христијан мицкокси – Kurir.mk

Мицкоски: Вистината е во аферата броило која покажува сериозна трговија на влијание на Ковачевски и кумот, СДС се брани со лаги кон мене, затоа ќе следи тужба за клевета

Тале Кристо — Mon, 03 Oct 2022 10:45:40 +0000

Претседателот на ВМРО-ДПМНЕ Христијан Мицкокси во своето гостување во емисијата „Студио 10“ говореше за аферата броило каде истакна дека оваа афера покажува сериозна трговија на влијание на Ковачевски и неговиот кум. - Ние докажуваме, ние велиме оваа компанија ја формирал тој и тој, оваа компанија склучила договор со таа компанија, тој кој ја формирал сега е на висока државна позиција, на првата позиција. Ете тој и да нема ништо во моментот, има кумот, дали не е тоа трговија со влијание? запраша Мицкоски. Мицкоски истакна дека деновиве ќе поднесе тужба за клевета затоа што СДС го нарекува „докажан криминалец“, а немаат докази за тоа. -Сега ќе треба тоа што го тврдат да го докажат на суд, денеска или најдоцна утре ќе поднесам пријава за клевета бидејќи вчера ме нарекоа, така како што ме нарекоа „докажан криминалец“, сакам да ги видам тие докази каде јас сум осуден правосилно за сторен криминал, морам да го тужам СДС за клевета да се извини или неколку дена да им оставам простор да се извинат бидејќи навистина ја поминуваат секоја пристојна граница. Ги поминавме билбордите, флаерите ги поминавме, ја поминавме кампањата, сепак на крајот од денот јас сум универзитетски професор, еве денеска почна семестарот пред мене имаше 90 студенти во втора година факултетот и сега јас сум бил „докажан криминалец“, треба да го докажат тоа, да ја покажат пресудата каде докажале дека сум криминалец, додаде Мицкокси.

