Христо Кондовски – Kurir.mk

Христо Кондовски од СДСМ со морбидна манипулација за евтини привилегии!

Ристе Здравков — Wed, 27 Oct 2021 12:34:01 +0000

Скандалозни информации деновиве се поврзуваат со кандидат за градоначалник на СДСМ во Битола, Христо Кондовски. На перфиден, но, прилично морбиден начин, тој од 2019 до октомври 2021 година ја злоупотребувал инвалидноста на својата покојна мајка, Цветанка Кондовска, почината пред седум години, за лична финансиска корист. Правејќи финанскиски криминал го оштетува државниот буџет, Јавното претпријатие за државни патишта и осигурителни компании. Имено, тој ги злоупотребувал документите за инвалидност на својата покојна мајка, за да си овозможи намалени давачки за регистрација на возилото, привилегии што државата им ги овозможува на инвалидите. Овие привилегии вклучуваат: 100 отсто ослободување од надоместок за патарина при годишна регистрација на возилото што е во сопственост на лицето со инвалидитет. 100 отсто ослободување од плаќање на патарина на сите наплатни места на јавните патишта во државата за возилото што е во сопственост на лицето со инвалидитет. 10 отсто намалување на премијата на полиса за осигурување од авто-одговорност за регистрација на возилото што е во сопственост на лицето со инвалидитет. 50 отсто намалување на основната премија за осигурување од авто- одговорнсот која неговата покојна мајка ја стекнала за 10 години без направена штета на туѓо возило во сообраќај. Христо Кондовски овој криминал свесно го извршувал преку своите компании каде што е менаџер и ко-сопственик: „СН Сообраќаен центар- технички преглед Битола“, фирма преку којашто го регистрира возилото и „СН Брокерско друштво Битола“, преку којашто ја извршува процедурата за осигурување. Кондовски е човек која за ситна и мизерна лична финансиска корист ја злоупотребил сопствената покојна мајка (инвалид), сопствените компании кои ги менаџира и ја оштетил државата и осигурителните компании, за што треба да одговара и морално и кривично. Ако е подготвен на ваков мизерен и морбиден криминал, што друго Христо Кондовски правел и прави преку своите компании? Што Христо Кондовски би направил со буџетот на Општина Битола што е над 120 милиони евра, ако стане градоначалник во следните четири години? Дали ова е најдоброто за Битола или најлошото за Битола? Во продолжение документите што го откриваат ова кривично дело на кандидатот за градоначалник за Битола, кој доаѓа од редовите на СДСМ: На социјалните мрежи пред неколку дена се објави и фотографија од казнена евиденција која покажува дека во 2003 Кондовски бил осуден за тешка кражба.

Лоповот од Битола* - Христо Кондовски - Стентонот pic.twitter.com/UIzIeMVc98
— Демир (@Trollowsky) October 22, 2021

Ангелевска: Кондовски треба да одговори дали по негов налог на просветните работници им се бараат сигурни гласачи да ги фотографираат своите ливчиња како доказ дека гласале за СДСМ?

Ивана Ефремовски — Wed, 27 Oct 2021 12:31:56 +0000

Граѓаните интензивно јавно споделуваат за заканите, притисоците и уцените да гласаат против своја волја, да гласаат за уценувачите од СДСМ и Христо Кондовски. Пред два дена објавивме дека СДСМ под патронат на генералниот секретар Љупчо Николовски спроведува акција со кодно име „Нововработени“ во Битола, истакнува Силвана Ангелевска од ВМРО-ДПМНЕ.

-Денес го прашуваме Христо Кондовски да одговори, дали по негов налог се повикани просветните работници во Битола во штабот на СДСМ? Го прашуваме Христо Кондовски да одговори дали е точно дека покрај притисокот да гласаат за него спротивно на нивната волја, им се бара да достават списоци со 15 сигурни гласачи? Христо Кондовски треба да одговори дали по негов налог на просветните работници им се бара овие сигурни гласачи да ги фотографираат своите гласачки ливчиња како доказ дека гласале за СДСМ? Мои сограѓани, Ве охрабруваме да не потпаѓате под притисоци и уцени, ние сме горд град и нема да подлегнеме врз заканите на времени директори. Секој еден директор што ќе се осмели да ги малтретира вработените ќе сноси одговорност за направеното. Докази има, а тие се нашите сограѓани кои се жртви на заканите и притисоците, тоа се учители и наставници кои јавно ќе покажат со прст кој ги понижува и ги уценува, истакна таа.

„Христо Кондовски не бира начин како да ја узурпира волјата на граѓаните, впрочем како што и сам јавно кажа Христо Кондовски не е тука за да работи за Битола, туку од неа да заработи“, порача таа.

