Одбележана годишнината од смртта на охридскиот револуционер Христо Узунов

Тале Кристо — Mon, 24 Apr 2023 13:13:22 +0000

Градот Охрид и оваа година традиционално ја одбележа годишнината од херојската смрт на македонскиот револуционер и војвода на охридските револуционерни чети, Христо Узунов. Во рамки на чествувањата, делегација на Општина Охрид денеска положи цвеќе пред неговата спомен-биста во Градскиот парк. Општинска делегација присуствуваше и на панихидата и се поклони на гробот на познатиот охридски револуционер во кичевското село Цер. Со културно-уметничка програма патрониот празник го одбележа и Општинското основно училиште „Христо Узунов“. Узунов е еден од плејадата големи македонски револуционери, учител и војвода, роднина на Григор Прличев. Роден е во Охрид, на 22 февруари 1878 година. Пред 118 години, на 24 април 1905 година, откако биле опколени од многуброен аскер засилен со артилерија, Христо Узунов заедно со 11 негови соборци извршиле саможртва, за да не паднат живи во рацете на Турците.

Се самоубиле со последните куршуми за да не паднат во рацете на македонскиот непријател: На денешен ден загинаа Христо Узунов и неговата чета

Ивана Ефремовски — Mon, 24 Apr 2023 06:27:42 +0000

Во селото Цер, кичевско, во борба против турската војска, на денешен ден, загинал Христо Узунов, еден од плејадата големи македонски револуционери, учител и војвода, роднина на Григор Прличев. Тој се самоубил заедно до единаесетмината негови соборци. На 24-ти април 1905 година, од Крушево заминал за Кичевско, придружуван од страна на 14 соработници и револуционери, добро вооружени четници и двајца војводи, Ванчо Србаков и Пецето сѐ со цел да го исполнат решението за погубување на петнаесетмината ренегати во една ноќ. Но во кичевското село Цер биле опколени од многуброен турски аскер со артилерија. Тие не примиле никаква помош па биле принудени или да се предадат или да се самоубијат. Војводата Ванчо Србаков решил на свој ризик, со фрлање на бомби да се обиде да се пробие низ огнот, во кој сепак не успеал. За да не им паднат на Турците живи во раце, тој и неговите 13 соборци извршиле саможртва. Борбата во село Цер меѓу Узуновата чета и одредите од Крушево и Прибилци започнала и четата направила обид да го пробие обрачот, но откако во битката загинале Ванчо Србакот и Узуновиот четник - Наумче, четата се вратила во куќата на Костадиница Стојанова Паунова, која куќа била солидна и погодна за престојната борба. Борејќи сè до претпоследниот куршум, Христо Узунов со своите другари последните куршуми ги истрелале во себеси, не сакајќи живи да се предадат на османски власти. Сведок на сликата на простреланите четници бил Италијанецот Еторе Лодди кој запишал: "На другиот ден после бојот ја видов во Цер страшната слика што никогаш нема да ја заборавам. - Труповите на единаесет млади јунаци сите со отворени рани по градите и по челото. Се самоубија, за да не паднат живи во рацете на непријателот. Ми го покажаа војводата. Узунов лежеше прострен на подот со раширени раце, а погледот на неговите мртви и отворени очи гледаше горе, во бескрајот. Од челото уште течеше крв... Ја видов Македонија во тој момент - маченица, велика, непобедива! " Роден бил во Охрид, на 22 февруари 1878 година.

Христо Узунов – Kurir.mk

Одбележана годишнината од смртта на охридскиот револуционер Христо Узунов

Се самоубиле со последните куршуми за да не паднат во рацете на македонскиот непријател: На денешен ден загинаа Христо Узунов и неговата чета