хрватска фудбалска репрезентација – Kurir.mk

Хаос на тренингот на фудбалската селекција на Хрватска: Ливаја тргна да се пресмета со публиката (ВИДЕО)

Бошко Тасиќ — Tue, 06 Jun 2023 04:11:00 +0000

На последниот тренинг на хрватската фудбалска репрезентација на „Рујевица“, стадионот на Ријека, се случи инцидент. Марко Ливаја ги загуби нервите поради навреди упатени кон него од дел од гледачите од трибините. „Ливаја престана да тренира и се упати кон толпата за вербално да се пресмета со оние кои фрлаа по него. По него се стрчаа и други играчи, но и Ведран Чорлука кој ја смири ситуацијата“, пишува „Спортске новости“. На тој дел од трибините веднаш реагираа обезбедувањето и полицијата, па сѐ остана само на вербален инцидент. https://www.youtube.com/watch?v=VgLeGWN9OVg&embeds_referring_euri=https%3A%2F%2Ftopsport.mk%2Ffudbal%2Fvideo-haos-na-treningot-na-hrvatska-livaja-trgna-da-se-presmeta-so-publikata%2F&source_ve_path=MjM4NTE&feature=emb_title

Лука Модриќ најави репрезентативна пензија, еве кога се повлекува

Ивона Петрова — Tue, 25 Oct 2022 05:56:08 +0000

Капитенот на хрватската фудбалска репрезентација Лука Модриќ (37) во документарниот серијал „Капетани“, кој го работеа Нетфликс и ФИФА+каналот, го најави настапот на Светското првенство во Катар. Модриќ откри дека веќе следниот Мундијал е под знак прашање кога станува збор за неговиот настап. -Свесен сум дека крајот на мојата кариера е се поблиску и СП во Катар веројатно ќе биде мојот последен натпревар за Хрватска. Луѓето често ме прашуваат зошто и понатаму играм за репрезентација наместо да се фокусирам на клуб. Репрезентацијата е многу посебна за мене, нема посилно нешто од тоа да играш за својата држава. Моето збогување веројатно ќе биде тешко, вели Модриќ. Во дресот на репрезентацијата одигра 154 натпревари и зaби 23 гола.

ВАКА МУ СЕ ПОКЛОНУВААТ НА ЛЕГЕНДАТА: Цел стадион со хрватски навивачи во еден глас ја пеат „Цесарица“ од Оливер Драгојевиќ (ВИДЕО)

Дарко Андоновски — Sun, 13 Oct 2019 12:16:46 +0000

Хрватската фудбалска репрезентација пред неколку дена ја совлада Унгарија во соседското дерби кое се играше во Сплит. Мечот заврши со 3:0 за Хрватска, а покрај инцидентите и уапсените навивачи еден гест на хрватските навивачи го обиколи целиот регион. Станува збор за видео на кое се гледа како на стадионот додека е пуштена во позадина познатата песна „Цесарица“ од Оливер Драгојевиќ буквално целиот стадион во еден глас го пее рефренот. Видеото кое ги наежи навивачите во регионот е само јасен показател кој бил Оливер Драгојевиќ за овој народ, погледнете и слушнете.

ВО ЖИВО: Хрватите пристигнуваат на плоштадот, а еве каква беше атмосферата во авионот

Катерина Бојаџиева — Mon, 16 Jul 2018 14:17:12 +0000

Денеска од Москва на пладне полета авионот со хрватската фудбалска репрезентација која на последното Светско првенство (СП) во Русија кое заврши вчера го освои сребрениот медал. Атмосферата во авионот, по долгата и непреспиена ноќ полека се вжештуваше, а кулминацијата е сега кога „огнените“ пристигнуваат на загребскиот плоштад „Бан Јелачиќ“ меѓу 16 и 17 часот. Дочекот на хрватската фудбалска репрезентација во живо на плоштадот во Загреб „Бан Јелашиќ“ го следат во живо 250 најугледни телевизиски станици од целиот свет. Настанот се снима со 60 камери, а планот е на бината да бидат 23 играчи и никој друг. Нема место за политичари, најавува организаторот.