Мицкоски: Подготвен сум да го објаснувам нашиот предлог за хрватскиот модел пред секого и секаде

Ивона Петрова — Tue, 04 Apr 2023 11:54:20 +0000

Јас сум подготвен да го објаснувам овој наш предлог пред секого и секаде. И тука немам никаква дилема. Така што ако бидам поканет на една таква лидерска средба, без разлика кој ќе ја организира, ќе појдам и ќе го образложам овој предлог. Дали тоа ќе го направи Стево Пендаровски, дали сака Димитар Ковачевски тет а тет да седнеме па да му објаснам, дали сака во поширок состав, бидејќи ја преставува владата на ДУИ поддржана од неговата партија, па можеби тие ќе треба да му го чуваат стравот. Како ќе одлучат така. Јас сум подготвен да отидам и сето тоа го образложам. Немам што да кријам, вака претседателот на ВМРО-ДПМНЕ, Христијан Мицкоски за време на денешната посета на општина Бутел одговори на новинарско прашање за тоа дали е подготвен на лидерска средба да го објасни хрватскиот модел на устав, доколку тоа биде побарано. Мицкоски исто така ја повика власта да се одважи и без да се мистифицира целиот процес и без затворање во канцеларии да прифати консензус за хрватскиот модел кој самите претставници на власта го посочуваа. „Еве сега конечно нудиме консензус околу хрватскиот модел јавно без да се затвораме, без да седиме во канцеларии, без да мистифицираме, без да криеме ништо од јавноста. Еве велиме ајде господа, одважете се и да седнеме да ја завршиме работата. Како е хрватската преамбула во хрватскиот устав, така да ја направиме преамбулата и во нашиот македонски устав. Стоиме на располагање и еве јавно немаме што да криеме. Сака на дуел, на дуел ќе го збориме. Сакаат лидерска средба, на лидерска ќе го збориме. Каде сакаат, таму ќе го збориме тоа и еве јавно тоа го кажуваме пред цела македонска јавност. Нема што да криеме“ потенцираше Мицкоски.

Мицкоски прифаќа хрватски модел на Устав, на унитарна држава на македонскиот народ и останатите малцинства

Тале Кристо — Sat, 01 Apr 2023 12:51:15 +0000

За лидерот на ВМРО-ДПМНЕ Христијан Мицкоски прифатлив е хрватскиот модел на Устав, каде што Македонија ќе биде унитарна држава на македонскиот народ и на сите останати малцинства: Албанци, Турци, Роми, Срби... -Република Хрватска е нционална држава на хрватскиот народ и држава на останатите малцинства: Срби, Чеси, Словаци, Германци, Австријци, Унгарци, Укринци, Руси, Бошњаци, Словенци, Македонци, Бугари, Турци, Роми, Власи и други кои се државјани и имаат еднакви права со хрватските граѓани и остварување на националните прва според демократските норми на ОН и земјите во слободниот свет, пишува меѓудругото во хрватскиот Устав. Претседателот на ВМРО-ДПМНЕ, Христијан Мицкоски денеска на новинарско прашање како ги коментирате тезите на СДС и ДУИ дека уставните измени би можеле да се направат по примерот на Хрватска каде во Уставот има широко набројување на етничките заедници рече дека ако тоа е формулата за успех таква уставна измена ВМРО-ДПМНЕ одма ќе прифати. -Па не знам дали се сигурни дека сакаат да биде според преамбулата во Хрватскиот Устав, еве јас сум подготвен ако е тоа формулата за успех уште утре да ја отпочнеме процедурата, да биде Македонија држава на еден народ и на малцинствата во нејзе, еве ако сакаат уште утре да ја отвориме преамбулата на Македонскиот Устав и да го направиме тоа според хрватскиот терк само да не се каат после тоа, да не речат некои други етнички заедници, па да речат, а не било баш така како што они кажуваат. Инаку ако сакаат еве според преамбулата во Хрватскиот Устав веднаш, не знам дали ја прочитале, не знам дали виделе или така на памет само си кажуваат, но еве ние како ВМРО-ДПМНЕ одма прифаќаме, таква уставна измена прифаќаме, рече Мицкоски.

хрватски модел – Kurir.mk

Мицкоски: Подготвен сум да го објаснувам нашиот предлог за хрватскиот модел пред секого и секаде

Мицкоски прифаќа хрватски модел на Устав, на унитарна држава на македонскиот народ и останатите малцинства