Хоспитализиран – Kurir.mk

Хоспитализиран папата Франциск

Дарко Андоновски — Tue, 06 Jun 2023 10:35:40 +0000

Поглаварот на Римокатоличката црква, папата Франциск, денеска е примен на преглед во болницата Гемели во Рим. Агенцијата АНСА наведува дека информацијата е добиена од извор запознаен со настаните во Ватикан, пренесува „Ројтерс“. Засега никој од Ватикан официјално не ја потврди веста што ја пренесе италијанската агенција.

Хоспитализиран бугарскиот патријарх Неофит

Дарко Андоновски — Mon, 05 Sep 2022 06:12:32 +0000

Канцеларијата на Светиот синод на Бугарската православна црква соопшти дека поради влошување на неговите хронични болести, неговата светост бугарскиот патријарх и митрополит Софиски Неофит е примен на дијагноза и лекување во болницата „Софијамед“. Како што јави дописникот на МИА од Софија, во соопштението се повикуваат свештениците, епископите и верниците во Бугарија да се молат за брзо заздравување на неговата светост, како и да ги прифатат како веродостојни информациите објавени само од Светиот синод на Бугарската православна црква – Бугарска Патријаршија. Неофит за поглавар на Бугарската православна црква беше избран на 24 февруари 2013 година, претходно беше митрополит на Русе, а за време на расколот беше главен секретар на Светиот синод.

Хоспитализиран индискиот претседател

Тале Кристо — Fri, 26 Mar 2021 14:06:39 +0000

Индискиот претседател Рам Нат Ковинд е примен в болница во Њу Делхи откако почувствувал болка во градите, објавија државните медиуми. – Претседателот на Индија пристигна во воената болница откако утрово почувствува непријатност во градите. Тој е веднаш прегледан и е под лекарски надзор. Неговата состојба е стабилна, се наведува во соопштението пренесено од медиумите. Засега не се соопштуваат други детали. Претходно во текот на месецов, Ковинд прими прва доза од вакцина против коронавирусот.

ВОДИТЕЛОТ АМИЏИЌ ИТНО ХОСПИТАЛИЗИРАН – еве каква е неговата состојба!

Магдалена Андонова — Fri, 08 Jan 2021 16:35:44 +0000

Популарниот водител Огњен Амиџиќ примен е во КБЦ Бежаниска коса со обострано воспаление на белите дробови. Првично беше објавено дека Огњен е наводно позитивен на коронавирус, ама излезе дека информацијата е неточна, а дека водителот е примен во болница од превентивни причини. Како што дознаваат српските медиуми, Огњен вчера е примен во болница поради благо воспаление на белите дробови. Тестот на корона е негативен, а водителот се чувствува добро. Добро се чувствувам. Примен сум во болница бидејќи лекарите сакаат да ја следат мојата здравствена состојба – рекол популарниот водител.

Хоспитализиран Милорад Додик, имал пневмонија на двете белодробни крила

Тале Кристо — Mon, 21 Dec 2020 11:51:52 +0000

Српскиот член и претседател на претседателството Милорад Додик има пневмонија на двете белодробни крила, дознава АТВ. Мединските лица наведуваат дека тој се чувствувал добро. Медиумите претходно објавија дека Додик доцна синоќа бил хоспитализиран во Универзитетскиот клинички центар на Република Српска. Кабинетот на Додик ниту ја потврди, ниту ја демантира информацијата. Додик од саботата беше во самоизолација поради контакт со лице заразено со коронавирус.

Српскиот актер Ненад Јездиќ итно хоспитализиран

Магдалена Андонова — Sat, 05 Dec 2020 20:49:36 +0000

Познатиот српски актер, Ненад Јездиќ, вечерва беше итно хоспитализиран поради воспаление на белите дробови. Како што потврдил неговиот ПР-тим, актерот не е во животна опасност, но се уште не се знае дали е позитивен на коронавирусот. „Сите не поремети. Мораме да се придржуваме кон упатствата во вакви ситуации, се уште не знаеме сосема точно за што се работи. Будни сме и внимателни“, изјави Ненад пред некое време на прашањето за коронавирусот.

Струшкиот градоначалник хоспитализиран на Инфективна

Тале Кристо — Wed, 26 Aug 2020 08:21:42 +0000

Струшкиот градоначалник Рамиз Мерко синоќа бил хоспитализиран на Клиниката за инфективни и фебрилни болести во Скопје, потврдија од ДУИ за Плусинфо. Мерко е позитивен на коронавирусот и засега, како што велат од партијата, тој се наоѓа во стабилна состојба.

Хоспитализиран градоначалникот на Загреб

Ивана Ефремовски — Sat, 08 Dec 2018 13:19:37 +0000

Градоначалникот на Загреб Милан Бандиќ поради белодробна емболија е сместен во Клиниката за белодробни болести Јордновац. Неговата здравствена состојба е стабилна. Лекарите предвидуваат дека во болница ќе остане околу една седмица, по што ќе продолжи со домашно лекување. Бандиќ пред еден месец имаше фрактура на ногата, а белодробната емболија е една од компликациите до кои може да дојде поради тоа. Емболијата се случува кога згрутчување на крв влегува во белодробната артерија и го намалува дотокот на кислород.(МИА)