хриситјан мицкоски – Kurir.mk

Мицкоски: Очекувам Маричиќ да го советува Петков по истиот принцип да не се меша за правата на малцинствата во Македонија

Дарко Андоновски — Mon, 17 Jan 2022 20:26:39 +0000

Претседателот на ВМРО-ДПМНЕ Христијан Мицкоски вечерва во Телевизија 24, во врска со доаѓањето на претседателот на Бугарија Кирил Петков и изјавите на новиот вицепремиер Бојан Маричиќ, истакна дека очекува Маричиќ да го советува Петков по истиот принцип да не се меша во внатрешните права на малцинствата во Македонија. -Сигурно ќе го советува, очекувам Маричиќ да го советува Петков и тој да не се меша во македонските внатрешни работи да бара уставни измени коишто би ги опфатиле малубројните македонски Бугари, рече Мицкоски. Мицкоски посочи дека од официјална Софија е пристигнат предлог за формирање на пет комисии коишто ќе разговараат за различни теми кои се во суштина пресликување и разложување на Резолуцијата која што е донесена во бугарскиот парламент само во пет дела. -Суштината е дека Резолуцијата на Бугарскиот парламент од ноември 2019 година е разложена во овие пет комисии, од кои суштинска е петтата комисија за историски прашања и претпоставувам дека текот на разговорите, со првата ќе бидеме блиску до решение, за втората веќе ќе се договориме не гледам пречка да не е така кога станува збор за научна соработка, за инфраструктурата ќе се договориме никој не е против , за четвртата ќе бидеме блиску, а за петтата ќе бидеме на почеток, но целиот тој пакет да биде дел од преговарачката рамка, и тогаш ќе заврши целокупниот процес на преговарање за историските факти бидејќи ако сето тоа влезе во преговарачката рамка тоа веќе не е билатерален проблем тогаш веќе ќе стане наш проблем со Европската унија, објасни Мицкоски.

Мицкоски: ВМРО-ДПМНЕ предложи сет мерки и здравствени и економски кога не беше ни прогласена пандемија на корона вирусот

Тале Кристо — Fri, 27 Mar 2020 18:12:55 +0000

ВМРО-ДПМНЕ уште пред да се прогласи пандемија како партија предлагала сет на мерки за заштита на здравјето на граѓаните, но и за помош на економијата, кажа претседателот на ВМРО-ДПМНЕ, Христијан Мицкоски, во емисијата Трилинг на 24 Телевозија. Во контекст на улогата и активностите на партијата во врска со состојбата со корона вирусот, Мицксоки објасни и зошто прво барал кризна, а потоа вонредна состојба. -Ние имавме состанок во владата организиран од техничкиот премиер. На тој состанок јасно и гласно кажав кои се нашите ставови за состојбата во тој момент, а истата во тој момент не беше ескалирана, немаше пандемија. Јас тогаш спомнав и за економските последици што ќе следат. На 26 февруари претседателот на Комисијата за здравство, Синиша Стојаноски имаше прес на кој предложи сет на мерки што треба да ги преземе државата. Тогаш немаше пандемија само беше прашање на ден кога ќе ескалира ситуацијата со корона вирусот, рече Мицкоски. Претседателот на ВМРО-ДПМНЕ, Мицкоски посочи дека партијата многу порано, пред да се прогласи пандемија предлагаше сет мерки како здравствено-санитарни, така и економски. -На средбата кај техничкиот премиер кога не беше прогласена пандемија, јас изразив загриженост за економските последици, а добив одговор дека јас не треба да се грижам и дека истиот ден ќе имаат состонок и ќе излезат со пакет мерки, посочи Мицкоски.

Мицкоски: Македонија повеќе нема време за губење со погрешни политики

Дарко Андоновски — Thu, 24 Oct 2019 08:23:45 +0000

Во интервју за Македонско радио претседателот на ВМРО-ДПМНЕ, Христијан Мицкоски посочи дека Македонија нема повеќе време за губење со погрешни политики како тие кои што ги правеше Зоран Заев злоупотребувајќи ја политичката моќ, а чии последици се катастрофални. Не може да одите напред ако немате темел. Ама еве гледаме што се случи со договорот. Последиците се катастрофални и за едните и за другите ако не водите сметка на минатото. Но, Заев додека тоа го правеше не заборави да ја злоупотребува својата политичка моќ. Неговото семејство и блиски до неговото семејство продолжија да ја шират бизнис империјата. Има индиции за сериозни злоупотреби за сериозен криминал, арамилук итн. Тоа не заборави да го прави, но се обидуваше кон меѓународната заедница да рефлектира исполнителност дури и онаква каква што од него во тој момент не се очекува не се ни бара. Сега да зборуваме дека требало од внатре да се промениме не да очекуваме некој од надвор да не смени? Сето тоа беше погрешно. Сето тоа беше егзибиционистичким истакна Мицкоски. Тој потенцираше дека е горд на тоа што ВМРО-ДПМНЕ во целиот овој процес не учествуваше како генерација политичари бидејќи од самиот почеток сметаа дека тоа е погрешно и не е во согласност со нашите државни и национални интереси. Да, велевме дека одиме кон НАТО кон ЕУ тоа се нашите стратешки партнери но мора да најдеме подобар начин ни треба договор никој не велеше дека не ни треба, но не ваков. И кога предупредувавме во минатото луѓето мислеа ова се неискусни политичари, ново раководство не разбираат политика не знаат што е тоа но сега кога се удри работава во ѕид многумина се јавуваат и велат дека погрешиле, заклучи Мицкоски.

