МЕЃУ НИВ НЕМА ПОЛИТИЧАР: Христијан Мицкоски избра тројца личности на годината

Катерина Бојаџиева — Fri, 31 Dec 2021 10:56:22 +0000

Тие се личности кои секако имаат белег, свој придонес за процесите во земјава во 2021 година. Но за Фактор одговараат кои се според нив тројцата кои ја одбележаа годината што изминува - можеа да се личности ама може да се и компании, институции. Ова е изборот на Христијан Мицкоски претседателот на ВМРО-ДПМНЕ, пренесува Фактор. Годината што изминува беше доста турбулентна и стресна за многу луѓе. Време на предизвици, промени и тежок живот. Реалниот човек ќе ја памети оваа година по проблеми, инфлации, тешки одлуки за себе и своите семејства. Во ваквото сивило има точки на силна светлина, херои кои не се од политиката, бидејќи јас таму такви не гледам, луѓе од реалниот живот кој носат надеж, позитивен дух и се примери кои мора да ги мултиплицираме. Од луѓето кои ја одбележаа годината е сигурно Дејан Георгиевски кој на Македонија и го донесе олимпиското сребро во конкуренција на врвни борци во Теквондо. Скромното момче од Бутел широко го развиори македонското сонце и докажа дека со силен елан, мотив и упорност се доаѓа до врвот. Вториот би рекол тим на годината која ја одбележa годината е фудбалската репрезентација на Македонија предводена од Игор Ангеловски Мрме. Самиот пласман и настап на фудбалската репрезентација на Европското првенство беше празник за оние на кои им е важна црвено црната боја. Тоа не направи сите нас горди и беше остварена историска заложба за настап на такво првенство. Третиот човек кој ја одбележа годината е виртуозот Симон Трпчевски кој на нозе ја крена публиката во Сан Диего, Букурешт, Софија, Порторико, Швајцарија и низ многу центри во Светот. Неговата уметност и неговата виртуозност е македонското дело кое го воодушевува секој неговото музицирање го остава без зборови. Во годината што следи се надевам дека ќе има уште повеќе вакви примери кои ќе покажат дека Македонија умее да победува, прави промени и носи иднина.

Мицкоски: Нема да поддржиме и нема да почитуваме договор кој ќе е штетен за нашите интерeси

Магдалена Андонова — Tue, 28 Dec 2021 20:24:13 +0000

5+1, 6-2, 12+3 или како сакате наречете ги тие иницијативи, тоа е парадата позади завесата, приличен јасен бев, стои документ кој што тие го нарекуваат Резолуција на бугарскиот парламент. Тоа е основата, тоа е суштината на проблемот. Овие инцијативи 5+1, 2+3, 3-1, ако сакате да бидеме наивни или да се правиме наивни тогаш да веруваме. Тоа е фолклор, суштината е позади завесата, тоа е Резолуцијата која ја имаат склопено во парламентот, истакна претседателот на ВМРО-ДПМНЕ, проф. д-р. Христијан Мицкоски во интервју за Македонско радио. Мицкоски додаде би било добро министерот за надворешни работи да ги информира пратениците што се преговара со Бугарија, за да се реши спорот. - Ако ме запрашате што може да направи ВМРО-ДПМНЕ од оние информации со кои што располага, пратеникот Милошоски кој што претседава со Комисијата за надворешни работи во рамките на Собранието веќе има упатено покана до министерот за надворешни работи, господинот Османи да дојде и пред пратениците да објасни во каква насока ја води дипломатијата и да даде определени детали од договорот што вие го рековте позади завесата за кој што веќе се преговара и лиферуваат определени документи итн. И да каже, и добро е да каже колку пари народни потроши од Бучковски патувајќи наваму, натаму изминатава година, затоа што очигледно е дека тие патувања претставуваат мини екскурзии без никаков бенефит за граѓаните, појасни Мицкоски. Мицкоски посочи дека за потрошените пари од Буџетот за патувања на Бучковски треба некој да сноси и одговорност. Не е во ред да се трошат парите на граѓаните, а нема никаков ефект. - Затоа јас би апелирал еве повторно и до господинот Османи да ја прифати поканата на Антонијо Милошоски, пратеникот, и да дојде и пред пратениците да зборува за тоа во каков правец оди дипломатијата, до каде е со преговорите, до каде е почетокот на преговорите и првата меѓувладина конференција. Затоа што тоа се прашања на кои што народот се уште нема одговор, нагласи Мицкоски. Мицкоски укажа дека нема да дозволи за македонскиот идентитет да се преговара на аеродромски фоалеја и врз основа на тие разговори и преговори да зависи идентитетот. - Секој договор кој што ќе значи било какво начнување повторно на македонскиот идентитет за нас е неприфатлив, рече Мицкоски.

хрстијан мицкоски – Kurir.mk

МЕЃУ НИВ НЕМА ПОЛИТИЧАР: Христијан Мицкоски избра тројца личности на годината

Мицкоски: Нема да поддржиме и нема да почитуваме договор кој ќе е штетен за нашите интерeси