хоспитализирани пациенти – Kurir.mk

Хоспитализирани околу 1.000 пациенти позитивни на коронавирус, нови ковид центри се отвораат во Скопје

Ивона Петрова — Tue, 31 Aug 2021 10:30:14 +0000

Во болниците има вкупно хоспитализирани околу 1.000 пациенти. Тие со различен процент ги оптеретуваат капацитетите во болниците во различни градови. Најоптеретени се болниците во Тетово и Гостивар, делумно во Кичево, Струга Охрид, изјави денеска министерот за здравство Венко Филипче. Посочи дека обезбедуваат болнички кревет за секого, по системот на ротација. И во Скопје се отворија дополнителни ковид центри, од вчера и на Интерните клиники. Најзастапена возрасна група од пациентите е над 60 години, а најмал на малите деца. Има дваесетина деца кои се хоспитализирани и имаат релативно лесна клиничка слика. -Долго се лекуваат надвор од болнички услови и доаѓаат прилично доцна со лоши параметри и ниска сатурација. Не е вистина дека пациентите не се лекуваат по протокол, вели Филипче. Бројот на починати лица кои се вакцинирани е многу мал што ја докажува ефикасноста на вакцината, посочи министерот.

СОСТОЈБАТА АЛАРМАНТНА: Болниците се полнат, секојдневно голем број на хоспитализирани

Ивона Петрова — Tue, 31 Aug 2021 06:20:51 +0000

Според последните податоци од Министерството за здравство, во моментов се активни 14.077 случаи на заразени со Ковид-19. Од почетокот на пандемијата досега во земјава заболеа 175.624, а починаа 5.901 лица. Состојбата повторно станува аларматна, секојдневно се бележи голем број на хоспитализирани лица, а надлежните се повеќе апелираат за вакцинација. Според последните податоци во Скопје има 5392 активни случаи, во Куманово активни се 892, Прилеп 239, Тетово 2016, Битола 258, Велес 214, Гостивар 1221, Кавадарци 195, Охрид 423, Штип 184, Струмица 693, Струга 518, Кочани 120, Кичево 616, Гевгелија 75, Неготино 42, Свети Николе 102, Ресен 118, Крива Паланка 30, Радовиш 111, Берово 28, Делчево 48, Дебар 234, Виница 40, Пробиштип 42, Валандово 30, Богданци 28, Крушево 21, Демир Хисар 10, Демир Капија 3, Кратово 59, Македонски Брод 54, Пехчево 5, Македонска Каменица 15 и во Дојран 1 активен случај. Од Центарот за јавно здравје-Штип вчера излегоа со детална анализа во која се вели дека во Штип од почетокот на пандемијата до денес се регистрирани 5229 позитивни лица, починати се 150, оздравени 4895, моментално активни се 186 лица. Мал дел од активните се вакцинирани и се со лесна клиничка слика. Починати од новиот бран се четири лица од кои три се невакцинирани, а еден вакциниран со две дози над 70 години со коморбидитети. Забележани се и по еден случај на новозаразени во три штипски конфекции, а заразата им е од семејни контакти. -Во однос на возрасни групи најголем процент се над 60 години со пораст на возрасна група од 20-39 години во последните две недели. Во училиштата се поставени ковид координатори, кои се во постојан контакт со ЦЈЗ и се постапува соодветно. Во моментот има едно лице – воспитувачка во детска градинка која е позитивна на ковид, истата е ставена во изолација и изолирана е групата на деца со кои била во контакт, се вели во вчерашното соопштение од Центар за јавно здравје-Штип. Се пополнуваат болничките капацитети во Ковид центарот и хируршкото одделение во Општата болница со проширена дејност во Дебар, како последица на зголемениот број заразени на кои им е неопходен болнички третман. Директорот на болницата, Баки Алили, за МИА, вчера потврди дека моментно хоспитализирани се 38 пациенти, што е за осум повеќе од вчера попладне. -Од нив на кислородна поддршка се 32 пациента. Дневно амбулантски се лекуваат во просек 30 пациенти, додека во здравствени установи во Скопје имаме седум лица од нашето подрачје. И покрај сите напори на здравствениот кадар, за жал, денеска почина повозрасен пациент од Центар Жупа, кој беше хоспитализиран десеттина дена. Претходно како последица од опасниот вирус почина и неговата сопруга, изјави Алили. Тој нагласи дека веќе не апелира, туку ги замолува граѓаните сите кои не се вакцинирале тоа да го направат ден порано зашто само на тој начин може да се заштитиме себе си, нашите најблиски и поширокото опкружување. – Тоа може да го направат во модуларната болница која е ванцинален пункт, во дворот на нашата установа, не е потребен термин, туку со себе треба да понесат само документ за идентификација, порача Алили. Вчера во тетовската болница две лица на 56 и 86 години починале од Ковид-19, а сите болни кои се хоспитализирани се на кислородна поддршка. -Имаме вкупно 116 хоспитализирани луѓе и сите на се кислородна поддршка. Речиси сите се невакцинирани, односно само шестмина примиле само по една доза. Јас би ги замолила сите да се вакцинираат, ова е единствен начин да се заштитиме од оваа пандемија. Сите овие изминаите денови имаме смртни случаи, информира вчера Миранда Пајазити од Ковид-центарот. Од друга страна, поради влошената епидемиолошка состојба, вчера од Општина Струга информираа дека до Влада, Министерство за образование и наука, Министерство за здравство и Комисија за заразни болести поднеле барање за пролонгирање на почетокот на учебната година во општина Струга. По вчерашниот состанок, на фејсбук-страницата на Општина Струга, беше објавено дека е дојдено до заклучок дека состојбата е полоша од претходната година за што се утврдило дека почетокот на учебната година е потребно да биде пролонгиран, односно истата во Струга наместо на 1 септември да започне на 20 септември. – Од тие причини, поврзани со епидемиолошката состојба во Струга, а и моменталните организациски услови во училиштата, при што доколку би имало настава учениците би биле во постојан контакт, особено на големите одмори каде заеднички се дружат, купуваат храна и го користат транспортот оние ученици кои патуваат од руралните средини што би било од негативно значење за нивното и здравјато на наставниот кадар, е наведено на фејсбук-профилот на Општина Струга. Од Општината додадоа дека според добиените информации од надлежните на секое наредно дневно тестирање, каде обично се прават 100 до 120 тестови дневно, секој четврти резултат е позитивен на ковид 19, а денес се хоспитализирани 35 лица во Општа болница Струга, 7 во Завод за нефрологија, а во Здравствениот дом во Вевчани 120 лица се на нега во домашни услови, додека во Струга 70 на домашна нега се 70 лица. Министерот за здравство Венко Филипче на неговиот фејсбук-профил вчера нагласи дека наставата ќе се одвива под јасно утврдени здравствени протоколи. – Во случај на влошување на епидемиолошката состојба, МОН по проценка на Комисијата за заразни болести, за реализација на наставата има две резервни сценарија со кои ќе се заштити и зачува здравјето на учениците и наставниот кадар, додаде Филипче. Тој апелираше родителите на децата што одат во училиште и градинка да се вакцинираат, за да го заштитат семејството од ширење на болеста.

