хоспитализирање – Kurir.mk

Во ковид центрите во Скопје за 24 часа се хоспитализирани 65 пациенти- еве ја вкупната бројка на хоспитализирани лица во главниот град

Магдалена Андонова — Sun, 11 Apr 2021 09:47:36 +0000

Во изминатите 24 часа во ковид центрите во Скопје се хоспитализрани 65 нови пациенти поради компликации од корона вирусот. Вкупно 703 лица сомнителни и потврдени за КОВИД -19 се лекуваат на инфективните оддели во главниот град. Во последното деноноќие, на Интерните и хируршки клиники имало 32 приеми. Во ковид центарот во ГОБ 8 Септември имало 7 примени пациенти и 5 биле примени на Инфективната клиника во текот на вчерашниот ден. Во Козле биле примени 6 нови болни и 13 пациенти биле примени на Клиниката за Детски болести. На Институтот за физикална медицина се примени 12 пациенти. Во изминатите 24 часа дома се пуштени 32 оздравени пациенти. Во моментов во ковид центрите на Интерните и на хируршките клиники се лекуваат 315 пациенти. Во ГОБ 8 Септември има вкупно 141 болни, а на Клиниката за инфективни болести лежат 148 пациенти, додека во Иститутот за белодробни заболувања кај деца Козле има 36 пациенти. На Клиниката за детски болести има 8 деца позитивни на ковид 19 вирусот, а на ГАК има 9 позитивни пациентки. Во Институтот за физикална медицина и рехабилитација има 52 болни. Вкупно 703 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови е стабилен и утрово до о часот имало 68 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна подршка.

ВЕЌЕ НЕМА ПРАЗНИ КРЕВЕТИ: Во Штип и Кочани единствениот инфектолог заминал во пензија – преку телефон се одлучува дали пациентите се за хоспитализирање

Дарко Андоновски — Wed, 31 Mar 2021 10:56:36 +0000

Ковид центрите во Штип и Кочани пополнети до последното место. Модуларната болница во склоп на кочанската болница за 10 дена од отворањето ги пополни сите 35 легла. Пациенти се хоспитализираат и на физикална, а единствено им остануваат 9 слободни кревети на интензивна нега. Во дневната амбуланта се прегледуваат околу 200 пациенти. Дополнителен проблем е што немаат инфектолог, зашто единствениот кој го имале, заминал во пензија, објавува Сител. За нашите Ковид позитивни пациенти, во телефонска комуникација со инфективното одделение при штипската клиничка болница, тие даваат инструкции кој пациент може да остане во Кочани, кој пациент ќе го земат во Штип, а кој пациент ќе продолжи на лекување во Скопје- изјави Александар Серафимовски, директор на Општа болница - Кочани. Во модуларната со Ковид пациентите работат специјализанти, а притисокот е огромен, велат од болницата. На штипско инфективно хоспитализирани се 58 пациенти, 5 се на анестезија и еден на кардиологија. На 48 пациенти им е потребна кислородна поддршка. Ослободуваме места. Знам дека од завчера се отвори кардиолошкото одделение при штипската клиничка болница и ќе биде пренаменето во Ковид центар. Според она што го разговаравме со директорот, до крајот на неделава треба да се отвори модуларната болница и да почне со работа-изјави Д-р Сашко Никилов, градоначалник на Штип. Со активирање на модуларната болница, во Штип ќе има дополнителни 47 кревети за Ковид пациенти, за кои ќе се грижи постојниот медицински персонал од инфективно одделение.

ИТНО ХОСПИТАЛИЗИРАНА МАЈКАТА НА СЛОБА РАДАНОВИЌ: Извршена е операција, сите се исплашени поради зафатот во екот на пандемија!

Магдалена Андонова — Thu, 04 Mar 2021 10:52:59 +0000

Мајката на пејачот Слободан Радановиќ е во болница во Белград, бидејќи морала да се оперира поради проблем што го има со ногата веќе некое време. Драгиња е сместена во болницата во Бањица, каде нејзиниот син и неговата девојка Јелена Џуришанин редовно ја посетуваат. - Драгиња е оперирана и се чувствува добро. Таа е во болница од февруари, ми се чини од 20 февруари. Слоба и Јелена редовно ја посетуваат, а таа веќе се чувствува добро. Постапката беше ризична од многу причини, како заради коронавирусот, така и заради тоа што таа со години е пациент со срцева болест. Но, фала му на Бога, таа сега се чувствува добро, вели изворот за српските медиуми. Да потсетиме, Слоба во декември 2020 година истакна дека неговата мајка треба да оди на операција, но дека тоа е ризично.

Принцот Филип итно хоспитализиран

Магдалена Андонова — Wed, 17 Feb 2021 14:41:09 +0000

Војводата од Единбург е примен во болница затоа што не се чувствува добро, објави денеска Бакингемската палата. Принцот Филип, кој има 99 години, бил примен по совет на лекар, а од британската кралска палата се наведува дека станува збор за „мерка на претпазливост“. - Војводата од Единбург беше примен во болницата Кинг Едвард VII во Лондон во вторникот вечерта, се вели во соопштението, додавајќи дека станува збор за „мерка на претпазливост, по совет на неговиот лекар“. Војводата ќе остане во болницата неколку дена на опсервација и одмор, се додава во соопштението.

