хоспитализирани лица – Kurir.mk

Болниците под голем притисок: Хоспитализирани околу 1.000 ковид пациенти, активни 14.249 случаи

Ивона Петрова — Wed, 01 Sep 2021 06:03:50 +0000

Во државата има вкупно хоспитализирани околу 1000 пациенти. Најоптоварени и понатаму се болниците во Тетово, Гостивар, делумно во Кичево, Струга и Охрид. Во последните 24 часа здравствените власти регистрираа нови 870 случаи на Ковид-19 од направени 5.844 тестирања. Починаа 37 пациенти, а најмладиот има 22 години. Бројот на активни случаи изнесува 14.249. Министерот за здравство Венко Филипче уверува дека здравствениот систем е подготвен и оти има доволно болнички капацитети. – Обезбедуваме болнички кревети за сите пациенти. Тоа го правиме по системот на ротација. Имено, и тука во Скопје, се отворија дополнителни ковид-центри. Имаме секојдневна консултација со директорите и согласно расположливиот кадар, лекари и медицински сестри, се отвораат овие дополнителни центри, изјави вчера Филипче. Во однос на возрасната група на пациентите, најзастапени се оние над 60 години, а најмал процент има кај малите деца. – Има дваесетина деца хоспитализирани во болницата во Козле и тие имаат релативно лесна форма на болеста. Задржани се на болничко лекување, пред сè заради поголемо внимание, рече Филипче. Од смртните случаи, најголем дел се на возраст над 60 години. Од нив, над 73 проценти имаат хронични заболувања. – Тоа што се забележува е дека долго се лекуваат надвор од болнички услови и доаѓаат на лекар многу доцна, со лоши параметри, многу ниска сатурација, вели Филипче, додавајќи дека пациентите се лекуваат според протокол и не се точно дека нема протоколи за лекување. Клучен фактор во борбата против Ковид-19, според здравствените власти, е вакцинацијата. – Бројот на починати лица кои се вакцинирани е навистина многу мал што ја докажува ефикасноста на вакцината, а тоа е дека таа 20 пати го намалува ризикот од смрт. Голем дел од починатите пациенти имаат придружни болести, како карцином, нерегулиран дијабетес, срцеви заболувања, биле подложени на повеќе хируршки интервенции, потенцира Филипче. Одлуката на Европската унија да ја стави Северна Македонија на „црвена листа“ на земји во Европа, Филипче ја гледа како одлука која оди во прилог на нашата политика да има што поголем број вакцинирани граѓани. – Со тие сертификати за вакцинација нема никакви рестрикции – не се бараат ПЦР тестови, не е потребен ниту карантин. Тоа е доказ дека буквално целиот свет оди во тој правец, целосно да се нормализира животот и движењето на луѓето кои се вакцинирани, истакна Филипче, додавајќи дека сите земји во светот се повеќе ќе ставаат акцент исклучиво на вакцината. Пристапот на Владата околу вакцинацијата, според Филипче, е успешен, а потврда за тоа се бројките. – Имаме најголем просечен раст на вакцинирани граѓани во регионот. Со една доза е вакцинирано 43 проценти од полнолетното население. Од него, 28 отсто од 18 до 39 години, 52 проценти над 40 години, со зголемување на возрасните категории расте и опфатот на вакцинацијата. Околу 73 проценти се вакцинирани граѓаните над 70 години. Има разлика и во опфатот на вакцинацијата по градови. Највисок процент на вакцинирани има во Охрид, Кавадарци, Неготино, Ресен. Во Гостивар тој процент е прилично низок, околу 20 отсто, а најголем раст има во Тетово, каде изминатиов период порасна за 15 проценти, изјави Филипче. Според последните бројки што ги објавија здравствените власти, вакцинирани се вкупно 722.578 граѓани. Прва доза вакцина во саботата и завчера примиле 9.240 граѓани, а вкупно се вакцинирале 18.292 граѓани. Во државата вкупно се аплицирани 1.253.612 дози вакцини, а ревакцинирани се 531.033 граѓани. Со последните бројки, 52 отсто од населението над 40 години имаат примено барем една доза вакцина и 28 проценти од населението над 18-39 години е вакцинирано со барем една доза вакцина.