Во Скопје нови 2 хоспитализирани пациенти – еве каква е состојбата во главниот град

Магдалена Андонова — Mon, 07 Jun 2021 09:07:37 +0000

Во изминатите 24 часа во ковид центрите во Скопје има 2 хоспитализирани нови пациенти поради компликации од корона вирусот. Вкупно 51 лице сомнително и потврдено за Ковид 19 се лекува на инфективните одделенија во главниот град. Во последното деноноќие, на Институтот за ТБЦ немало приеми. Во ковид центарот во ГОБ 8 Септември имало еден примен пациенти и еден нови заболен е хоспитализиран на Клиниката за инфективни болести и фебрилни состојби во текот на вчерашниот ден. Во изминатите 24 часа дома е пуштен еден оздравен пациент. Во ковид центарот на Институтот за ТБЦ се лекуваат 7 пациенти. Во ГОБ 8 Септември има вкупно 17 болни, а на Клиниката за инфективни болести и фебрилни состојби лежат 27 пациенти. Вкупно 51 пациент потврден и сомнителн за Ковид 19 се лекува на инфективните одделенија во болниците во главниот град. Голем дел од пациентите се на кислородна поддршка. Бројот на приеми во изминативе денови се намалува и утрово до 8 часот имало 90 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна поддршка.

