Времето на мајка ми истекуваше, ризикот беше уште поголем – хрватски фудбалер стана херој во својата земја, сега се врати и на теренот (ФОТО)

Дарко Андоновски — Mon, 22 Aug 2022 12:24:30 +0000

Фудбалерот на хрватскиот второлигаш Цибалија, Роберт Периќ-Комшиќ, веќе со недели е во центарот на спортското внимание. Овој, 23-годишен фудбалер, без многу да размислува, реши да ја стави на пауза својата професионална кариера за да го спаси животот на својата мајка. Напаѓачот на Цибалија, донираше 70% од црниот дроб на жената која му подари живот. Неговата мајка претходно имала три неуспешни трансплантации и не ѝ останувало уште многу време за живеење. Откако другите нејзини опции се покажале како ризични, тој одлучил да отпатува во Турција и да биде нејзин донор. Само четири месеци откако беше направена операцијата во Истанбул, Роберт се врати на зелениот терен. „Во оваа приказна, мајка ми е поголем херој од мене. Да не му го даде Бог на никого она што таа го преживеа во изминатите 13 години. Имаше три неуспешни трансплантации на црн дроб од починат донор… Ризикот беше огромен, а времето на мајка ми истекуваше. Беше во животна опасност, стомакот ѝ се полнеше со вода и беше прашање на денови… Во моментот кога дознав дека сите други опции се исцрпени, се спакував и одлетав за Истанбул“, изјави Роберт. Играчот на хрватскиот второлигаш додаде дека не сака да биде нарекуван херој затоа што тоа би го направил секој кој што живеел во функционално семејство. „Мама мора да прима терапија, но тоа не е за неа никаква новост, затоа што со години е под лекови. Мене сите резултати ми се уредни, црниот дроб два месеци по операцијата беше целосно регенериран. Бегам од некакви приказни за херојство, го направив она што би го направи секој кој растел во функционално семејство. Мене мајка ми ми даде живот, а јас ѝ го продолжив нејзиниот“, додаде Роберт.

Просинечки го определи Модриќ за најдобар хрватски фудбалер на сите времиња

Дарко Андоновски — Tue, 26 Dec 2017 08:23:48 +0000

Поранешниот хрватски фудбалски репрезентативец и сегашен тренер, Роберт Просинечки смета дека играчот на Реал Мадрид, Лука Модриќ е најдобар фудбалер во историјата на хрватскиот фудбал. - Нема репер по кој Лука не го заслужува епитетот за најдобар фудбалер во историјата. Дури и да ги оставиме на страна неговите трофеи, начинот на кој тој игра е навистина импресивен. Модриќ е лидер во Реал Мадрид и има три титули во Лигата на шампионите. Во сите три случаи, тој одигра решавачка улога во успехот, изјави Просинечки. 48-годишниот Просинечки своевремено, меѓу другите, настапуваше и за шпанските великани Реал Мадрид и Барселона.

хрватски фудбалер – Kurir.mk

Времето на мајка ми истекуваше, ризикот беше уште поголем – хрватски фудбалер стана херој во својата земја, сега се врати и на теренот (ФОТО)

Просинечки го определи Модриќ за најдобар хрватски фудбалер на сите времиња