ФОТО: Хрватските медиуми објавуваат за изречената пресуда за убиството на Денис Тот

Ивона Петрова — Wed, 30 Nov 2022 11:55:32 +0000

Медиумите во Хрватска на насловните страни ја објавуваат веста за пресудата за убиството на хрватскиот ракометар, Денис Тот. Судот ги прогласи сите тројца за виновни за „убиство“ од член 123 став 1 во врска со член 22 од Кривичниот законик. Анџело Ѓоргиевски и Клементина Левковска се осудени на затворски казна од 18 години. Андреј Костовски е осуден на 16 години затворска казна. -Момчињата и девојката добија 18 години затвор за убиството на хрватскиот ракометар во Скопје. -Убијците на Тот добија високи затворски казни -Пресуда во Скопје за смртта на хрватскиот ракометар: затворски казни од 18 и 16 години, се дел од насловите во хрватските медиуми.

ОВА ЌЕ БИДЕ ГОЛЕМ СКАНДАЛ: Вака го опишуваат хрватските медиуми случајот со смртта на хрватскиот ракометар Денис Тот

Тале Кристо — Sat, 09 Apr 2022 17:19:12 +0000

Случајот со смртта на хрватскиот ракометар кој настапуваше за РК Бутел-Скопје продолжува да ја бранува јавноста регионот. Ова е невидено. Свесно се заташкува случајот. Политички се компромитирани, врхушката на болницата ги стави под тепих работите. Ова ќе биде голем скандал, вака го опишуваат случајот хрватските медиуми. Имено, првично македонските истритуции излегоа со информација дека ракометарот на Бутел во раните утрински часови на скопските клиники бил донесен во безсознание и без траги на насилство, за после неколку часа повторно да излезат со спротивна информација на претходната. -Министерството за внатрешни работи ја информира јавноста дека вчера (07.04.2022) во 04:11 часот од Клинички центар во СВР Скопје е пријавено дека кај нив во бесознание, без видливи траги на насилство е донесен Д.Т. и веднаш му е пружена лекарска помош. СВР Скопје презема мерки за расчистување на случајот и за тоа соодветно ќе ја известиме јавноста, објавија од МВР. После неколку часови, од МВР информираа дека всушност станува за физички напад врз сега веќе починатиот и за истиот немил настан се сомничат неколку лица. Во врска со случајот за починатиот Д.Т. (28) по обезбедените снимки и дополнителни мерки и активности од страна на СВР Скопје утврдени се следните факти. На ден 07.04.2022 година, околу 03:30 часот, пред ноќен клуб лоциран во Градскиот парк, дошло до вербална расправија помеѓу лицето Д.Т. (28) од Р.Хрватска, со привремен престој во РСМ и лицата А.Ѓ. (28), К.Л.(19) и А.К.(22) сите од Скопје при што тројцата го нападнале и му нанеле удари по главата на Д.Т. од кои тој паднал со глава наназад на асфалтот и изгубил свест. По добиеното известување од Министерството за внатрешни работи за случен кривично правен настан со смртни последици, јавен обвинител од Основното јавно обвинителство – Скопје, со цел да се испитаат сите околности во насока на расчистување на настанот издаде низа наредби и тоа: Наредба за обдукција на телото на починатиот, наредба за обезбедување на видео записи од безбедносни камери – Safe City и ноќниот клуб, како и да се сослушаат повеќе лица кои сведочеле на настанот и можат да дадат податоци потребни за истрагата. Врз основа на прегледаните видео записи идентификувани се три лица за кои предметниот обвинител по добивање на кривичната пријава ќе донесе Наредба за спроведување на истражна постапка, поради постоење на основано сомнение дека осомничените меѓу кои една девојка (19) сториле кривично дело Убиство од член 123 став 1 вв член 22 од КЗ. Двајца од осомничени се лишени од слобода и денес ќе бидат изведени пред судија на претходна постапка при Основниот кривичен суд Скопје, додека по првоосомничениот кој е недостапен на органите на прогонот се трага и е распишан централен распис. Со оглед на тежината на стореното кривично дело и запретената казна, како и заради непречено водење на постапката, обвинителството цени дека се исполнети законските услови за определување на најстрогата мерка за обезбедување на присуство, па за сите осомничени ќе предложи да им биде определена мерката притвор. Денес во утринските часови на Институтот за судска медицина и геонтологија беше извршена обдукција врз починатото лице и според првичните наоди, иако нема видливи повреди, смртта е насилна и настапила како резултат на повреди на мозокот настанати од нанесените удари. Случајот со смртта на Денис Тот хрватските медиуми го опишуваат како голем скандал, и обид за заташкување на истиот. -Ова е невидено. Свесно се заташкува случајот. Политички се компромитирани, врхушката на болницата ги стави под тепих работите. Ова ќе биде голем скандал, доколку нема притисок од обвинителството. Срамно е за секој лекар. Се надевам дека сите ќе одговараат, бесено истакнал високо позициониран извор на скопските Клиники за хрватската телевизија „24 Сата“,кој уште вчера за оваа телевизија изјавил дека Денис во болницата бил донесен брутално претепан и со крвава глава, притоа додавајќи дека во тепачката се користеле боксирачи и други тврди предмети. Кривично правниот настан се случил на 7 овој месец, во раните утрински часови, пред ноќен клуб во Скопје кога осомничените по кратка вербална расправија, го нападнале сега починатиот хрватски државјанин и му задале повеќе удари со боксови и клоци. Од ударите сега починатиот паднал и со задниот дел од главата удрил во асфалт и изгубил свест. Тројцата осомничени продолжиле со дејствија на удирање по главата, а потоа, без да му укажат помош, заминале од местото на настанот. Лице вработено во ноќниот клуб повикало Итна медицинска помош по што сега починатиот бил пренесен на Ургентниот центар при Клиниките „Мајка Тереза“. Според информациите од лекарите што го примиле сега починатиот, лицето имало престанок на работата на срцето, масивен оток на мозокот, пресечен јазик и висока телесна температура. По приемот бил ставен на апарати за дишење и бил во животно загрозувачка состојба, а наредниот ден и покрај обидите за реанимација починал.