Скопје: Хоспитализирани нови 34 пациенти поради компликации од Ковид-19

Ивона Петрова — Fri, 07 May 2021 08:26:04 +0000

Во изминатите 24 часа во ковид центрите во Скопје се хоспитализирани 34 нови пациенти поради компликации од корона вирусот. Вкупно 384 лица сомнителни и потврдени за Ковид 19 се лекуваат на инфективните оддели во главниот град. Во последното деноноќие, на Интерните и хируршки клиники имало 7 приеми. Во ковид центарот во ГОБ 8 Септември имало 9 примени пациенти и 12 билe примени на Инфективната клиника во текот на вчерашниот ден. Во Козле не биле примени болни, a на Клиниката за Детски болести имало два приеми. На Институтот за физикална медицина исто така немало примени. Во изминатите 24 часа дома се пуштени 49 оздравени пациенти. Во моментов во ковид центрите на Интерните и на хируршките клиники се лекува 131 пациент. Во ГОБ 8 Септември има вкупно 119 болни, а на Клиниката за инфективни болести лежат 110 пациенти, додека на Иститутот за белодробни заболувања кај деца Козле има 9 пациенти. На Клиниката за детски болести има 2 деца позитивни на ковид 19 вирусот и 2 мајки, а на ГАК има 3 позитивни пациентки. На Институтот за физикална медицина и рехабилитација има 8 болни. Вкупно 384 пациенти потврдени и сомнителни за Ковид 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови се намалува и утрово до 8 часот имало 332 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна поддршка.

Над 1.600 лица хоспитализирани во болниците во земјава

Ивона Петрова — Wed, 21 Apr 2021 10:51:13 +0000

Во изминатите 24 часа во ковид центрите во болниците низ земјава е пријавено дека се лекуваат вкупно 952 пациенти позитивни и суспектни на корона вирусот. По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 124 пациенти позитивни и суспектни на КОВИД-19. Во болницата во Штип се хоспитализирани 93 пациенти, информира Министерството за здравство. На инфективното одделение во Тетово има 39 пациенти, во Велес се лекуваат 88 болни, а во Куманово 103 пациенти позитивни и суспектни на КОВИД 19. Во ковид центарот во Охрид има хоспитализирано 90 пациенти, во Прилеп 107 во ковид центарот во Гостивар 45, а во Струга 19 болен. Во болницата во Струмица хоспитализирани се 104 пациенти, во Кочани 25 во Кичево 35, Кавадарци 58, а во Гевгелија 22 лица позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти. Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1641 и има околу 380 празни болнички кревети во ковид центрите. Во тек на денот се прават и исписи на оздравени пациенти со што ќе се ослободат дополнителни легла. Инаку, сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени.

Во скопските ковид центри хоспитализирани нови 68 пациенти

Ивона Петрова — Wed, 21 Apr 2021 10:31:50 +0000

Во изминатите 24 часа во ковид центрите во Скопје се хоспитализирани 68 нови пациенти поради компликации од корона вирусот. Вкупно 689 лица сомнителни и потврдени за КОВИД -19 се лекуваат на инфективните оддели во главниот град. Во последното деноноќие, на Интерните и хируршки клиники имало 32 приеми. Во ковид центарот во ГОБ 8 Септември имало 11 примени пациенти и 11 билe примени на Инфективната клиника во текот на вчерашниот ден. Во Козле билe примени 3 нови болни, а 8 пациенти биле примени на Клиниката за Детски болести. На Институтот за физикална медицина се примени 3 пациенти. Во изминатите 24 часа дома се пуштени 64 оздравени пациенти. Во моментов во ковид центрите на Интерните и на хируршките клиники се лекуваaт 286 пациенти. Во ГОБ 8 Септември има вкупно 139 болни, а на Клиниката за инфективни болести лежат 147 пациенти, додека во Иститутот за белодробни заболувања кај деца Козле има 36 пациенти. На Клиниката за детски болести има 23 деца позитивни на ковид 19 вирусот, а на ГАК има 5 позитивни пациентки. На Институтот за физикална медицина и рехабилитација има 53 болни. Вкупно 689 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови е стабилен и утрово до 8 часот имало 90 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна поддршка.

СЕ ПОВЕЌЕ КЛИНИКИ СТАНУВААТ КОВИД ЦЕНТРИ- се бара место повеќе во Скопје за хоспитализација на пациенти, еве ги последните бројки