Во велешката болница од 1 јануари до денеска пораст на бројот на пациенти со Ковид-19

Магдалена Андонова — Sat, 09 Jan 2021 15:41:52 +0000

Во велешката Општа болница се хоспитализирани вкупно 38 пациенти, од кои, 28 се позитивни на Ковид 19 и 10 пациенти се со негативен тест, но, задржани на болничко лекување. На кислородна поддршка се 16 пациенти, информира портпаролот д-р Елеонора Јованова. Јованова дополнува дека на Инфективното одделение има 37 пациенти, додека, интерно, еден пациент кој се лечи по прележан Ковид 19. На 1 јануари оваа година, во велешката болница имаше 26 пациенти од кои 19 потврдени, два сомнителни и пет со негативен тест но задржани на болничко лекување. Тогаш, на кислородна поддршка имаше 10 пациенти, што е за шест пациенти помалку, споредено со денешниот ден, кога се вкупно 16 пациенти. (МИА)

Села хоспитализиран на кардиологија – позната неговата здравствена состојба

Магдалена Андонова — Tue, 22 Dec 2020 13:38:47 +0000

Лидерот на Алијанса за Албанците, Зијадин Села, синоќа бил хоспитализиран на Универзитетската клиника за кардиологија во Скопје поради силна болка во градите. Веста на Фејсбук ја потврди и портпаролот на Алијансата за Албанците, Флакрон Беџети. - Во текот на вчерашниот ден, претседателот на нашата партија, г-дин Зиадин Села, имаше болки во градите што беа причина да биде примен во Универзитетската клиника за кардиологија во Скопје. По прегледите, се востановило дека е во добра здравствена состојба и во стабилна состојба. Претседателот Села ќе се врати дома во текот на денешниот ден или утре и ќе продолжи со редовните секојдневни активности. Ви благодариме за интересот и грижата, напиша Беџети на Фејсбук.

Поранешниот бразилски селектор хоспитализиран поради коронавирус

Магдалена Андонова — Tue, 15 Dec 2020 17:04:07 +0000

Еден од најпознатите бразилски фудбалски тренери Вандерлеј Луксембурго е хоспитализиран поради коронавирус. Шеесет и осумгодишниот Луксембурго е примен во болницата „Сирио е Либанеш“ во Сао Паоло и неговата здравствена состојба е „добра“, јавија денеска локалните медиуми, повикувајќи се на болнички извори. Луксембурго, кој во октомври годинава се повлече од клупата на бразилскиот прволигаш Палмеирас, во текот на 90-те години од минатиот век ја предводеше селекцијата на Бразил, а во 2005 година беше тренер на Реал Мадрид. (МИА)

Во ковид – центрите во Скопје за 24 часа хоспитализирани 42 пациенти, вкупно се лекуваат 463

Магдалена Андонова — Fri, 27 Nov 2020 11:36:34 +0000

Во изминатите 24 часа во ковид – центрите во Скопје хоспитализрани се 42 нови пациенти поради компликации од корона вирусот. Вкупно 463 лица сомнителни и потврдени за Ковид-19 се лекуваат на инфективните оддели во главниот град, соопшти Министерството за здравство. Во последното деноноќие, на интерните клиники имало вкупно 21 прием и тоа петмина пациенти биле хоспитализрани на Институтот за белодробни заболувања и ТБЦ, четворица во ковид центарот на Клиниката за неврологија, тројца болни се хоспитализрани на Клиниката за дерматовенерологија, еден на Клиниката за гастроентерохепатологија, еден на Клиниката за очни болести, еден пациент на Клиниката за нефрологија и шестмина во новиот центар на Клиниката за уво, нос и грло. Во ковид центарот во ГОБ „8 Септември“ имало 11 нови приеми на пациенти, а на Инфективната клиника се примени 10 нови болни во текот на вчерашниот ден. Во изминатите 24 часа дома се пуштени 30 оздравени пациенти. Во моментов на Кожната клиника во ковид – центарот се лекуваат 24 пациенти, на Клиниката за неврологија 36 болни, а на Институтот за ТБЦ се примени вкупно 46 пациенти со симтоми на корона вирусот, на Клиниката за гастроентерохепатологија се лекуваат вкупно 26 лица, во ковид центарот на Клиниката за нефрологија во моментов се сместени 25 пациенти, а на Клиниката за очни болести 12 пациенти. Од вчера е отворен и ковид центарот на Клиниката за уво, нос и грло со капацитет 40 кревети од кои шест се со пациенти. Во ГОБ „8 Септември“ има вкупно 102 болни, на Клиниката за инфективни болести лежат 154 пациенти, додека во Иститутот за белодробни заболувања кај деца Козле има 32 пациенти, од кои 11 деца и 21 возрасен. Вкупно 463 пациенти потврдени и сомнителни за Ковид – 19 се лекуваат на инфективните оддели во болниците во главниот град. Голем дел од нив се на кислородна поддршка. И покрај големиот број на приеми во текот на вчерашниот ден, утрово до 8 часот имало 60 тина слободни места, а се очекува во тек на денот по направените исписи на оздравените пациенти да се ослободат и дополнителни места и на Клиниката за инфективни болести и во ГОБ „8 Септември“. Сите инфективни одделенија имаат довод на кислород и можат да згрижат пациенти кои имат потреба од кислородна подршка, стои во соопштението. (МИА)