Мицкоски: Само на Али Ахмети му одговара уценет премиер

Тале Кристо — Mon, 22 Nov 2021 17:11:20 +0000

Единствен на кој што можеби му одговара влада со слаб и уценет премиер и со неколку политички партии внатре е Али Ахмети, рече лидерот на ВМРО ДПМНЕ Христијан Мицковски во интервју за Гласот на Америка, по неуспехот на иницијативата за гласање доверба на влада. Глас на Америка: Кој е фокусот на опозицијата откако не успеа да ѝ изгласа недоверба на Владата на Заев? Мицкоски: Покрај силна и конструктивна опозиција потребна е силна и конструктивна власт. Примерот кој што вие го споменувате е класичен пример на неконструктивна власт и можеби единствен во светот. Јас не можам да се сетам на друг пример каде што власта сама се бојкотира. Замислете ако вака опозицијата или власта во Конгресот или Сенатот се бојкотираат меѓусебе заради тоа што некои политики на едната или другата не им се допаѓаат или за барање доверба како што беше во случајот. Навистина ова за мене беше шокантно и уште сум вчудоневиден од односот на власта, која што уште еднаш покажа дека е се` само не конструктивна. Ние како опозиција продолжуваме да ги користиме сите демократски мерки и алатки кои што ни стојат на располагање. Истовремено, во најголем дел од општините во Македонија или имаме градоначалници и мнозинство во Советот, или пак сме дел од тие мнозинства. Ќе се обидеме да покажаме на граѓаните и со дело и во пракса како е кога ВМРО-ДПМНЕ работи, како е кога го исполнува ветеното. И она што е многу важно е да работиме чесно, бидејќи нема време и можности за дополнителни импровизации. Триесет години народот е поделен. Време е да почнат промените, време е да создаваме нова иднина и она кое што го ветуваме заедно со заедничкиот патриотизам. Така што добрите времиња за граѓаните на Македонија допрва следуваат и не треба да се обесхрабруваат. Ние се обврзавме и ветивме напорна, чесна и посветена работа, и така и ќе продолжиме. Глас на Америка: Дали евентуалното заминување на Алтернатива во актуелната Влада ќе значи крај на опозицискиот блок, а со тоа и крај на најавите за предвремено рушење на власта? Мицкоски: Одлуката е на Алтернатива. Ако тие ценат дека е таму иднината на нивната партија, тогаш тие си имаат раководство, органи, имаат поддржувачи и претпоставувам имаат и аргументи зошто тоа би го направиле или не би го направиле. Она што јас сакам да го кажам и што е вредно да се спомене е дека единствен на кој што можеби му одговара таква влада со слаб премиер и уценет премиер, и со неколку политички партии внатре е Али Ахмети и ДУИ. И ова недвојбено го потврдува фактот на нивната заложба за време на претходните предвремени парламентарни избори за премиер да дојде на предлог на ДУИ. Можеби ДУИ во случајот не го дава мандатарот. Сепак, формално тоа ќе го даде СДСМ и се` уште Зоран Заев. Но, суштината и вистината, односно праксата покажува дека оваа влада е влада на ДУИ. И затоа велам дека ваквиот развој на настаните и она што претходеше на овој развој на настаните му одговара исклучиво на еден човек, а тоа е Али Ахмети и ДУИ, а не одговара на големо мнозинство на македонски граѓани, кои што не се согласуват со политиките на Али Ахмети и ДУИ, посебно во делот на борбата против корупцијата и криминалот, кои што морам да признаам дека во нивните редови се раширени. Глас на Америка: Дали мислите дека е реалистично отпочнувањето на преговорите со ЕУ во декември, и дали тоа за вас е чекор во добра насока? Мицкоски: Апсолутно, и апелирам до нашите сојузници, конечно да се даде тоа зелено светло на Македонија да го почне овој процес на преговори. Ќе ве потсетам во 2000 година го потпишавме Договорот за стабилизација и асоцијација во Загреб, во 2005 година станавме кандидати, од 2008-2009 наваму имаме многу позитивни извештаи од Европската комисија за почеток на преговорите. Претходно ни беше оспорувано едно елементарно право, сега ни се оспорува друго елементарно право, но тоа не треба да биде изговор за конечно да не се даде датум за отпочнување на преговорите на ЕУ со Македонија. И јас апелирам и инсистирам, доколку постојат и малку луѓе со европски вредности кај нашиот источен сосед, да ги напуштат нивните хегемонистички барања и да овозможат на нивниот прв сосед во случајот Македонија, да ги почне преговорите. Глас на Америка: Како го толкувате писмото од конгресмените на САД до бугарскиот амбасадор во Вашингтон, со кое бараат Бугарија да го тргне ветото за преговори на земјава со ЕУ? Мицкоски: Тоа е дел од низата на исти тонови кои се слушаат изминатиот период. Toa e писмо од конгресмени од нашиот стратешки партнер. Стратешкото партенрство помеѓу Македонија и САД датира од 2008 година, уште тогаш е потпишано. Тоа е во насока на она што ние го зборуваме. Благодарни сме за поддршката и таа поддршка не треба да има точки и запирки. Треба да е во една насока, а тоа е веднаш да биде тргнато ветото, без дополнителни условувања, дали ова или дали тоа треба да се исполни од Македонија. Доволно овој народ направи отстапки, доволно Македонија направи отстапки. Сега е време да го испорачуваат тоа што е ветено. Извор: Глас на Америка

Мицкоски: Кај Шилегов единствено нешто што му се гледа повеќе од ароганцијата, е стравот дека ќе загуби, многу брзо ќе се постави прашањето како до толкав имот за толку краток период

Тале Кристо — Tue, 26 Oct 2021 19:07:00 +0000

Одговорот на Заев и Шилегов на дебаклот кој што им се случи во првиот круг од изборите, било да донесат струмичка екипа на бате Вице да работи на терен за Шилегов овде во Скопје. Ќе го освојувале Скопје, но овој пат со струмички сили. Да се разбереме немам ништо против овој преубав град од југоистокот на Македонија, немам ништо напротив преубави чесни и честити луѓе живеат таму, но имам против тоа кога криминалци од кланот на власт го валкаат изборниот процес и мислат дека се главни во Македонија, истакна претседателот на ВМРО-ДПМНЕ, проф. д-р. Христијан Мицкоски на митингот во Лисиче. Мицкоски додаде дека кај Шилегов единствено нешто што му се гледа повеќе од ароганцијата, е стравот дека ќе загуби. -Тоа е страв зошто знае дека многу бргу ќе се постави прашањето како до толкав имот за толку краток период. Којзнае колку му е тешко кога мора пред камерите насилно да глуми скромен човек, а во реалноста видовме што мисли за народот, сетете се на она потапнување по грбот на оној на господинот кога му велеше никогаш да не ме гласате, а овој само си го бараше своето право и да му се исполни ветувањето кое што истиот овој Шилегов му го дал, појасни Мицкоски. Мицкоски посочи дека на само два дена пред изборите од првиот круг, Шилегов склучил договор со три кафеани за да има службени гоштевања и ручеци. Тој за ова кажа дека било за да обезбеди континуитет во работењето на градот, и кога ќе размисли човек подобро, навистина овој пат не излажа. Тоа е неговиот континуитет во работата во кафеани. -Затоа на Скопје му требаат длабоки промени и создавање на нова иднина. Данела Арсовска е вистинскиот избор за градоначалник на Скопје. Заокружете го бројот 82 за модерно Скопје, за Скопје со многу проекти за секого. За човек кој ќе биде менаџер на градот, нагласи Мицкоски.

