на границите на Европската унија за неконтролираниот влез на мигранти, и кој е политички сојузник на Курц и Зехофер. МИА

Меркел: Постигнат компромис – транзитни центри за мигрантите

Даниел Василев — Tue, 03 Jul 2018 07:14:03 +0000

Германската канцеларка Ангела Меркел синоќа соопшти дека на вчерашниот кризен состанок со најмалиот коалициски партнер во нејзината Влада, Христијанско социјалната унија (ЦСУ), по „тешка битка“ е постигнат компромис за миграцијата, кој предвидува изградба на транзитни центри на границата на Германија со Австрија. Според Меркел, договорено е од тие центри мигрантите ќе бидат вратени во земјите во кои претходно биле регистрирани, - Со тоа е зачуван духот на партнерство во Европската унија, изјави таа, додавајќи дека истовремено ќе бидат преземени национални мерки, со цел подобро да се управува со миграцијата. Лидерот на ЦСУ, Хорст Зехофер исто така потврди дека е постигнат договор за „илегална миграција“ и додаде дека останува министер за внатрешни работи на Германија.

- По интензивни разговори постигнавме договор за тоа како можеме во иднина да спречиме илегална имиграција на границата меѓу Германија и Австрија, рече Зехофер по синоќешната средба со Меркел во Берлин. Тој претходно се закани со оставка на функциите министер за внатрешни работи и лидер на ЦСУ,, ако Меркел не прифати контрола на границата, што би опфатило и враќање на некои мигранти од германската граница. МИА

Средба Меркел – Зехофер за спас на германската Влада

Даниел Василев — Mon, 02 Jul 2018 07:53:31 +0000

Германскиот министер за внатрешни работи Хорст Зехофер денеска најави дека очекува да има средба со канцеларката Ангела Меркел, на која ќе се разговара за неговата понуда да се повлече од функцијата. Средбата е предвидена за попладнево во Берлин, а на неа Меркел и Зехофер настапуваат и како лидери на партиите ЦДУ и ЦСУ, чија повеќедецениска коалиција е во тешка криза околу мигрантското прашање. Зехофер се соочува со тешки регионални избори во Баварија, каде ЦСУ, која е регионална баварска конзервативна партија, губи гласови во полза на отворено анти-имигрантската партија АФД. Како министер за внатрешни работи Зехофер најави дека ќе воведе контроли и ќе почне да ги враќа мигрантите од германските граници дури и без согласност на Меркел, што претставуваше отворен предизвик до канцеларката да го смени. На минатонеделниот самит на Европската унија Меркел бараше поддршка од другите членки на ЕУ за да ги задоволи барањата на Зехофер, но Баварецот соопшти дека постигнатото на самитот не е доволно. ЦДУ и ЦСУ се поголемиот коалициски партнер во широката Влада во која учествува и социјал-демократската партија СПД. МИА

Зехофер понуди оставка од Владата на Меркел

Ивона Петрова — Mon, 02 Jul 2018 05:56:53 +0000

Германскиот министер за внатрешни работи Хорст Зехофер, кој е и лидер на Христијанско-социјалната унија (ЦСУ), и понуди оставка на канцеларката Ангела Меркел, незадоволен од исходот на самитот на Европската Унија на кој се утврди новата миграциска политика. Понудата на Зехофер за оставка, според некои германски медиуми, се уште се смета како неофицијална, и постои можност тој да се премисли. Зехофер и Меркел влегоа во конфликт околу мигрантската политика откако тој најави дека ќе ги искористи своите овластувања како министер за внатрешни работи да нареди враќање на дел од мигрантите кои се обидуваат да влезат во Германија. Партијата ЦСУ има поостар став кон мигрантското прашање од Христијанско-демократската унија (ЦДУ) на Ангела Меркел, и е поблиска по ова прашање до владите на Австрија, Италија и Унгарија. ЦДУ и ЦСУ се во повеќедецениска коалиција и заеднички настапуваат на изборите во Германија. Но, со приближувањето на регионалните избори во октомври, и со намалувањето на популарноста на ЦСУ, на сметка на анти-имигрантската партија АФД, Зехофер најави раскинување на коалицијата, што може да предизвика и пад на Владат на Меркел. МИА

Зехофер ја предупреди Меркел и се закани со напуштање на коалицијата

Даниел Василев — Fri, 22 Jun 2018 09:37:45 +0000

Министерот за внатрешни работи на Германија, Хорст Зехофер денеска ја предупреди канцеларката Ангела Меркел, со која имаат различни ставови за политиката за мигрантите, на последиците од неговото евентуално отпуштање од Владата. Зехофер истакна дека би било преседан ако Меркел отпушти еден министер кој се грижи за безбедноста на земјата. - Јас сум претседател на Христијанско-социјална унија (ЦСУ), една од трите партии во коалицијата и дејствувам со целосна поддршка од својата партија. Ако во кабинетот на канцеларката не се задоволни од работата на својот министер тогаш треба да стават крај на коалицијата, истакна Зехофер. ЦСУ и даде рок на Меркел до крајот на месецот да постигне договор на европско ниво за политиката кон азилантите. Зехофер најави дека и покрај противењето на Меркел, од почетокот на јули ќе се враќаат бегалците од граница ако веќе се регистрирале во друга земја членка на Унијата. Германската канцеларка сака да постигне билатерален договор со европските соседи, со кој ќе се овозможи бегалците да бидат вратени од граница. - Ако нема европско решение тогаш ќе мораме да дејствуваме национално. Три години само се зборуваше за тоа, а сега е време за одлука. Ако канцеларката успее да постигне европско решение, никој нема да биде посреќен од мене, посочи Зехофер. Тој додаде дека само во рок од една недела видлива е подготвеноста на Европа за разговор за проблемите. МИА

Над 1.000 мигранти по грешка добиле азил во Германија

Даниел Василев — Tue, 22 May 2018 13:33:30 +0000

Во интерен извештај на германската Сојузна канцеларија за миграции и бегалци (БАМФ) се посочува дека на над 1.000 мигранти им е доделен азилантски статус во Германија, иако не ги исполнувале условите за тоа. - Постои загриженост дека на над 1.000 мигранти во Германија по грешка им е доделен азил, изјави денеска германскиот министер за внатрешни работи Хорст Зехофер. Според него, поради тој пропуст можно е да има и разрешувања во БАМФ. „Шпигел“ објави дека директорката на БАМФ, Јута Корт уште во февруари 2017 година била информирана за пропустот со азилантите. БАМФ засега одби да ги коментира ваквите наводи, иако потврди дека раководството на Канцеларијата по електронски пат било известоно за „спорни пријави за азил во Бремен“. МИА