Кандидатот на СДСМ за градоначалник на Битола ќе сработува или ќе ЗАРАБОТУВА?!

Ристе Здравков — Tue, 26 Oct 2021 09:13:36 +0000

Да заработиме бе братче.Има се, може се! Кандидатот на СДС од Битола

Да заработиме бе братче.Има се, може се!
Кандидатот на СДС од Битола👇 pic.twitter.com/o22VXPxK7M
— Igor Durlovski (@IDurlovski) October 26, 2021

Бојкоски: Кондовски треба да одговори на битолчани, дали градскиот татко го замислува како локален разбојник?

Катерина Бојаџиева — Sun, 24 Oct 2021 15:36:10 +0000

Христо Кондовски се уште не ја кажува вистината пред битолчани, од негово име и со прецизен одговор: Дали Христо Кондовски е извршите на две кривични дела а за едното е осуден за – тешка кражба со провала и за тешка телесна повреда на друго лице?, вели Бојан Бојкоски од ВМРО-ДПМНЕ. -Битолчани не ги интересира дали за делата настапила законска рехабилитација, битолчани сакаат да знаат дали кандидатот за градоначалник Христо Кондовски извршил тешка кражба со провала и дали нападнал друго лице со нанесување на тешки телесни повреди? Да повториме, на само неколку дена пред избори, битолчани имаат право од негова уста да чујат, дали во 2003 та година Христо Кондовски провалил во еден познат битолски дуќан односно прибавил имотна корист за себе? Дали во 2009 та година нападнал човек и му нанел тешки телесни повреди? Христо Кондовски треба да одговори дали овие настани се случиле, дали има полициско досие и дали е сторител на кривичните дела тешка кражба и тешка телесна повреда? Христо Кондовски треба да одговори дали има полициско досие и како таков ја бара довербата на битолчани за градски татко? Почитувани, и сопствениците на обиениот дуќан и денес се тука меѓу нас, затоа го повикуваме повторно, да излезе пред битолчани и да ја каже вистината за себе! Наместо да се крие зад партиски соопштенија, Христо Кондовски треба да им одговори на битолчани во прво лице еднина, дали градскиот татко го замислува како локален разбојник кој краде и тепа?, додава Бојкоски.

Тодоровска: Дали Христо Кондовски е лице осудено за тешка кражба?

Катерина Бојаџиева — Sat, 23 Oct 2021 14:24:37 +0000

Вчера Христо Кондовски го падна интернетот. Вчера, речиси и да немаше битолчанец кој на социјалните мрежи, не ја објави информацијата за Христо Кондовски – со прашањето, дали тој е лице осудено за тешка кражба? Почитувани битолчани, денес прашуваме, дали Христо Кондовски провали во еден од познатите битолски дуќани за да оствари лична корист, односно да украде стока за себе наместо да ја плати?, вели Марица Тодоровска од ВМРО-ДПМНЕ. -Дали Христо Кондовски е бизнисмен кој кога нешто сака, провалува и го зема? Дали е тоа хуманистот, менаџерот, дали е тоа човекот кому битолчани треба да му ја дадат својата иднина? Почитувани битолчани, уште од првиот ден на изборната кампања Христо Кондовски заедно со бизнис пајташите од Струмица вложија милиони во лажна пропаганда и буквално го залепија на секоја бандера и на секој фејсбук профил, за да го изрекламираат како добар и успешен човек. Знаеме дека тој профил на човек совршено се вклопува во друштвото на бизнис кланот Заеви, но дали е тоа човек каков што и треба на Битола? Дали човекот кој денес објавува дека не е осуден за тешка кражба и се крие зад партиска информација, само заради тоа што поминале 18 години од стореното дело сака да каже дека истото не се случило, односно дека не провалил во битолски дуќан во 2003-тата? Почитувани, вчера битолчани на интернет го изрекламираа вистинскиот Христо Кондовски – со отвореното прашање дали ова лице е осудено за тешка кражба со провала. Го повикуваме да излезе пред битолчани и конечно да ја каже вистината за себе: дека тој од Битола сака да заработи, а не за неа да работи! Токму затоа битолчани на 31-ви октомври нема да му го дадат својoт глас!, подвлекува Тодоровска.