Близу 1600 пациенти се хоспитализирани во земјава – еве ги бројките по градови

Дарко Андоновски — Thu, 22 Apr 2021 11:55:07 +0000

Во изминатите 24 часа во ковид центрите во болниците низ земјава е пријавено дека се лекуваат вкупно 924 пациенти позитивни и суспектни на корона вирусот. По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 129 пациенти позитивни и суспектни на Ковид-19. Во болницата во Штип се хоспитализирани 81 пациент. На инфективното одделение во Тетово има 38 пациенти, во Велес се лекуваат 92 болни, а во Куманово 101 пациент позитивен и суспектен на Ковид 19. Во ковид центарот во Охрид има хоспитализирано 90 пациенти, во Прилеп 99 во ковид центарот во Гостивар 36, а во Струга 24 болни. Во болницата во Струмица хоспитализирани се 101 пациенти, во Кочани 29 во Кичево 30, Кавадарци 56, а во Гевгелија 18 лица позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти. Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1585 и има околу 400 празни болнички кревети во ковид центрите. Во тек на денот се прават и исписи на оздравени пациенти со што ќе се ослободат дополнителни легла. Инаку, сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени.

Над 700 пациенти се лекуваат само во Скопје: Во болниците во главниот град се бара кревет повеќе, еве ги деталите

Дарко Андоновски — Mon, 12 Apr 2021 14:45:08 +0000

Во изминатите 24 часа во ковид центрите во Скопје се хоспитализрани 49 нови пациенти поради компликации од корона вирусот. Вкупно 726 лица сомнителни и потврдени за КОВИД -19 се лекуваат на инфективните оддели во главниот град. Во последното деноноќие, на Интерните и хируршки клиники имало 27 приеми. Во ковид центарот во ГОБ 8 Септември имало 3 примени пациенти и 9 биле примени на Инфективната клиника во текот на вчерашниот ден. Во Козле не биле примени нови болни, а 2 пациенти биле примени на Клиниката за Детски болести. На Институтот за физикална медицина се примени 7 пациенти. Во изминатите 24 часа дома се пуштени 18 оздравени пациенти. Во моментов во ковид центрите на Интерните и на хируршките клиники се лекуваат 315 пациенти. Во ГОБ 8 Септември има вкупно 143 болни, а на Клиниката за инфективни болести лежат 153 пациенти, додека во Иститутот за белодробни заболувања кај деца Козле има 36 пациенти. На Клиниката за детски болести има 16 деца позитивни на ковид 19 вирусот, а на ГАК има 13 позитивни пациентки. Во Институтот за физикална медицина и рехабилитација има 57 болни. Вкупно 726 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови е стабилен и утрово до 8 часот имало 65 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна подршка.

1545 пациенти се хоспитализирани низ ковид центрите во земјава – за само 24 часа во Скопје се хоспитализирани над 50 лица

Дарко Андоновски — Sun, 28 Mar 2021 11:09:00 +0000

Во ковид центрите во Скопје за 24 часа се хоспитализирани 55 пациенти, а вкупно се лекуваaт 657 болни, сомнителени и потврдени за КОВИД -19 Во изминатите 24 часа во ковид центрите во Скопје се хоспитализрани 55 нови пациенти поради компликации од корона вирусот. Вкупно 657 лица сомнителни и потврдени за КОВИД -19 се лекува на инфективните оддели во главниот град. Во последното деноноќие, на Интерните и хируршки клиники имало 27 приеми. Во ковид центарот во ГОБ 8 Септември имало 20 примени пациенти и 8 биле примени на Инфективната клиника во текот на вчерашниот ден. Во Козле и на Клиниката за детски болести не биле примени нови болни. Во изминатите 24 часа дома се пуштени 22 оздравени пациенти. Во моментов во ковид центрите на Интерните и на хируршките клиники се лекуваат 313 пациенти. Во ГОБ 8 Септември има вкупно 135 болни, а на Клиниката за инфективни болести лежат 145 пациенти, додека во Иститутот за белодробни заболувања кај деца Козле има 39 пациенти. На Клиниката за детски болести има 18 деца позитивни на ковид 19 вирусот, а на ГАК има 7 позитивни пациентки. Вкупно 657 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови е зголемен и утрово до 8 часот имало 56 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна подршка. На инфективните одделенија во земјава се лекуваат 887 пациенти, слободни кревети има Во изминатите 24 часа во ковид центрите во болниците низ земјава е пријавено дека се лекуваат вкупно 887 пациенти позитивни и суспектни на корона вирусот. По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 74 пациенти позитивни и суспектни на КОВИД-19. Во болницата во Штип се хоспитализирани 67 пациенти. На инфективното одделение во Тетово има 37 пациенти, во Велес се лекуваат 70 болни, а во Куманово 141 пациенти позитивни и суспектни на КОВИД 19. Во ковид центарот во Охрид има хоспитализирано 95 пациенти, во Прилеп 116 во ковид центарот во Гостивар 37, а во Струга 14 болни. Во болницата во Струмица хоспитализирани се 81 пациенти, во Кочани и во Кичево по 28, Кавадарци 73, а во Гевгелија 27 лица, позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти. Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1545 и има околу 238 празни болнички кревети во ковид центрите. Во тек на денот се прават и исписи на оздравени пациенти со што ќе се ослободат дополнителни легла. Инаку, сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени.

