Христо Иванов – Kurir.mk

Иванов: Бугарскиот политички систем се движи кон расцепување

Ивона Петрова — Mon, 21 Nov 2022 10:17:04 +0000

Формирањето влада во Бугарија ќе биде тешко, за таа да биде стабилна, потребно е нешто повеќе –поставување на приоритети и создавање таква структура и атмосфера што ќе ги увери граѓаните дека ова не е непринципиелен собир, изјави заменик-претседателот на Демократска Бугарија, Христо Иванов на почетокот на консултациите со претседателот Румен Радев. Како што јави дописникот на МИА од Софија, според Иванов, бугарскиот политички систем е на пат кон распарчување и не може да се очекува појава на единствен субјект т.е. клучот отсега секогаш ќе биде дијалогот, барајќи форми на соработка. Но, многу е важно тоа да не е непринципиелно. – Демократска Бугарија има три приоритети – судски реформи, безбедносни прашања во поглед на конфликтот во Украина и трето, тоа е разумен економски курс, што ќе се грижи за оние на кои им е потребна помош, но и почива на разбирањето дека излегувањето од инфлацискиот ризик и ризикот од економско забавување зависи од создавањето услови за раст, инвестиции и конкурентност, наведе Иванов. Според него големата залог е дали политичките сили во Бугарија извлекле поуки и дали ги научиле лекциите. Корупцијата во својата генеза е злоупотреба на власта во Бугарија. За жал, измените на Изборниот законик и не само нивната содржина, туку начинот на кој мнозинството од три парламентарни партии почнаа да се однесуваат арогантно и брутално и покажа дека, за жал, лекциите не се научени и се дел од рецидивите кои секојдневно ги гледаме во Бугарија.

Иванов: Ако ДБ го добие третиот мандат ќе се обидеме да составиме новата бугарска влада

Ивана Ефремовски — Fri, 08 Jul 2022 11:09:56 +0000

„Демократска Бугарија“ (ДБ) е подготвена, доколку и биде доделен мандат, одговорно и дијалошки, ќе се обиде да направи сè што е можно за формирање нова влада во рамките на овој состав на Народното собрание на Бугарија, изјави претседателот на пратеничката група на ДБ, Христо Иванов. Како што јави дописникот на МИА од Софија, Иванов оцени дека ДБ се докажа со својата одговорност и подготвеност на дијалог, а следната година ќе се решат важни кризи за Бугарија. Тој додаде дека најдобро е да има влада во Бугарија, всушност дека најдобро би било да се формираше влада со првиот мандат. Според него, ако БСП го добие третиот мандат, тогаш ДБ ќе разговара за тоа прашање со нејзиното раководство. „Демократска Бугарија“ апелира претседателот Румен Радев да продолжи со консултациите со парламентарните политички партии. Доколку првиот мандат се покаже како неуспешен, според него, би било добро претседателот на Бугарија да одржи уште една рунда консултации пред да го врачи третиот мандат за формирање нова влада во рамките на 47. Народно собрание на Бугарија. (МИА)

Иванов: Францускиот предлог е успех за Бугарија

Ристе Здравков — Thu, 16 Jun 2022 16:14:14 +0000

Францускиот предлог за европски гаранции за исполнување на бугарските услови од Северна Македонија е успех за Бугарија. Отфрлањето на тоа е пропуштање можност за добар договор, изјави за БНР копретседавачот на партијата „Демократска Бугарија”, Христо Иванов. Како што јави дописникот на МИА од Софија, според Иванов, Бугарија е на пат да ја пропушти можноста за добра зделка што ја направи француското претседателство. Најважниот параметар на овој договор, како што вели, е дека ќе има обврска од Европската комисија да следи дали Северна Македонија ќе ги вклучи Бугарите во уставот на земјата како другите народи кои се основачи на републиката, а не како малцинство. -И ако тоа не се случи, нема да има преговори за првото поглавје. Ова е успех за бугарската дипломатија и ова не е национално предавство, рече Христо Иванов. Тој го критикуваше однесувањето на министерката за надворешни работи во оставка Теодора Генчовска. Надворешната политика на Бугарија ја одредува владата на државата. И од оваа гледна точка, според Христо Иванов, секој министер кој тврди дека можеби има некоја друга политика едноставно си поднесува оставка, како и обично. А тоа го направи кога беше министер за правда на Бугарија за време на третата влада на Бојко Борисов помеѓу 2015-2017 година.

Иванов: Стратешки интерес на Бугарија е Македонија да биде дел од ЕУ

Тале Кристо — Wed, 15 Dec 2021 12:58:17 +0000

Бугарија не треба да го менува својот став кон Република Македонија, изјави денеска копретседателот на коалицијата Демократска Бугарија, Христо Иванов, додавајќи дека позицијата на Софија е оти во нејзин национален интерес е двете земји да бидат дел од европското семејство. – Наш стратешки интерес е Македонија да биде дел од ЕУ, но со почитување на Договорот за пријателство, додаде Иванов, чија коалиција е дел од новата бугарска Влада. Според Иванов, како што јави дописникот на МИА од Софија, новата Влада не ја менува позицијата на Бугарија кон земјава, туку се залага за изнаоѓање пристап заедно со властите во Скопје „за остварување и на двете цели“.