Николоски: Христо Кондовски е најголемиот бандит кој што е кандидиран за градоначалник, ќе одговараат за поткупот веднаш по промената на власта

Ивана Ефремовски — Tue, 12 Oct 2021 14:55:17 +0000

„По она што го видовме во Битола е сериозен знак на очајот со кој што е соочен СДСМ и особено нивниот кандидат во Битола, Христо Кондовски, кој што е најголемиот бандит воопшто кандидиран за градоначалник било каде низ Македонија. Кажав како што од Струмица прават Заевград, сакаат од Битола да направат Стентонград, но нема да им успее тоа“, нагласи потпретседателот на ВМРО-ДПМНЕ, Александар Николовски при средбата со граѓаните во Радовиш, одговарајќи на новинарско прашање. Николоски додаде дека битолчани за овој обид на поткуп ќе го казнат СДСМ. „И во очај соочени со јасниот пораз што им следува на изборите, се обидуваат да прават поткуп особено помеѓу ромското население на Баиро. Веројатно знаат но еве да ги информираме пред јавност дека изборниот поткуп е сериозно кривично дело за кое што казна затвор е од пет години нагоре. И ќе одговараат после овие избори. А, го повикувам и МВР уште веднаш да ги процесуира, доколку тоа не го направи затоа што се работи за кандидат од владејачката СДСМ, тоа ќе се направи после промената на Владата кога ќе бидат ослободени институциите, а пред се судството и обвинителството“, рече Николоски. Николоски апелираше до сите останати кандидати за градоначалници на СДСМ да не се обидуваат да одат по стапките на Христо Кондовски, бидејќи и тие ќе одговараат пред Законот. „Прашање за него да одговори, дали ова што се обидува да го подели како изборен поткуп е резултат на парите кои што ги добива од тендери, дали е за РЕК Битола, дали е за браната Отиња, или пак за останатите големи проекти, или за оној легендарен мост во Прилеп кој што буквално е некој 200 метри, а е најскапиот мост во светот. Дури мостот чини милион евра со три анекси кои што беа направени. Така да за сето ова ќе има одговорност после промената на власта“, нагласи Николоски.

Мицкоски за Кондовски: Парите кои ги крадат со неговиот ментор Ковачевски ги користат во кампањата, ако ова не е точно нека ги раскинат договорите и нека ги вратат парите, наспроти нив ние имаме програма за Битола

Тале Кристо — Sun, 10 Oct 2021 13:09:59 +0000

Парите што ги крадат со неговиот ментор, Васко Ковачевски ги користат за кампањата, истакна претседателот на ВМРО-ДПМНЕ Христијан Мицкоски после средбата со граѓани во Битола по која даде изјава за медиумите каде беше прашан и за последната афера објавена од партијата во однос на договорот кој една од фирмите на кандидатот за градоначалник на СДСМ, Христо Кондовски го имаат потпишано со АД Електрани на Македонија, во вредност од четири милиони евра за што постојат сомнежи дека со овие пари ја финансира неговата скапа, изборна кампања. Мицкоски порача, ако ова не е точно нека го демантираат со тоа што ќе ги раскинат договорите и ќе ги вратат парите, па со програма нека излезат пред битолчани да ја бараат поддршката од граѓаните за нивниот кандидат за градоначалник, а не да се фали дека ќе ги купувал изборите. -Еве, ако не е така нека ме демантира, нека ги раскине договорите, нека ги врати парите и нека излезе со програма пред битолчани, овдека и нека каже што ќе направи. Еве ако јас не сум во право, еве тој е во право нека излезе пред битолчани и нека каже што ќе направи. Нека ги врати, нека ги раскине договорите, со 15 милиони евра од кои што 3-4 милиони има нето профит, води кампања и се фали дека ќе ги купувал изборите, рече Мицкоски. Тој посочи, дека таква е нивната програма, без понуда и програма за реализација на проекти, при што додаде, зарем на сево ова што се случува и што сите веќе го гледаат, ВМРО-ДПМНЕ треба да молчи? Мицкоски порача дека нема да молчат, затоа што партијата и кандидатот за градоначалник на Битола, Тони Коњановски имаат план за развој на Битола и на цела Македонија. -Таква е неговата кампања. Што треба да направиме на тоа, да молчиме? Па, нема да молчиме. Нема да молчиме затоа што имаме јасен план, јасна програма и за развој на Битола и за развој на Македонија и ќе се бориме. Затоа и реков, за нас ова е битка кога треба да се брани не само Битола, туку тука во Битола се брани Македонија од оваквите кои што ја опљачкаа, понижија и омаловажија нашата Македонија, порача Мицкоски.