Дескоски го потврди Мицкоски: Во Македонија има октопод ист како оној на ТАТ

Дарко Андоновски — Tue, 13 Aug 2019 14:38:14 +0000

Универзитетскиот професор Тони Дескоски на својот Фејсбук профил сподели статус во кој вели дека претседателот Стево Пендаровски вчера имал многу добра порака во своето обраќање за случајот „Рекет“. -Многу добра порака од Претседателот! За жал, по малку сме скептични, имајќи го предвид фијаското во пресметката со Октоподот од ТАТ во 1997 година, а и последователните големи скандали. Исто така, идејата не Претседателот за самоиницијативни искази на јавни функционери во обвинителството не е добра, затоа што ќе го закочи обвинителството до искази од нерелевантни лица. И во 1997 година, сите државни функционери поднесуваа посменинизјави, но без ефект. Изјави треба да дадат тие што ќе бидат повикани, со присуство на адвокат, пишува во својот статус Дескоски.

Мицкоски: Доколку Пендаровски сака средба со мене, прво да се извини за неговата изјава за Гоче Делчев

Дарко Андоновски — Sat, 29 Jun 2019 13:52:00 +0000

Секогаш кога ќе бидам повикан на лидерска средба каде што ќе се одлучува за иднината на нашата држава, на Република Македонија, ќе присуствувам и ќе додадам вредност. Но, доколку господинот Пендаровски сака да има тет а тет средба со мене тогаш ќе треба да докаже дека е претседател на сите граѓани. И ја користам оваа прилика еве да му упатам еден апел доколку навистина искрено сака средба со лидерот на опозицијата, прво што треба да направи е да им се извини на Македонците во Република Македонија за неговата изјава за Гоце Делчев и истата да ја повлече, па дури потоа може да разговараме за наша заедничка средба, вели Претседателот на ВМРО-ДПМНЕ Христијан Мицкоски во денешното интервју во дневникот на Канал 5 телевизија. Целото интервју на Мицкоски ќе биде прикажано во централните вести во 18:00 часот на Канал 5 телевизија.

Мицкоски од Гостивар: 21 април е датумот кога ќе се одлучува за иднината на Македонија и ќе се порази Заевизмот

Дарко Андоновски — Fri, 08 Mar 2019 20:14:51 +0000

Претседателот на ВМРО-ДПМНЕ Христијан Мицкоски денеска беше во работна посета на Гостивар каде се сретна со жителите на овој град. -Бев во Гостивар каде се сретнав и разговарав со многу гостиварчани. 21ви април не е само датум кога ќе се одржи првиот круг од претседателските избори, туку и датум кога се одлучува за иднината на Македонија. Датум кога граѓаните ќе го имаат мандатот да одлучат по кој пат ќе тргнеме.

Има две опции, или ќе се одобри оваа политичка и економска капитулација на актуелната власт, или ќе се порази Заевизмот за да Македонија опстои и тргне напред. Денес се објави БДП за 4-тиот квартал, пoследни сме во регионот. Вкупниот економски раст е минимални и ниски 2 проценти што е 2 ипол помалку пати од ветените 5осто раст секоја година. Што значи дека Владата прави изборна измама, но затоа тендерите и бизнисите на власта врват. Затоа треба да се воведе казниво дело изборна измама. И кога се збори за правдата, ајде да ги преиспитаме сите случаи за кои постои сомневање за криминал, ајде да ја приспитаме продажбата на бонбона бизнисот ЕВН, за продолжување на монополот на Телеком, за Глобал, за евро поткупот на Заев...да зборуваме за сите случаи каде има сомнеж за криминал и да ги соочиме тие луѓе со законите, без селективна правда. Само така ќе дојдеме до правда, само така ќе се избориме за честита Македонија!, стои во статусот на Фејсбук на Мицкоски.

Мицкоски: Слугите на Заев и од затвор му помагаат претепувајќи ги Спиро и Миле

Дарко Андоновски — Sat, 23 Feb 2019 12:09:21 +0000

Тоа е уште еден обид да јавноста се дефокусира од сите работи кои што ги прави оваа криминална, непотистичка и насилничка власт, луѓето претпоставувам од внатре се обидуваат да му слугуваат на Заев, притоа надевајќи се како што ја гледаат реалноста преку неколку потези да измени закони и бараат определена милост од деспотот Заев за да може што побрзо да излезат од таму, ова денеска го истакна Христијан Мицкоски за време на давањето потпис за поддршка на кандидатот Гордана Силјановска Давкова за иден претседател на Македонија. -Како човек, грозоморно и монструозно е воопшто да коментираме такви работи од луѓе кои се соочуваат со затворска казна која е резултат на она што го сторија во кумановските настани, поточно во местото „Диво Насеље“. Обично кукавици преку Фејсбук се закануваат на луѓе и политичари, а притоа се обидуваат да му слугуваат на владетелот, сте сториле нешто има да одговарате за тоа, додава Мицкоски. КУРИР целата изјава на Мицкоски ја пренесуваше во живо и можете да ја погледнете во продолжение.

Мицкоски гостин во „Отворено“ на Алфа вечерва во 18 часот

Дарко Андоновски — Fri, 09 Nov 2018 12:02:11 +0000

Претседателот на ВМРО-ДПМНЕ Христијан Мицкоски вечерва ќе биде гостин во отвореното студио на телевизија Алфа. Тој на својот Фејсбук го најави своето гостување и ги повика сите граѓани да го следат интервјуто. -За конгресот и самитот на Европската народна партија во Хелсинки, за штетноста на договорот со Грција, за катастрофата во економијата и многу други актуелни теми, ќе разговарам во 18 часот во ,,Отворено" на Алфа Телевизија со Љупчо Цветановски. Следете ме!