Хрватските медиуми исплашени од македонскиот репрезентативец: Тој Елиф дрибла како луд, пеколен играч е

Матеја Петровски — Wed, 19 Sep 2018 14:59:21 +0000

Скаутите 18 годишниот Елиф Емлас го понудиле на Динамо Загреб, а тој денеска е ѕвезда на Фенербахче, добро го познава играчот на Истра Агрон Руфати, со кого играл за македонската репрезентација и му бил цимер, пишува хрватскиот портал „24сата.хр“. Елиф Елмас е опасен како ѓавол, има движење како Гаврановиќ (еден од најдобрите играчи на Динамо), а топката ја чува како Будимир. Динамо ќе мора на него да има „фластер“, вели Агрон Руфати. Елиф Емлас има тек 18 години, а веќе е ѕвезда на Фенербахче, која годишно заработува 500.000 евра, се вели во текстот на „24сата“. -Минатата година во мај неговиот татко сака Елиф да дојде во Динамо. Прашав во клубот, но тие кажаа дека би морал во Локомотива. Кога тоа го слушна само кажа: „Дај немојте да бидете смешни, каква Локомотива? Имаме понуди од големи клубови“. И така Елиф отиде во Фенербахче. И ете, сега игра против Динамо, раскажува фудбалскиот менаџер Дарко Алегиќ. Елмас има играно за сите селекции, а соиграч му бил Руфати, се вели во текстот. -Бевме цимери. Во Македонија е многу голема ѕвезда, сите го обожаваат. Се уште не е популарен како Горан Пандев, затоа што сепак тој е само еден, но се ближи кон таа негова популарност. Нека се пази Динамо Загреб, има страшен прв чекор. Кога ќе тргне, без проблем минува два-три играчи. Го чував на тренинг и верувајте не беше лесно. Пеколен играч е, го опишува својот соиграч од репрезентацијата и цимер дефанзивецот на хрватскиот клуб Истра. Инаку, Елиф Елмас минатиов викенд го постигна својот прв официјален гол за Фенербахче, со кој му донесе победа од 1:0 на својот клуб.

хрватски медиуми – Kurir.mk

ФОТО: Хрватските медиуми објавуваат за изречената пресуда за убиството на Денис Тот

ОВА ЌЕ БИДЕ ГОЛЕМ СКАНДАЛ: Вака го опишуваат хрватските медиуми случајот со смртта на хрватскиот ракометар Денис Тот

Хрватските медиуми исплашени од македонскиот репрезентативец: Тој Елиф дрибла како луд, пеколен играч е