Кондовски да е на местото на Заев, не би ја прифатил оставката на Филипче

Катерина Бојаџиева — Wed, 06 Oct 2021 18:57:11 +0000

Јас би поставил едно реторичко прашање до почитуваниот Кондовски. Господине Кондовски ако јас денеска сум Венко Филипче, јас без размислување би поднел оставка како морален чин на сите настани кои што се случија изминатиов период особено за трагичната несреќа што се случи во Тетово. Доколку сте Вие во позиција на премиерот Зоран Заев дали таа оставка би ја прифатиле, го запраша Тони Коњановски, кандидат на ВМРО-ДПМНЕ за градоначалник на општина Битола својот противкандидат Христо Кондовски во емисијата „Топ тема“ на Телма телевизија. Кондовски на ова прашање се обидуваше да не одговори. „Венко Филипче е една личност и еден човек кој покажа едни одлични менаџерски капацитети во време на пандемијата. Вие добро го познавате тоа како епидемиолог. И баш тука можете да кажете одредена критика или сугестија и добро да ве послушаме. Не сум ни на премиерот местото, ниту премиерот Зоран Заев. Еден ден можеби ќе сакам да бидам. Но, не сум ни на местото на министерот Венко Филипче, да оставиме да ја решат ситуацијата онака како што ќе ја решат или како што ја решаваат. А, граѓаните да испорачаат резултат за таа работа“, рече Кондовски. Коњановски уште еднаш го запраша својот противкандидат дали би ја прифатил оставката на Венко Филипче. „Не знам, првин треба да се открие дали има некаков мотив и проблем во Венко Филипче или нема. Јас мислам дека нема и не би ја прифатил“, нагласи Кондовски.

„СДСМ и Кондовски не сакаат да работат, тие сакаат да заработат“

Магдалена Андонова — Tue, 28 Sep 2021 12:59:43 +0000

СДСМ и Христо не сакаат да работат, ТИЕ САКААТ ДА ЗАРАБОТАТ Почитувани битолчани, Нема да дозволиме општинската каса да се троши на бизнис интереси и на делење провизии. Нашите сограѓани веќе го пробаа животот на чело со Христо Кондовски- тоа е живот на рати. Додека тој и неговата струмичка арамиска дружина живеат на висока нога, битолчани кои се осигуреници во неговата фирма ги исплаќа на рати. Тоа е Христо Кондовски- менаџер за живот на рати, стои во Фејсбук статусот на ОК ВМРО-ДПМНЕ Битола. Во објавата пишува дека топ десетте проекти на Кондовски нема да се реализираат ни во наредните 4 ни во наредните 44 години и се посочува дека ако СДСМ и Христо сакаа да работат овие проекти имаа шанса да ги сработат и преку Општината и преку Владата. - Почитувани битолчани, СДСМ и Христо не сакаат да работат, ТИЕ САКААТ ДА ЗАРАБОТАТ. Проектот Топлификација, кој што сега повторно бесрамно го ветуваат, менторот на Кондовски, Васко Ковачевски, го умре веднаш кога ја освоија власта пред четири години, за пак да го воскресне непосредно пред овие избори. Христо Кондовски - ветува се и сешто за да се добере до пари. Но не му оди од рака. Затоа го прашуваме, дали една од фирмите во кои тој е косопственик и акционер издаде обврзница од 80 милиони денари за да прибере кеш од приватниот сектор, но треба да одговори и дали успеал да собере помалку од 10 %. И еве го разочаран од неговите колеги бизнисмени кои не му веруваат доволно за да ја купат неговата обврзница одлучи да влезе во политика, со надеж дека во општината ќе зграби поголем процент. На Христо Кондовски не му веруваат ниту луѓето од бизнис фелата а бара доверба од сите битолчани? Нема да ја добие. Битолчани, сакаат слобода, сами да одлучуваат што и за колку пари ќе се прави во градот. И најважно од се, не сакаат повеќе лаги и живот на рати, се вели во Фејсбук статусот.

Масовно незадоволство на членови на СДСМ во Битола (ФОТО)

Ивана Ефремовски — Tue, 31 Aug 2021 14:17:00 +0000

Согласно информациите кои протекоа од одлуките на извршниот одбор за кандидат за градоначалник на Битола е избран Христо Кондовски кој е кум на Благој Крстевски - СТЕНТОНОТ.

Во пресрет на официјалното соопштување на одлуката на кандидат за градоначалник на општина Битола низ социјалните мрежи е бура од реакции по однос на донесената одлука за направениот избор, пренесува порталот Аналитикум.

Незадоволството помеѓу членовите е големо и дури се зборува за вртоглави суми кои биле платени.

Сепак од оваа одлука на Скопје незадоволство има во општинската организација на СДСМ во Битола но исто и се плашат јавно да реагираат бидејќи секој од нив е на некоја висока државна функција и несмее јавно да го соопштат својот став, пишува порталот.

Активисти и членови на СДСМ Битола ги споделуваат следните статуси: