хотел буши – Kurir.mk

Десет повредени, двајца потешко во пожарот во хотелот „Буши“

Ивона Петрова — Sat, 21 May 2022 17:55:37 +0000

Десет лица повредени во пожарот што попладнево избувна во хотелот „Буши“ во Скопје со возила на Итната медицинска помош се однесени во Градската општа болница „8 Септември“ и на Клиниката за токсикологија, изјави за МИА раководителката на Итната медицинска помош (ИМП), Милица Бубало. Од нив, посочи таа, двајца се здобиле со потешки повреди. Додаде дека на лице место екипите на ИМП интервенирале и за други полесно повредени лица кои се пожалиле на тешкотии со дишењето. Попладнево во пожарот што избувна во хотелот „Буши“ во Старата скопска чаршија биле зафатени дел од рецепцијата и кујната на хотелот, информираа од Противпожарната бригада Скопје за МИА. Тие потврдија дека пожарот е локализиран.

Неколку лица побарале медицинска помош по пожарот во „Буши“

Ивона Петрова — Sat, 21 May 2022 17:06:05 +0000

Причина за пожарот кој попладнево изби во хотелот „Буши“ неофицијално е плинска боца во кујната. Пожарникарите го локализирале пожарот, а интервенирале и екипите на Брза помош. На десетина лица им била пружена медицинска помош поради вдушување чад. Поголемиот дел од нив се вработени во ресторанот на хотелот. Неофицијално, хотелот се подготвувал за свадбена прослава со околу 300 гости.

Пожар во хотел „Буши“ во Скопје

Ивона Петрова — Sat, 21 May 2022 16:40:16 +0000

Пожар изби во скопскиот хотел „Буши“. На терен се екипи на противпожарната единица и Брзата помош. Повеќе детали наскоро