хрвати – Kurir.mk

Судот во Замбија овозможи Хрватите, кои посвоија деца во ДР Конго, да се бранат од слобода

Тале Кристо — Thu, 12 Jan 2023 15:22:12 +0000

Осумтемина Хрвати осомничени во Замбија за трговија со луѓе односно во исправноста на документите за посвојување на деца од Демократска Република Конго, ќе се бранат од слободата откако ќе платат кауција, ќе ги достават пасошите, редовно да се јавуваат полиција и да го регулираат престојот во земјата, одлучи денеска судот во Ндоли. Четири брачни двојки еден месец се во притвор во градот Ндоли, Замбија откако на почетокот на декември беа уапсени на аеродром под сомнение дека поседуваат лажни документи за посвојување на деца од ДР Конго. На аеродромот со нив биле и посвоените деца, кои им се одземени од социјалната служба на Замбија. Осомничените хрватски државјани пред два дена се појавија пред судот во Ндоли при што изјавија дека не се виновни за обид за трговија со луѓе и за фалсификување на документи. Сè уште не е познато какви документи добиле уапсените Хрвати во ДР Конго и зошто властите на Замбија истите ги сметаат за лажни. Во ДР Конго со години е во сила забрана за меѓудржавно посвојување, но во пракса, судовите дозволуваат. Поради долгата постапка во Хрватск а, изминатите години голем број Хрвати посвојуваат деца од други држави. Во Хрватска сега има околу 3.000 деца без соодветна родителска грижа, но само приближно 200 ги исполнуваат правните услови за посвојување. Во службениот регистар се наоѓаат повеќе од 1.100 посвоители.

Дури 25% од Хрватите одбиваат да се вакцинираат со било каква вакцина против Ковид-19

Тале Кристо — Wed, 07 Apr 2021 06:06:49 +0000

Директорот на Хрватскиот институт за јавно здравје Крунослав Цапак ги соопшти резултатите од анкетата според која 25 проценти од хрватските граѓани апсолутно одбиваат каква било вакцинација, а 10 до 15 проценти се двоумат дали да ја примат вакцината. – Според нашите анкети, околу 25 проценти од Хрватите тврдокорно одбиваат вакцина, каква било вакцинација, не само против корона. Околу 10 до 15 проценти се двоумат, мора да влијаеме на нив, а остатокот ќе биде вакциниран, изјави Цапак за вестите на Н1 телевизија коментирајќи го слабиот одѕив на вакцинацијата. Според него, вчера одговориле само една третина од граѓаните повикани да се вакцинираат против Ковид-19.

Анкета: Мнозинството Хрвати не се сигурни дали би се вакцинирале против коронавирус

Тале Кристо — Tue, 17 Nov 2020 08:02:52 +0000

Според истражувањето на агенцијата Валикон, 13 отсто од Хрватите сигурно ќе се вакцинираат кога вакцина против коронавирус ќе стаса во Хрватска. Анкетата покажа дека 21 отсто сигурно нема да се вакцинираат. Како што пренесува РТЛ, 30 проценти веројатно ќе се вакцинираат, а 36 проценти веројатно нема да ја примат вакцината. Оние кои ќе се согласат на вакцина, би се вакцинирале од одговорност кон другите, како и затоа што со тоа би се сузбила заразата. Некои од нив би го сториле тоа како мерка на претпазливост, а некои од нив не сакаат да ги заразат старите лица или нивните семејства. Една четвртина од испитаниците ќе бидат вакцинирани затоа што се постари и затоа што тоа е препорака на струката. Оние кои не би се вакцинирале се загрижени затоа што не веруваат во новата вакцина, а дел од луѓето се плашат од несакани ефекти. Секое трето лице кое се противи на вакцината верува дека вакцините се генерално небезбедни и имаат последици по здравјето. Еднаков број од нив веруваат дека не се ризична група, а четвртина испитаници мислат дека вирусот мутира, па вакцината нема да ги заштити. РТЛ посочува дека анкетата е направена на примерок од 523 испитаници, со маргини на грешка од 4,3 проценти.

Маркотиќ: Без посебна потреба Хрватите да не патуваат во БиХ и во Србија поради коронавирусот

Тале Кристо — Thu, 18 Jun 2020 13:51:05 +0000

Би било добро никој кој нема посебна потреба да не патува во Србија и Босна и Херцеговина. Така директорката на хрватската Клиника за инфективни болести „Д-р Фран Михаљевиќ“, Алемка Маркотиќ, ја коментираше моменталната епидемиолошка состојба во Хрватска, каде се појавија нови случаи на заболени од коронавирусот. Таа во зијава за ТВ Н1 нагласи дека повеќето од новозаразените биле луѓе кои биле во БиХ и во Србија, како и еден кој бил во Словенија. На таа клиника моментално има четири пациенти, една брачна двојка и уште двајца пациенти, со благи до умерени симптоми. – Ако епидемиолошката состојба се влоши и ако не се придржуваме до едноставни мерки, постепено ќе мора да ги заостриме мерките. Се надевам дека не ја заборавивме лекцијата. Сите сакаме туризам, ако постапиме одговорно, ќе го имаме. Странците ја сметаат Хрватска за безбедна, но се малку загрижени за однесувањето на некои луѓе кои премногу се опуштија, рече Маркотиќ.

Објавен идентитетот на Хрватите кои го направија грабежот на деценијата во Венеција (ВИДЕО)

Катерина Бојаџиева — Fri, 09 Nov 2018 21:22:48 +0000

Хрватската полиција вчера ги уапси четврицата осомничени за милионска кражба на накит. Најстариот има 60, а намладиот 43 години. Во кражбата во јануари во хотел во Венеција беа ограбени и индиски артефакти на катарскиот шеик Хамад бин Абдула ал- Тани, кои биле изложени во палатата во Венеција под наслов „Богатствата на могулите и махараџите”. Украден се обетки вредни милион долари, како и брош од платина и рубини вреден два милиона. Еден од осомничените е 60 годишниот Винко Томиќ, кој се поврзува со спектакуларни грабежи низ целиот свет – во Лас Вегас, Лондон, Хонг Конг, Монако и на други места, секоја со милионска вредност. Освен Италија, Томиќ е баран и во Швајцарија и тоа поради кражба на накит вреден 8 милиони швајцарски франци. Тој се сомничи како организатор на кражбата во Венеција, а му помагале уште најмалку петмина, меѓу кои двајца Хрвати и двајца Срби. Групата во светот е позната како „Пинк Пантери”.