Христијан Бузалковски – Kurir.mk

Христијан Бузалковски со две победи во Бугарскиот национален шампионат!

Магдалена Андонова — Mon, 30 May 2022 10:25:34 +0000

Викендов се возеа 3тата и 4тата трка од Бугарскиот национален шампионат на патеката во Плевен, каде што учество зема и македонскиот шампион Христијан Бузалковски и притоа оствари одличен резултат со две први места. - Имавме одличен тркачки викенд, настапуваме на оваа патека по пауза од година и пол и морам да признаам дека возевме со голема претпазливост бидејќи на таа патека имам најмногу падови. Уште од првиот тренинг успеавме да најдеме идеален сетап и продолживме да работиме на подобрување на моторциклот. Имавме пол позиција и остваривме две победи со најбрз круг. Искрено сум задоволен и се надевам дека со ова темпо ќе продолжиме и на следните трки, изјави Бузалковски. Следниот предизвик за нашиот најтрофеен натпреварувач Бузалковски за БМУ Европскиот шампионат, е на 17ти јуни, во Грција.

Бузалковски го промовираше новиот дизајн на својот мотор од 600 кубика

Ристе Здравков — Mon, 28 Mar 2022 14:42:14 +0000

Познатиот македонски шампион во брзински мотоциклизам, Христијан Бузалковски, денес, заедно со својот тим ,71 Team’’, во Скопје Сити Мол, одржа прес за престојната сезона и го промовираше новиот дизајн од класата 600 кубни сантиметри со кои ќе настапува на БМУ Европскиот шампионат. За љубителите на овој спорт и цела македонска јавност, моторите од повисоката класа F600 со кои нашиот европски шампион ќе ја брани титулата, ќе бидат изложени заклучно со 29ти, вторник, во Скопје Сити Мол. ,,Среќни сме што оваа сезона имаме можност да ги претставиме моторите во Skopje City Mall и да го доближиме мото спортот за момент поблиску до пошироката јавност. Оваа сезона ќе настапиме на БМУ Европскиот шампионат во класата F600 и наша цел ќе биде да ја одбраниме титулата. Огромна благодарност до сите што нѐ поддржуваат на секаков можен начин, а ние ќе се потрудиме да Ве направиме горди’’. – изјави Бузалковски кој и покрај тешките предизвици, минатата сезона успеа да оствари дури две победи на трките на кои се натпреваруваше. Тимот ,,71 Team’’ веќе следната недела тргнува за Серес во Грција, на последните припреми, односно на финалниот тест пред да почне сезоната. Самиот шампионат стартува токму од таа патека, на 8ми април, а Бузалковски и екипата, со позитивна мисла и верба во себе, ќе дадат сѐ од себе да ја одбранат титулата и повторно да ја направат Македонија горда. За потсетување, Христијан љубовта кон брзинскиот мотоциклизам ја добил уште од мали нозе, од неговиот татко, кој вози повеќе од 30 години, а својот прв вистински мотор го добил на 13 годишна возраст. Со првата европска титула во БМУ, Бузалковски се закити во 2018 година.

Македонскиот натпреварувач Бузалковски европски шампион за 2021 во брзински мотоциклизам

Магдалена Андонова — Mon, 13 Sep 2021 08:47:25 +0000

Викендов се возеа последните две трки од БМУ Европскиот шампионат во брзински мотоциклизам. Македонскиот натпреварувач Христијан Бузалковски (71 Теам) успеа да оствари две победи на двете трки и заслужено да дојде до втората БМУ Европска титула. Конечно, по многу проблеми со моторот (четири пукнати машини) и неколку падови, успеавме да го извозиме последниот тркачки викенд на најдобар можен начин, без грешка, онака како што посакував и умеев. Извозевме одлично, двете трки ги стартував од втората позиција, и уште од самиот старт успеав да направам предност во однос на второпласираниот. Водев од самиот старт па се до последниот круг, точно, прецизно без грешка. И ете успеавме по втор пат да го освоиме БМУ Европскиот шампионат,само овој пат во повисоката класа од 600 кубни сантиметри, изјави Бузалковски. Покрај тешката сезона, со многу падови и проблеми за нашиот мотоциклист сепак сезоната заврши на најдобар можен начин, со остварени две победи, и најбрз круг во неговата класа.

Бузалковски најбрз на патеката во Плевен (видео)

Ристе Здравков — Mon, 22 Oct 2018 08:34:39 +0000

Македонскиот мотоциклист Христијан Бузалковски забележа победа на последната трка за сезоната 2018 која се возеше викендов на патеката во Плевен,Бугарија. Бузалковски беше најбрз во категоријата до 125 кубни см. на „Плевен ГП“. Тој покрај Европската титула го освои и Бугарскиот национален шампионат и потврди дека оваа сезона е најуспешниот македонски мотоциклист.