ХРВ – Kurir.mk

ХРВ: Руските сили вршат тортура врз воени затвореници и цивили во Украина

Магдалена Андонова — Sat, 23 Jul 2022 11:37:11 +0000

Организацијата за човекови права „Хјуман рајтс воч“ (ХРВ) ги обвини руските вооружени сили за тортура врз воени затвореници и цивили во Украина. Интервјуата со десетици луѓе во окупираните јужни региони Керсон и Запорожје открија 42 случаи во кои руските сили произволно затворале цивили или цивилите исчезнале. Некои немаа никаков контакт со надворешниот свет, а многумина беа жртви на тортура. Двајца од тројца воени затвореници починале, соопшти ХРВ. – Руските сили окупираните територии во јужна Украина ги претворија во бездна на страв и неконтролирано беззаконие. Тортура, нехумано постапување, како и произволно притворање и незаконското затворање на цивили, се очигледни воени злосторства што ги документиравме, а руските власти мора веднаш да престанат со таквите злоупотреби и да сфатат дека можат да бидат повикани на одговорност, истакна Јулија Горбунова од ХРВ.

Се бара итно решавање на мигрантската криза во БиХ

Тале Кристо — Thu, 21 Jan 2021 13:40:32 +0000

Организацијата за заштита на човековите права „Хјуман рајтс воч“ (ХРВ) денеска апелираше до Босна и Херцеговина веднаш да преземе мерки за да обезбеди заштита на стотиците мигранти кои претстојуваат во нехумани услови. Апелот пред се се однесува на мигрантите кои се сместени во околината на Бихаќ. – Стотици мигранти и баратели на азил во северозападниот дел на БиХ зимските денови ги поминуваат во тешки услови бидејќи локалните власти повеќепати пропуштија да преземат мерки за да одговорат на нивните основни потреби, изјави претставничката на ХРВ, Лидија Гејл. Според ХРВ недозволено е стотици мигранти во зимски услови да престојуваат под шатори и без нужна медицинска нега и затоа бара итни мерки за обезбедување на соодветно сместување. Критиките упатени до властите на БиХ се однесуваат пред се на импровизираниот бегалски камп Липа во околината на Бихаќ. Во Липа минатато лето беше воспоставен прифатен центар со повеќе од илјада мигранти под шатори, но во декември Меѓународната организација за миграција (ИОМ), која управуваше со ццентарот, процени дека не може да гарантира безбедно сместување во зимски услови бидејќи шаторите може да се урнат т под тежината на снегот.

ХРВ: Грција да ги ослободи децата мигранти без придружба

Тале Кристо — Wed, 20 May 2020 12:50:32 +0000

Хјуман рајтс воч ги повика грчките власти да ослободат 276 деца мигранти без придружба од затворите и центрите за притвор низ целата земја, објави „Екатимерини“. Ова е особено важно сега кога е во тек пандемија на коронавирусот, велат од организацијата. „Грчкиот премиер треба да ги одржи своите ветувања и да ги заштити децата-мигранти без придружба. Тој треба да се погрижи децата да бидат ослободени од преполните затвори и центри за притвор каде има лоши, нехигиенски услови, особено сега, кога е во тек пандемија на коронавирус“, соопшти Хјуман рајтс воч.