Во ковид – центрите во Скопје за 24 часа хоспитализирани 19 пациенти, вкупно се лекуваат 470

Магдалена Андонова — Mon, 23 Nov 2020 11:31:03 +0000

Во изминатите 24 часа во ковид – центрите во Скопје хоспитализрани се 19 нови пациенти поради компликации од коронавирусот. Вкупно 470 лица сомнителни и потврдени за Ковид -19 се лекуваат на инфективните оддели во главниот град, соопшти Министерството за здравство. Во последното деноноќие, како што се посочува, на интерните клиники имало вкупно осум приеми и тоа двајца пациенти биле хоспитализрани на Институтот за белодробни заболувања и ТБЦ, тројца во ковид центарот на Клиниката за неврологија, еден болен е хоспитализран на Клиниката за дерматовенерологија, а двајца на Клиниката за гастроентерохепатологија. Во ковид – центарот во ГОБ „8 Септември“ имало седум нови приеми на пациенти, а на Инфективната клиника во текот на вчерашниот ден биле примени четири пациенти. Во изминатите 24 часа дома се пуштени 13 оздравени пациенти Во моментов на Кожната клиника во ковид – центарот се лекуваат 24 пациенти, на Клиниката за неврологија 33 болни, а на Институтот за ТБЦ се примени вкупно 56 пациенти со симтоми на коронавирусот, на Клиниката за гастроентерохепатологија се лекуваат вкупно 26 лица, во ковид – центарот на Клиниката за нефрологија во моментов се сместени 24 пациенти, а на Клиниката за очни болести 11 пациенти. Во ГОБ „8 Септември“ има вкупно 109 болни, на Клиниката за инфективни болести лежат 156 пациенти, додека во Иститутот за белодробни заболувања кај деца Козле има 32 пациенти, од кои 11 деца и 21 возрасен. Вкупно 470 пациенти потврдени и сомнителни за Ковид-19 се лекуваат на инфективните оддели во болниците во главниот град. Голем дел од нив се на кислородна поддршка. И покрај големиот број на приеми во текот на вчерашниот ден, изутрината до 8 часот имало 20-тина слободни места, а се очекува во тек на денот по направените исписи на оздравените пациенти да се ослободат и дополнителни места и на Клиниката за инфективни болести и во ГОБ „8 Септември“. Се очекува во текот на наредните два дена да почне со работа и ковид – центарот на Клиниката за уво, нос и грло. Сите инфективни одделенија имаат довод на кислород и можат да згрижат пациенти кои имат потреба од кислородна подршка, стои во соопштението. (MИА)

За 24 часа во Скопје хоспитализирани 36 лица со коронавирусот, вкупно во моментов се лекуваат 467 пациенти