Мицкоски: Кога ќе се има во предвид колку многу се краде од државата па и ЈСП ќе ви кажам дека откако ќе престане тоа, многу лесно на граѓаните во Скопје ќе им се даде бесплатен превоз во ЈСП

Тале Кристо — Tue, 12 Oct 2021 20:23:46 +0000

Професорот Марјан Бојаџиев во вечерашното гостување на ТВ21 истакна дека студентите на приватните универзитети се граѓани од втор ред и плаќаат во ЈСП многу повисока цена. Тој вели дека ова прашање се покренало во времето на Коце Трајанов, а се обиделе да го решат и со Петре Шилегов. Бојаџиев упати и конкретно прашање кон претседателот на ВМРО-ДПМНЕ, Христијан Мицкоски околу тоа дали доколку утре биде Данела Арсовска градоначалник или ако не биде, дали нивните советници ќе се обидат да дадат еднаков статус на сите студенти независно дали се од државен или приватен универзитет. -Еден од проектите на Данела Арсовска е токму бесплатен јавен транспорт за Скопје така што самото тоа кажува дека ќе нема потреба бидејќи секој кој ќе го користи јавниот транспорт ќе има можност да го користи бесплатно, појасни Мицкоски. На прашање на модераторот за тоа колку ќе биде издржливо ова за ЈСП со оглед на тоа дека и сега се „дави“ во долгови, Мицкоски вели дека кога ќе се види криминалот што сега се случува во ЈСП ќе стане јасно како сето тоа е издржливо. -Ако домаќински се работи и ако правилно се менаџира. Тоа не е кажано напамет, јас сум инжинер и точно знам за што станува збор, а и Данела доаѓа од бизнис секторот и точно знае што зборува, додаде Мицкоски.

Мицкоски: Не верувајте на оние изјави на Заев со кои ја плаши јавноста дека ако дојде ВМРО ќе се кара со соседите, тоа е порака на очајник

Тале Кристо — Thu, 07 Oct 2021 19:18:35 +0000

Лидерот на ВМРО-ДПМНЕ Христијан Мицкоски, на вечерашниот митинг во Валандово порача да не се верува во зборовите на Заев дека доколу ВМРО-ДПМНЕ дојде на власт дека ќе се скара со соседите, порачувајќи дека тоа се пораки на очајник. -И не верувајте на оние изјави на Заев со кои ја плаши јавноста дека ако дојде ВМРО ќе се кара со соседите. Тоа е порака на очајник. Тоа и сега коленичи и има пуста желба дека со некакво волшебно стапче од надвор ќе биде спасен, рече Мицкоски. -Јас и ВМРО-ДПМНЕ ќе имаме најдобри односи со соседите, затоа што ќе ги почитуваме, но нема да ги лажеме дека се ќе им потпишеме и нема да се срамам да барам да не почитуваат и тие нас. Затоа барам и реципроцитет, за се што бараат од нас, дециден е Мицкоски.

Мицкоски: Денес расте цената на бензините, а ќе расте и цената на струјата и после викаат дека биле најдобри додека народот гладува

Тале Кристо — Mon, 04 Oct 2021 19:38:13 +0000

Ветија раст на економијата од 5% процентно секоја година, а просекот во овие 52 месеци е четири пати помал, скромни 1.25%. за овие 52 месеци секое семејство во Македонија го задолжија за 4.500 евра. Секое семејство во Македонија изминативе 52 месеци плати точно 4.500 евра за да може да трае политичката кариера на Зоран Заев, истакна Христијан Мицкоски, претседател на ВМРО-ДПМНЕ на митингот во Струмица. Мицкоски додаде дека Заев за да може да краде и да ужива во луксузот секое семејство во Македонија го задолжи по 4.500 евра. -Каква е реалноста? Повисоки цени, кои што го јадат семејниот буџет. Половина милион луѓе живеат со 150 денари на ден. Зголемени цени на маслото за јадење, млекото, брашното, а од денес повторно по којзнае кој пат се покачи и цената на бензинот, нагласи Мицкоски. Мицкоски посочи дека се најавува сигурно и покачување на цената на струјата, а тоа тој го говори веќе и подолго време. Најпрвин ќе се покачи за стопанството, а потоа и за граѓаните.

