Хрвоје Хорват – Kurir.mk

Познат фаворитот за наследник на Хорват

Бошко Тасиќ — Wed, 25 Jan 2023 07:00:40 +0000

Хрватската ракометна јавност е гневна на Хрвоје Хорват кој уште еднаш потфрли како селектор, па не донесе очекуван резултат и од Мундијалот во Полска и Шведска. Целта на Хрватска беше пласман барем во четвртфиналето, но на крајот „каубоите“ ќе завршат како деветтопласирани.

Лошиот пласман, но и катастрофалното однесување на самиот Хрвоје Хорват, кој даде помалку скандалозно интервју за „РТЛ“, ќе ги натераат челниците на хрватскиот ракомет да му врачат отказ на стратегот кој не успеа да ги донесе посакуваните резултати за хрватскиот ракомет. Јавноста во Хрватска сега шпекулира дека најсериозен кандидат за негов наследник е искусниот, Горан Перковац кој имаше одлична кариера како играч, но барем досега не водел клубови и репрезентации од врвно ниво. Перковац чиј последен клуб беше Криенс потврди дека разговарал со челниците на Хрватскиот ракометен сојуз и дека е заинтересиран за селекторската позиција.

– Зборувавме пред неколку денови, но ништо конкретно. Заинтересиран сум, но се уште не се залетувам. Тоа е нормално, прво мора да се реши ситуацијата со Хорват. Секогаш сум подготвен да помогнам, но конкретни разговори со Управниот одбор и Сојузот се уште не сум имал, -изјави Перковиќ за „Индекс“.

Хрватскиот селектор гестикулираше и даваше чудни изјави, Метличиќ побара итна оставка (ВИДЕО)

Бошко Тасиќ — Tue, 24 Jan 2023 06:04:38 +0000

Ракометна Хрватска започна нов процес, и пак против селекторот Хрвоје Хорват. Младиот предводник на „каубоите“ им даде повод на критичарите и со своето однесување, кое во најмала рака е чудно. Имено, по победата против Бахреин и потврдата дека Хрватска нема да игра четвртфинале, туку ќе заврши на деветтото место, Хорват за хрватската РТЛ телевизија праќаше срца и гестикулираше дека одговара на прашањата на новинарката. Ваквото однесување на Хорват предизвика револт кај многу ракометни легенди, а најдиректен беше Петар Метличиќ. „Како што ние велиме во Сплит: Цвеба, време е! И сите што те донесоа овде, време е. Селектор со вакво однесување.. Ќе се лутиме ако погрешил или не, што згрешил, но неговото однесување е неприфатливо“, рече вечерва легендарниот Метличиќ. https://www.youtube.com/watch?v=mWk_cnsPDic&t=51s

Хорват по Мундијалот ја презема клупата на Вецлар

Бошко Тасиќ — Sun, 11 Dec 2022 06:40:25 +0000

Актуелниот селектор на хрватската ракомеетна репрезентација Хрвоје Хорват e на чекор да ја преземе клупата на германскиот клуб Вецлар. Тимот кој е во криза и веќе го смени својот тренер сезонава поради лошите резултати, како што пишуваат германските медиуми, се договорил со хрватскиот стратег. Во овој момент привремен тренер на „зелените“ е Филип Миркуловски, кој ја заврши кариерата во дресот на Вецлар и токму во овој клуб започна тренерска кариера. Во овој период македонскиот тренер работи одлично и го води својот тим во безбедни води во пресрет на зимската пауза.

Хрвоје Хорват останува селектор на Хрватска

Бошко Тасиќ — Wed, 02 Feb 2022 22:20:38 +0000

Хрватската ракометна федерација одлучи да не прави промени по неуспешниот настап на Европското првенство за ракометари, Хрвоје Хорват ќе продолжи да ја извршува селекторската позиција и во иднина , а помошник и натаму ќе му биде легендарниот Ивано Балиќ. Осмото место на турнирот во Словачка и Унгарија не ги задоволува апетитите на фановите. Вклучително незадоволни беа и неколку поранешни репрезентативци, кои сметаат дека резултатот е разочарувачки.

