хрватска 2018 – Kurir.mk

ЕП ракомет 2018: Германците се плашат од балканските навивачи

Дарко Андоновски — Wed, 10 Jan 2018 10:29:46 +0000

Голманот на Германија Андреас Волф изјави дека балканските репрезентации ќе имаат голема поддршка од трибините и дека навивачите на Словенија, Македонија и на Црна Гора може да им направат проблеми. - Во група сме со три репрезентации од Балканот. Слушнав дека повеќе од 5.000 словенечки навивачи ќе го поддржат својот тим во Загреб. Македонците и Црногорците се од иста ракометна лудост. Значи, треба да се справиме со тие емоции од трибините. Или ние треба да ги користиме како мотивација или мораме да ја смириме арената за да бидеме успешни, изјави Волф во интервјуто за официјалната веб страна на Европското ракометно првенство 2018. Германија ќе настапува во Ц-групата во Загреб, а својот прв дуел ќе го има на 13 јануари против Црна Гора (почеток 17:15 часот). Истиот ден Македонија ќе се сретне со Словенија (19:30 часот).

Лазаров: Нема никому да се предадеме

Дарко Андоновски — Tue, 09 Jan 2018 13:43:39 +0000

- Можам да го кажам е дека ние нема да се предадеме без оглед со кого играме, ама сега да кажам дека ќе ја победиме Словенија, Германија, потоа во вториот круг Шпанија, Данска, би било малку арогантно и нереално. Што се однесува до нашата група, мислам дека имаме многу поголема шанса против Германија и Црна Гора отколку против Словенија. Ќе видиме, не очекува напорна работа и одење чекор по чекор на секој натпревар, изјави Лазаров во интервјуто за Спорт клуб. Македонија на ЕП е во група со Словенија, Црна Гора и Германија. Првиот дуел го игра на 13 јануари со Словенија.

Следуваат два слободни дена за македонските ракометни репрезентативци

Дарко Андоновски — Sat, 30 Dec 2017 13:52:43 +0000

На подготовките на македонската репрезентација се наоѓаат 21 играч, а според зборовите на селекторот така ќе се тренира и до последниот ден пред заминувањето за Загреб односно списокот на 16 играчи ќе биде познат на последните тренинзи. Македонија во вториот дел од подготовките ќе одигра и два контролни дуели со Саудиска Арабија и со Србија, двата во Белград. - Мислам дека два натпревара се доволни за добро да се подготвиме за првиот дуел со Словенија, кој е од голема важност. Добро се познаваме и долго време сме заедно и ќе можеме на тренинзите добро да се воиграме, изјави Филип Миркуловски. На Европското првенство во Хрватска, Македонија е во групта Ц и првиот дуел со Словенија ќе го игра на 13.јануари, додека со Црна Гора дуелот е на 15.јануари, а против европскиот првак Германија нашите ракометари играат на 17.јануари.