Хуан Карлос Пастор – Kurir.mk

ОФИЦИЈАЛНО: Хуан Карлос Пастор нов селектор на Египет

Бошко Тасиќ — Tue, 14 Mar 2023 05:40:49 +0000

Ракометната репрезентација на Египет најде замена за Роберто Гарсија Парондо. Нов селектор на најдобрата неевропска репрезентација ќе биде Хуан Карлос Пастор. Шпанскиот тренер следното лето по 10 години ќе го напушти унгарскиот Пик Сегед и ќе седне на клупата на Египет. Светскиот шампион од 2005 година со Шпанија потпиша едногодишен договор со Египќаните за да им помогне да се квалификуваат и да постигнат најдобар можен резултат на Олимпијадата 2024 година во Париз. Претходниот тренер Парондо ги постави целите високи, бидејќи „фараоните“ го освоија четвртото место на Олимписките игри во Токио.

Пастор нов селектор на Египет

Бошко Тасиќ — Wed, 08 Mar 2023 05:51:29 +0000

Искусниот шпански стратег Хуан Карлос Пастор ќе ја води репрезентацијата на Египет на Олимписките игри во Париз во 2024 година. По десет години работа во унгарски ПИК Сегед, шпанскиот тренер се враќа на селекторската клупа, каде веќе го постигна најголемиот успех со водењето на шпанската репрезентација до светското злато во Тунис во 2005. години.

ПИК Сегед му го продолжи договорот на Пастор

Бошко Тасиќ — Thu, 28 Jul 2022 05:23:47 +0000

Унгарскиот шампион Пик Сегед денеска објави дека постигнал договор за продолжување на соработката со тренерот Хуан Карлос Пастор. Шпанскиот стратег кој цели девет години е на чело на Пик Сегед во последните сезони бележи одлични резултати, набивајќи му комплекс на Веспрем во трката за титулата во унгарскиот шампионат. Сегед повторно е првак на својата земја, а Пастор како награда доби нов двогодишен договор, заедно со својот помошник Марко Кривокапиќ.

„Кога пристигнав во клубот не очекував дека ќе останам толку долго. Сепак, од година во година се повеќе напредуваме, среќен сум што управата ни верува и ни понуди продолжување на соработката. Врската што постои меѓу тимот и навивачите е фантастична“, изјави Пастор по потписот на новиот договор.