Дарко Андоновски — Sat, 21 Nov 2020 12:22:54 +0000

Во изминатите 24 часа во ковид центрите во Скопје хоспитализрани се 36 нови пациент поради компликации од корона вирусот. Вкупно 467 лица сомнителни и потврдени за КОВИД-19 се лекуваат на инфективните оддели во главниот град. Во последното деноноќие, на интерните клиники имало вкупно 19 приеми и тоа двајца пациенти биле хоспитализрани на Институтот за белодробни заболувања и ТБЦ, тројца во ковид центарот на Клниката за Неврологија, четворица болни се хоспитализрани на Клиниката за дерматовенерологија, а 10 во новоотворениот центар на Клиниката за очни болести. Во ковид центарот во ГОБ „8 Септември“ имало 11 нови приеми на пациенти, а на Инфективната клиника се примени шест лица. Во изминатите 24 часа дома се пуштени 31 оздравен пациент. Во моментов на Кожната клиника во ковид центарот се лекуваат 19 пациенти, на Клиниката за неврологија 36 болни, а на Институтот за ТБЦ се примени вкупно 54 пациенти со симтоми на корона вирусот, на Клиниката за Гастроентерохепатологија се лекуваат вкупно 26 лица, во ковид центарот на Клиниката за нефрологија во моментов се сместени 24 пациенти, а на Клиниката за очни болести 11пациенти. Во ГОБ 8 Септември има вкупно 106 болни, на Клиниката за инфективни болести лежат 155 пациенти, додека во Иститутот за белодробни заболувања кај деца Козле има 36 пациенти, од кои 6 деца и 30 возрасни. Вкупно 467 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од нив се на кислородна поддршка. И покрај големиот број на приеми во текот на вчерашниот ден, утрово до 8 часот имало 25 слободни места, а се очекува во тек на денот по направените исписи на оздравените пациенти да се ослободат и дополнителни места и на Клиниката за инфективни болести и во ГОБ 8 Септември. Од вчера наутро ковид одделнијата во Скопје се проширени за дополнителни 43 кревети и се ставени во функција на пациентите суспектни и потврдени за КОВИД 19. Почна да работи ковид оддлелението на Кликината за очни болести со капацитет од 23 кревети, ковид центарот во ГОБ 8 Септември е проширен за 26 нови места и капацитетот од досегашните 80 се зголемува на 106 болнички кревети. Во наредните денови се очекува да почне со работа и ковид центарот на Клиниката за уво, нос и грло. Сите инфективни одделенија имаат довод на кислород и можат да згрижат пациенти кои имат потреба од кислородна подршка.

Сѐ повеќе деца се хоспитализираат во Козле- короната коси се пред себе, болниците се преполнија за само 24 часа

Дарко Андоновски — Mon, 28 Sep 2020 11:32:07 +0000

Министерството за здравство информира дека во последните 24 часа се направени 387 тестирања, а регистрирани се 48 нови случаи на ковид-19 во: Скопје-20, Куманово-3, Дебар-1, Прилеп-3, Тетово-1, Струмица-4, Кочани-9, Пробиштип-1, Пехчево-1, Виница-2, Делчево-1, Свети Николе-2. На Инфективната клиника во изминативе 24 часа примени се 6 пациенти. Вкупно се хоспитализирани 70 пациенти. На кислородна поддршка се 33 пациент, нема пациенти на механичка вентилација. Во болницата во Козле хоспитализирани се 4 деца и 3 мајки позитивни на ковид-19, 7 деца и 7 мајки суспектни на вирусот. Во ГОБ „8 Септември“ примени се 3, а вкупно хоспитализирани се 36 пациенти. На респиратор се 6 пациенти. Во болницата во Битола се хоспитализирани 17, а во болницата во Штип се 36 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 173, позитивни и сомнителни на Ковид-19.

Се зголемува бројот на хоспитализирани лица од Ковид-19 во Албанија

Ивона Петрова — Mon, 22 Jun 2020 09:27:55 +0000

Во последното деноноќие во Албанија регитрирани се помал број новозаразени со Ковид-19, споредено со вчера, но забележан е зголемен број на хоспиталзирани лица, споредено со деновите од изминатата недела. Според Еугена Томини,од Институтот за јавно здравје, од направените 239 тестови на сомнителни случаи, позитивен резултат е добиен кај 33 лица, од кои дури 23 се од Тирана, која и понатаму останува главно жариште на вирусот. -Во текот на изминатата недела имавме зголемен тренд на позитивно потврдени случаи, зголемени хоспитализирани случаи, но имавме и загуба на животи. Сето тоа е последица на непочитување на мерките за заштита и протоколите во деловните објекти. Загрижува факатот што старосната граница на заразените е од 30 до 40 годишна возраст, како и тоа дека се зголемува бројот на лицата на кои им е неопходно болничко лекување, рече Томини. Според неа, бројот на хоспитализирани лица моментно е 82, што е највисока бројка до сега. Од нив десет се на интензивна терапија и еден пациент е поставен на респираторна машина. Од почетокот на пандемијата, во почетокот на март, до сега направени се 23.692 теста, позитвен резултат е добиен кај 1.995, битката со опасниот вирус ја добиле 1.159, ја изгубиле 44, а активни на болеста се 792 лица.