Дарко Андоновски — Mon, 15 Mar 2021 11:29:12 +0000

Во изминатите 24 часа во ковид центрите во Скопје е хоспитализран 31 нов пациент поради компликации од корона вирусот. Вкупно 436 лица сомнителни и потврдени за КОВИД -19 се лекуваат на инфективните оддели во главниот град. Поради зголемениот број на пациенти кои имаат потреба од хоспитализација, отворени се и работат ковид центрите на Клиниката на нефрологија, Клиниката за Гастроентерохепатологија, Клиниката за Очни болести и ковид центарот на Клиниката за уво нос и грло. Во последното деноноќие, на Интерните клиники имало 23 приеми. Во ковид центарот во ГОБ 8 Септември имало 6 примени пациенти и 2 биле примени на Инфективната клиника во текот на вчерашниот ден. Во Козле не биле примени нови пациенти. Во изминатите 24 часа дома се пуштени 28 оздравени пациенти. Во моментов во ковид центрите на Интерните клиники се лекуваат 199 пациенти. Во ГОБ 8 Септември има вкупно 73 болни, а на Клиниката за инфективни болести лежи 131 пациент, додека во Иститутот за белодробни заболувања кај деца Козле има 29 пациенти. На ГАК има 4 хоспитализирани ковид позитивни пациентки. Вкупно 436 пациенти потврдени и сомнителени за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови е зголемен и утрово до 8 часот имало 50 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна подршка.

Во ковид центрите во Скопје за 24 часа се хоспитализирани 39 пациенти – вкупно се лекуваaт 323 болни

Магдалена Андонова — Thu, 04 Mar 2021 11:28:33 +0000

Во изминатите 24 часа во ковид центрите во Скопје се хоспитализрани 39 нови пациенти поради компликации од корона вирусот. Вкупно 323 лица сомнителни и потврдени за КОВИД -19 се лекуваат на инфективните оддели во главниот град. Во последното деноноќие, на интерните клиники имало 22 приеми. Во ковид центарот во ГОБ 8 Септември имало 11 нови приеми на пациенти и 3 на Инфективната клиника во текот на вчерашниот ден. Во Козле биле примени 3 пациенти. Во изминатите 24 часа дома се пуштени 19 оздравени пациенти. Во моментов на Кожната клиника во ковид центарот се лекуваат 28 пациенти, на Клиниката за неврологија 35 болни, а на Институтот за ТБЦ се примени вкупно 54 пациенти со симтоми на корона вирусот. Во ГОБ 8 Септември има вкупно 83 болни, а на Клиниката за инфективни болести лежат 96 пациенти, додека во Иститутот за белодробни заболувања кај деца Козле има 22 пациенти. На ГАК има 5 хоспитализирани ковид позитивни пациентки. Вкупно 323 пациенти потврдени и сомнителени за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови е стабилен и утрово до 8 часот имало 30 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна подршка.

Во САД нов рекорд во бројот на хоспитализации

Дарко Андоновски — Tue, 22 Dec 2020 07:31:28 +0000

Во САД се хоспитализирани 115.351 пациент со коронавирус, што е нов рекорд од почетокот на пандемијата. Тоа е дваесетти ден како САД имаат над 100.000 хоспитализирани пациенти со Ковид-19, пренесува Си-ен-ен. САД се земја која е најпогодена од пандемијата на коронавирусот и во однос на бројот на заразени и според бројот на смртни случаи. Од почетокот на пандемијата се потврдени 18.006.061 случаи на коронавирус, а најмалку 320.000 луѓе починале како резултат на Ковид-19, соопшти Универзитетот Џон Хопкинс.

Во ковид-центрите хоспитализирани вкупно 1348 пациенти

Магдалена Андонова — Mon, 07 Dec 2020 10:59:11 +0000

Во изминатите 24 часа во ковид – центрите во болниците низ земјава е пријавено дека се лекуваат вкупно 872 пациенти позитивни и суспектни на коронавирусот, соопшти Министерството за здравство. Во болницата во Битола се хоспитализирани 75 пациенти позитивни и суспектни на Ковид-19. Во болницата во Штип се хоспитализирани 59 пациенти. На инфективното одделение во Тетово има 40 пациенти, во Велес се лекуваат 63 болни, а во Куманово 114 пациенти позитивни и суспектни на Ковид-19. Во ковид – центарот во Охрид има хоспитализирано 110 пациенти, во Прилеп 130, во ковид – центарот во Гостивар 62, а во Струга 43 болни. Во болницата во Струмица хоспитализирани се 71 пациент, во Кочани 17, во Кичево 20, Кавадарци 44, во Гевгелија 15 лица, а во Дебар 9 позитивни и суспектни на коронавирусот. Вкупниот број пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 1348 и има околу 180 празни болнички кревети во ковид – центрите. Во тек на денот се прават и исписи на оздравени пациенти со што ќе се ослободат дополнителни легла. Инаку, сите одделенија на клиничките болници располагаат со болнички места до кои има довод на кислород. Министерството за здравство е во постојан контакт со сите болници и доколку има потреба, капацитетите на ковид одделенијата ќе бидат дополнително проширени, стои во соопштението. (МИА)