христијан мицксоски – Kurir.mk

Ширел лажни информации и невистини: Мицкоски со добиена тужба против провладин медиум за клевета

Тале Кристо — Tue, 20 Jun 2023 07:54:24 +0000

Вака изгледа срамот од лагите на власта, уште еднаш осудени се дека клеветат, пишува во својата Фејсбук објава лидерот на ВМРО-ДПМНЕ Христијан Мицкоски. -На големиот христијански празник Прочка водеа кампања со лаги, навреди и измислици по кој знае кој пат овие пет години, против мене и моето семејство. Сакаа да ме изедначат со нив и претстават како политички профитер и криминалец. За таа цел СДСМ и ДУИ ги вклучија сите свои медиумски слуги да ме навредуваат мене и честа на моето семејство со лаги, измислици и конструкции. На тој подол начин мислеа дека ќе спечалат на краток рок некој политички поен. Не успеаа…, а денес ја добив пресудата во прв степен, а еден од тие медиумски слуги е осуден дека сторил клевета, со изнесување невистини и се задолжува на негов трошок да ја објави пресудата во еден дневен весник. www.frontline.mk го прекршил членот од 8 од ЕКЧП како и кодексот на новинари на Македонија. Можеби мала утеха, но доволна за лична сатисфакција..., пишува Мицкоски во својата објава.

Мицкоски положи свежо цвеќе по повод годишнината од депортацијата на македонските Евреи: Катастрофата од геноцидот никогаш да не се повтори, но и да не се заборави!

Тале Кристо — Sun, 12 Mar 2023 11:25:56 +0000

Делегација на ВМРО-ДПМНЕ, предводена од лидерот на пртијата Христијан Мицкоски положија свежо цвеќе по повод 80 годишнината од депортацијата на македонските Евреи во логорот Треблинка. Денес положивме свежо цвеќе по повод 80 годишнината од депортацијата на македонските Евреи во логорот Треблинка од времето на фашистичката окупација на Македонија. Овој чекор е сеќавање за човечката голгота и жртвата на невините луѓе, како и опомена за страотните последици на војната предизвикана од фашистичките окупатори на Македонија. Денеска се сеќаваме за 7144 наши сограѓани кои заминаа од своите домови и никогаш повторно не се вратија. Тагата и болката се сѐ уште присутни. Да извлечеме поука и да ја гледаме објективно историјата која ни кажува дека војната и непријателството го раѓа семето на злобата, уништувањето и заедничката несреќа. Таквиот геноцид е најцрниот настан во историјата на човештвото. Катастрофата од геноцидот никогаш да не се повтори, но и да не се заборави!, пишува Мицкоски во својата објава.

Мицкоски: Македонија е нашиот заеднички дом, да покажеме заеднички патриотизам, новата 2023-та година нека биде година на промени

Тале Кристо — Sat, 31 Dec 2022 08:16:18 +0000

Македонија е нашиот заеднички дом, да покажеме заеднички патриотизам. Да не губиме време, да ја завршиме работата, народот да има повеќе пари, власта да има повеќе одговорност. 2023тата ќе биде година во која промените ќе ја доживеат својата полна сила. Ќе има многу проекти, поголеми број на помали и една голема победа, вели во својата новогодишна честитка лидерот на ВМРО-ДПМНЕ Христијан Мицкоски. -Годината која изминува остава свои траги. Добри и помалку добри. Спомени, по некоја добра работа, многу емоции, за жал и загуби и предизвици. Неспособна власт, беспарица, енергетска криза, поскапувања. Тргуваа со националното достоинство, нема правда, а и мирот е кревок. Трпаат порази на секој чекор за кои вие не сте виновни. Порази кои власта ги прави на ваша сметка и во ваше име. Премногу е! Ова мора да има крај. Мора да станеме сите заеднички, да чекориме напред, промените почнаа и враќање нема. Ние имаме право на иднина која ќе е подобра за нашите деца. Таа иднина ние ќе ја обезбедиме. Македонија е нашиот заеднички дом, да покажеме заеднички патриотизам. Да не губиме време, да ја завршиме работата, народот да има повеќе пари, власта да има повеќе одговорност. Власта треба да се врати кај народот. Време е. Да создадеме иднина во која веруваме. Иднина која ја заслужуваме Силно верувам во Вас, верувајте и Вие во себе. 2023тата ќе биде година во која промените ќе ја доживеат својата полна сила. Ќе има многу проекти, поголеми број на помали и една голема победа. Ќе биде подобро. Доаѓаат подобри времиња. Предавствата ќе паднат, моралот ќе се врати, законитост ќе има. Драги пријатели, испратете ја старата и дочекајте ја Новата 2023та година во добро друштво и расположение, со луѓето кои ги сакате и ви значат. Искористете ги моментите и подарете љубов, сетете се на оние кои не се со Вас, прегрнете ги оние кои се со Вас. Посакајте добро здравје, радост и среќа на сите и трудете се да направите се што е во ваша моќ за да овозможите што повеќе добрина. Да сте живи и здрави. Ви посакувам среќна, весела и успешна 2023та година.