Мицкоски: Повисоки цени го јадат семејниот буџет, половина милион луѓе живеат со 150 денари на ден

Тале Кристо — Mon, 04 Oct 2021 18:28:45 +0000

На вечерашниот митинг во Радовиш, претседателот на ВМРО-ДПМНЕ, Христијан Мицкоски, во врска со повисоките цени, истакна дека покачените цени на основните производи ги јадат семејните буџети на граѓаните, а половина милион граѓани живеат со 150 денари на ден. -Повисоките цени го јадат семејниот буџет, половина милион луѓе живеат со сто и педест денари на ден, а покачени се цените на маслото, млекото, брашното, а денеска по кој знае по кој пат се покачи и цената на бензинот,а се најавува и она кое ВМРО-ДПМНЕ го говореше покачување на цената на струјата, а платите не се доволни за подмирување на основните потреби, вели Мицкоски. Мицкоски ги праша радовишани дали се подготвени да им подари нови четири години на истите луѓе кои веќе два пати до сега ги изневерија сите очекувања, даваа лажни ветувања и потонаа во својата моќ и ароганција, во корупција притоа играјќи си со животите на граѓаните, праша дали секој граѓанин на Радовиш навистина живее најдобро.

Мицкоски убедлив победник на дебатата- Заев разочаран, нервозен и отсутен од реалноста

Катерина Бојаџиева — Mon, 20 Sep 2021 20:37:07 +0000

Се случи долгоочекуваниот дуел помеѓу лидерите на двете македонски партии, Христијан Мицкоски од една и Зоран Заев од друга страна. Оценката е дека Мицкоски кој е убедлив победник на дебатата со Заев, покажа дека има разлика и не се сите исти. Од друга страна, оценката за премиерот и претседател на СДСМ е дека беше разочаран, нервозен и отсутен од реалноста. Секој кој ќе го изгледа дуелот од почеток до крај, ќе констатира дека премиерот Заев регираше многу бурно и нервозно на фактите кои Мицкоски ги истакна пред целата македонска јавност. Однесување на Заев придонесе уште поголема недоверба и несигурност кај македонските граѓани. Тој буквално дезориентирано ја започна дебатата со лидерот на ВМРО-ДПМНЕ. Очигледно неподготвен, во дебатата почна да зборува со стари флоскули и обвинување кон ВМРО-ДПМНЕ, како тој да е во опозиција и да нема допир со вистинската реалност во Македонија и со трагичните настани и скандали кои се случија. И анкетите и коментарите на социјалните мрежи покажуваат дека Мицкоски бил подобар во ТВ дуелот со Заев, а според многумина ова е јасен доказ дека граѓаните се подготвени за промената која доаѓа по 17 октомври. По дуел на емисијата „Само вистина“ на Канал 5 телевизија, граѓаните на социјалните мрежи велат дека апсолутен победник е Мицкоски, односно оти професорски му одржал лекција на сите теми на Заев кој бил изгубен во просторот и во времето. И двајцата лидери очекуваат да победат со своите коалиции на претстојните локални избори. -Убеден сум дека граѓаните ќе изберат иднина која ќе биде различна од она што го видоа во овие четири години, ќе видат како вистински се сака државата, како се сака Македонија, како се работи за сите граѓани. Граѓаните ќе изберат реформи или ќе видат како е да има реформи, а не криминал и корупција, рече Мицкоски и укажа дека граѓаните на 17 октомври ќе кажат доста е за политиките на Заев, доста е за криминал и корупција. Според Мицкоски, народот е понижен, покраден и разочаран, затоа и не им верува во политичарите. Народот точно знае дека е понижен, покраден, омаловажен и народот е комплетно е разочаран од тоа што се случува и не верува во институциите кои ги предводи оваа влада, изјави Мицкоски и посочи дека токму поради погрешните политики на СДСМ и Заев, како и лагите како таа од авион кога се сликаа дека сме добиле датум, повеќе не веруваат во политичари и е во апатија, нешто што мора да се промени после 17 октомври падот на оваа власт бидејќи не се сите исти. Мицкоски рече дека после падот на оваа власт ќе мора да ги градиме институциите од почеток. -Има луѓе кои ја сакаат државата и сакаат да оди напред и луѓе кои работат само за своите лични интереси, а спротивно на интересите на граѓаните и државата.