Лино Червар со подршка за Хрвоје Хорват

Бошко Тасиќ — Sun, 23 Jan 2022 08:21:22 +0000

По сериозните критики од хрватските легенди за ракометниот селектор на Хрватска Хрвоје Хорват, поранешниот селектор Лино Червар застана во одбрана на својот претходник и долгогодишен соработник. „Треба да се даде шанса, но сериозна шанса на младите играчи. Треба конечно да престанеме да се сомневаме во младоста и да им дадеме одговорност. Тоа е единствениот начин да ги добиеме вистинските играчи. Јасно е дека во тимот треба да има поискусни играчи, како Мариќ, но овие играчи мора да бидат во синергија со овие млади момци. Мора да има хомогеност и неопходно е сите да дишат како еден.Сите го пцуеја Хорват поради Мараш, а тој Мараш мораше и претходно да биде во тимот. Кој би рекол пред натпреварот дека малиот Матео ќе игра вака и ќе постигне неколку важни голови? Лесно е да се биде паметен после натпревар. Не заборавајте дека оваа младина до самиот крај парираше против репрезентацијата која освои злато на последните две Светски првенства“, истакна претходникот на Хрвоје Хорват.

Хорват повика петмина ракометари за втората рунда на ЕП

Бошко Тасиќ — Tue, 18 Jan 2022 17:30:35 +0000

Селекторот на Хрватска, Хрвоје Хорват, мораше да повика петмина нови ракометари за продолжението на Европското првенство. Поради многуте заразени со коронавирус, Хорват не сака да ризикува да остане со скратен ростер, па повика нови ракометари. Покрај Мараш во Будимпешта треба да пристигнат и голманот Кристијан Пилиповиќ од Кадетен, левиот бек Иван Слишковиќ од Порто, десното крило од Загреб – Владо Матановиќ, како и голманот од Нексе, Доминик Кузмановиќ.

Хрватите неможат да се помират со елиминацијата од квалификацискиот турнир

Бошко Тасиќ — Mon, 15 Mar 2021 17:17:37 +0000

Хрватските ракометари на чело со селекторот Хрвоје Хорват се уште се во шок по неверојатната завршница на клучниот меч меѓу Португалија и Франција во Монпелје, на кој „триколорите“ имаа водство од еден гол во последната минута, но Португалците направија пресврт и стигнаа до победа со која си обезбедија учество на ОИ за прв пат во нивната историја. На Хрватите им беше доволно и реми на овој меч за да ја завршат групата пред Португалија, па „коцкестите“ сега отворено се сомневаат на нечисти игри од страна на француските ракометари, кои без оглед на исходот на овој меч веќе беа имаа во џебот виза за Токио.

„Не знаеме што да кажеме, сите сме во шок. Треба да се погледне снимката од таа завршница, Франција како да не сакаше да даде гол. Треба добро да се изанализира, дали не можеа, или не сакаа да потигнат погодок“, изјави селекторот Хрвоје Хорват.

Хорват го објави списокот на ракометери со кои ќе настапи во Монпеље

Бошко Тасиќ — Tue, 23 Feb 2021 20:42:35 +0000

Хрватската машка ракометна репрезентација во Монпеље ќе ги игра квалификациите за Летните Олимписки Игри (ЛОИ) во Токио, а новиот селектор Хрвоје Хорват го објави списокот на играчи.. На списокот од 21 ракометар се најдоа две крила кои играат во нашата држава Иван Чупиќ од Вардар и Златко Хорват од Металург се меѓу патниците. Хрватска на турнирот ќе се сретне со Франција,Португалија и Тунис. Натпреварите ќе се играат од 12 до 14 март, а место на ЛОИ ќе обезбедат двете најдобри селекции во групата.

Список на играчи на Хрватска за турнирот:

1. Марин Шего (Монпелје) 2. Иван Пешиќ (Мешков Брест) 3. Мате Шуњиќ (Иври) 4. Иван Чупиќ (Вардар) 5. Златко Хорват (Металург) 6. Мануел Штрлек (Веспрем) 7. Давид Мандиќ (ППД Загреб) 8. Жељко Муса (Магдебург) 9. Марино Мариќ (Мелсунген) 10. Илија Брозовиќ (Хановер) 11. Крешимир Козина (Гепинген) 12. Лука Циндриќ (Барселона ) 13. Домагој Дувњак (Кил) 14. Игор Карачиќ (Кјелце) 15. Марино Мамиќ (Лајпциг ) 16. Халил Јагањац (Нексе) 17. Иван Мартиновиќ (Хановер) 18. Домагој Павловиќ (Мелсунген) 19. Лука Шебетиќ (Трембли) 20. Шиме Ивиќ (Елранген) 21. Матеј Хрстиќ (ППД Загреб)