христјан мицкоски – Kurir.mk

Мицкоски: Предвремени парламентарни избори се единствено логично решение во оваа ситуација на голем криминал и корупција

Катерина Бојаџиева — Mon, 24 Jul 2023 12:03:25 +0000

Ние излез од оваа ситуација во која се наоѓаме гледаме во предвремени парламентарни избори. Ова го порача лидерот ан ВМРО-ДПМНЕ, Христијан Мицкоски по средбата со претставници на Стопанската комора на Северозападна Македонија. „Се наоѓаме во услови на голем криминал, голема корупција, неспособност, немање реформи, Влада која не може да испорача и единствено логично решение гледаме во предвремени парламентарни избори“, рече Мицкоски. Лидерот ан ВМРО-ДПМНЕ посочи дека во исто време потребно е да се интервенира и во Изборниот законик. „Потребно е распуштање на парламентот, интервенција во Изборниот законик, бришење на техничка влада и избори на есен“, посочи Мицкоски одговарајќи на новинарско прашање дали изборите се решение.

Мицкоски: На граѓаните им посакувам здравје, спокој и мир во душите, да се почитуваме и меѓусебно поддржуваме зошто само така може да одиме напред

Катерина Бојаџиева — Sun, 24 Apr 2022 10:35:35 +0000

Христос воскресна! Нека ни е за многу години денот! Ја користам оваа прилика на сите православни христијани да им го честитам еден од најголемите христијански празници – Велигден. Да им посакам пред се здравје, среќа, спокој, мир во душите, затоа што само така ќе можеме да ги постигнеме целите кои што ги имаме зацртано, истакна Христијан Мицкоски, претседател на ВМРО-ДПМНЕ. -Ја користам исто така оваа прилика на сите граѓани во Македонија без разлика на нивната вероисповед, христијанин, муслимани, атеисти, и останати исто така да им посакам мир, здравје, спокој во душите. Правдата да ја победи неправдата. Доброто да го победи злото. Затоа што ова се денови кога сите ние празнуваме со една голема среќа во нашите тела и таа среќа треба да ја пренесеме на сите наши сограѓани без разлика на нивната вероисповед. Затоа што едни и други треба да се сакаме и почитуваме без разлика на нашите различности затоа што пред и над се сите ние сме луѓе. И само почитувањето и меѓусебната поддршка може да не води напред, но и да ја води напред нашата заедничка татковина Македонија. Уште еднаш, нека ни е честит Велигден! И Христос воскресе!, додава Мицкоски.

Мицкоски прифати средба со Ковачевски

Ристе Здравков — Thu, 13 Jan 2022 10:03:36 +0000

Мандатарот Димитар Ковачевски, при неговото последно обраќање кон јавноста најави дека има намера да се сретне со претседателот на ВМРО-ДПМНЕ, Христијан Мицкоски. Ковачевски истакна дека со лидерот на опозицијата би сакал да разговара за сите оторени прашања. Од ВМРО-ДПМНЕ денеска за плусинфо кажаа дека за поканата за евентуалната средба на Ковачевски и Мицкоски дознале од медиумите и дека сè уште не е пристигната официјална покана. Од партијата порачуваат дека Мицкоски ќе прифати разговор со мандатарот, но само на одредени теми. „За покана за средба на Ковачевски со лидерот на ВМРО-ДПМНЕ Христијан Мицкоски дознаваме од медиумите и сè уште нема официјална покана за средба. Доколку има таква покана, средбата би била прифатена под услов да се разговара за следниот дневен ред: предвремени парламентарни избори како единствено оддржливо и кон граѓаните одговорно решение, содржината на одговорите на прашалникот 5 плус 1 кон Бугарија и позициите на Македонија и точка разно во која би спаѓало и разговор на темата сузбивање на криминалот и корупцијата“, појаснија за Плусинфо од ВМРО-ДПМНЕ. Новата влада предложена од Ковачевски, се очекува да биде изгласана во Собранието во сабота.