храков – Kurir.mk

Нападите во Харков предизвикаа прекини на вода и струја

Дарко Андоновски — Mon, 10 Oct 2022 08:18:06 +0000

Руските ракетни напади во Харков погодија локација на енергетската инфраструктура, што предизвика прекини во снабдувањето со електрична енергија и вода во некои области на градот, изјави градоначалникот на Харков, Игор Терехов. Над Харков се регистрирани три летови на проектили и „специјалистите и комуналните работници прават се што можат за да го вратат нормалниот живот во Харков“, напиша Терехов на Телеграм. Регионалниот шеф на Харков, Олег Синегубов, исто така, ги потврди нападите. „Непријателот го напаѓа Харков. Има експлозии во градот“, напиша тој на Телеграм. Синегубов ги повика жителите на Харков да останат во засолништа затоа што се очекуваат уште напади.

ВОЗНЕМИРУВАЧКО ВИДЕО: Жена се движи во Храков на улица, околу неа паѓаат гранати!

Магдалена Андонова — Mon, 18 Apr 2022 17:22:20 +0000

На социјалните мрежи се појави ново видео од бомбардирањето на Харков. Видеото го објавила Олена Халушка, вработена во Украинскиот центар за борба против корупцијата. Тоа е невладино, граѓанско здружение, а самата Халушка има околу 50.000 следбеници на Твитер. Таа ја објавила снимката вчера. На снимката, која се чини дека е скриншот од монитор на камера за надзор, се гледа пат и неколку пешаци. Во преден план е личност, изгледа жена, која носи торби и го поминува патот. Во позадина се гледаат уште две лица како трчаат преку патот. Во еден момент на сред улица експлодираат два проектила. Лицето во преден план на видеото паѓа од силината на ударот, но набрзо станува и продолжува понатаму.

A missile hits #Kharkiv residential area again. This is how the life of Ukrainians looks under russian bombs and rockets. For how long will it continue? #ArmUkraineNow #protectuasky
Video: Ukraine Now pic.twitter.com/NAyr86pSeQ
— Olena Halushka (@OlenaHalushka) April 17, 2022

РУСИЈА ВЕЧЕРВА ГО ГРАНАТИРА ХРАКОВ, ЕЧАТ ЕКСПЛОЗИИ И ПУКОТНИЦИ (ВИДЕО)

Магдалена Андонова — Sun, 13 Mar 2022 21:53:00 +0000

Руските сили вечерва го гранатират вториот по големина град во Украина, Харков. Поранешниот украински амбасадор во Виена, Олександар Шерба на Твитер објави видео на кое се гледа рускиот напад врз Харков.

When the darkness comes - #Putin comes. #Kharkiv right now. #StandWithUkraine #RussianArmy #PutinHitler #FreeIvanFedorov #PutinIsFalling #PutinsWar #РоссияСмотри #PutinIsaWarCriminal #RussianArmy #RussianUkrainianWar #RussiaGoHome pic.twitter.com/IvYLZBKnuB
— olexander scherba🇺🇦 (@olex_scherba) March 13, 2022

Храков е под контрола на Украина

Магдалена Андонова — Tue, 08 Mar 2022 18:31:59 +0000

Градот Харков е под контрола на вооружените сили на Украина, соопшти шефот на регионалната цивилна и воена управа на Харков, Олех Синегубов. – Вооружените сили на Украина цврсто ја држат одбраната на Харков. Рускиот непријател не се ни обидува да спроведе активна офанзива, освен некое гранатирање на периферијата на градот. Според Штабот за одбрана на Харков, вооружените сили на Украина презеле целосна контрола врз градот, напиша тој на социјалните мрежи. Според Синегубов, во градот не се регистрирани редовни непријателски трупи и диверзантско-извидувачки групи. Индивидуалните саботери брзо се идентификуваат и елиминираат. Денеска била приведена жена разузнавач поради собирање информации за воени објекти. (МИА)

Почесниот конзулат на Албанија во Харков погоден од руски ракети

Магдалена Андонова — Mon, 07 Mar 2022 19:26:32 +0000

Зградата во која работеше почесниот конзулат на Албанија во украинскиот град Харков синоќа беше погодена од руски ракети, соопшти Министрството за Европа и надворешни работи. „Во нападот немаше повредени или жртви. Осудувајќи го нападот, албанскиот конзулат потврдува дека неговиот персонал е безбеден“, се наведува во објавата на Твитер. Во врска со овој тежок инцидент остро реагираше албанското министерство, наведувајќи дека сторителите мора да одговараат. „Албанија најостро ја осудува руската агресија што доведе до уништување на почесниот конзулат во Харков. Авторите мора да одговараат. Стоп за руската агресија. Останете со Украина“, се навеудва во реакцијата на албанското Министерство за Европа и надворешни работи. Албанија е меѓу земјите кои се на рускиот список „земји непријатели кои воведоа санкции против Русија“. (МИА)