Во Албанија расте бројот на новозаразени и хоспитализирани лица со Ковид-19

Ивона Петрова — Sun, 21 Jun 2020 10:23:24 +0000

Новозаразени 71, оздравени осум, починато едно лице, зголемен број на хоспитализирани е билансот за епидемиолошката состојба во последното деноноќие во Албанија. -Од направените 327 тестови на сомнителни случаи позитивен резултат е добиен кај 71 од нив, главно нови случаи. Најголемиот број од нив или 31 се во Тирана, која и понатаму останува главно жариште на болеста со вкупно 361 заразен. Од почетокот на пандемијата до сега направени се 23.453 тестирања со што вкупнот број сега изнесува 1.962 лица, информираше Гента Ќирјако од Институтот за јавно здравје. Во изминатото деноноќие почила 61- годишна жена од Тирана,што е 44 жртва од Ковид19. Во исто време оздравени се осум лица или вкупно 1.134 од вкупно заболените.Активни на болеста се 784. -Она што посебно загрижува е и зголемувањето на бројот на оние на кои им е потребно болничко лекување. Во Инфективната клиника моментно се 78 пациенти,од нив 10 се на интензивна терапија, додека еден е поставен на респираторна машина,рече Ќирјако. Таа апелираше на строго почитување на мерките и протоколите за заштита,како од граѓаните така и од деловните субјекти.

Над 4.000 заболени од коронавирус: Скопје, Куманово и Тетово со најмногу случаи, расте бројот на хоспитализирани пациенти

Ивона Петрова — Mon, 15 Jun 2020 06:34:08 +0000

Бројот на новозаболени од коронавирусот во државава и натаму е висок. Вчера беа регистирани 162 нови случаи, со што вкупниот број дијагностицирани од почетокот на пандемијата, досега, изнесува 4.057, бројот на починати е 188, а 1.710 се оздравени. Бројот на активни случаи е 2.159. Најголем дијагностицирани и натаму има во Скопје – 1.858 и 1.210 активни случаи, по што следат Куманово со 640 дијагностицирани и 221 активен случај, Тетово со 413 дијагностицирани и 239 активни случаи, Штип со 238 дијагностицирани и 196 активни случаи, Прилеп со 228 дијагностицирани и 20 активни случаи… Голем е бројот и на хоспитализирани со Ковид-19. На Клиниката за инфективни болести се хоспитализирани 96 пациенти од кои 35 се на кислородна поддршка, но нема пациенти на механичка вентилација, додека во Градската општа болница „8 Септември“ се хоспитализирани 77 пациенти од кои на респираторна машина се 10, а 20 се со потешка клиничка слика. Во болницата во Битола се хоспитализирани 22 пациенти, а на домашно лекување преку болницата се следат четворица пациенти. Во болницата во Штип се хоспитализирани 20 пациенти. На инфективните одделенија во Тетово, Охрид, Велес, Куманово и Прилеп се хоспитализирани 63 пациент – позитивни и сомнителни на Ковид-19. Министерот за здравство Венко Филипче вчера на својот ФБ профил објави дека обезбедиле конвалесцентна плазма за третман на 23 пациенти заболени од Ковид-19. – Им се заблагодарувам на сите наши херои, крводарители, дарители на тромбоцити и дарители на конвалесцентна плазма за грижата која ја покажуваат. Упатувам апел сите излекувани лица од овој вирус да даруваат крвна плазма и заеднички да им помогнеме на нашите сограѓани, побрзо да го спречиме ширењето на коронавирусот. Дарувај плазма, спаси живот, напиша Филипче. Поради порастот на бројот на пациенти на Инфективната клиника и во ГОБ „8 Септември“, голем број медицински сестри од повеќе болници во државава пристигнаа во тие две јавни здравствени установи за да им помогнат на своите колеги. На Клиниката за инфективни болести се упатени триесеттина медицински сестри од повеќе болници во државата. Исто толкава бројка медицински сестри од повеќе болници ќе се распределат и во ГОБ „8 Септември“, напиша на својот ФБ профил државниот секретар во Министерството за здравство, Владимир Милошев. Во овие две јавни здравствени установи, посочува Милошев, приемот на заболени од Ковид-19 е најголем, со речиси целосно исполнети капацитети. -Во Министерството за здравство постојано ја следиме состојбата, преземајќи ги сите мерки за соодветен третман на заболените. Благодарност до здравствените работници кои само за неколку часа по дадената насока, се подготвија и пристигнаа во Скопје, на помош на своите колеги, напиша Милошев. Мора да се навикнеме да живееме со вирусот и да се штитиме постојано, посочуваат здравствените стручњаци и надлежните. Поради тоа, граѓаните и натаму треба да ги почитуваат препораките за заштита од коронавирусот кои вклучуваат задолжително носење заштитна опрема (маска, марама) со која ќе бидат покриени устата и носот, редовно миење на рацете или нивна дезинфекција, како и држење дистанца од два метра.