Хуан Карлос – Kurir.mk

Поранешниот шпански крал Хуан Карлос ќе се врати во земјата

Ивона Петрова — Tue, 17 May 2022 06:20:09 +0000

Поранешниот крал на Шпанија, Хуан Карлос ќе се врати во земјата овој викенд, првпат од август 2020 година. Шпанската телевизија „Кадена СЕР“ објави дека поранешниот монарх прво ќе ја посети Галиција, а потоа и Мадрид, каде се очекува да се сретне со неговиот син, сегашниот крал Фелипе Шести. Хуан Карлос живее во Абу Даби откако ненадејно ја напушти Шпанија во 2020 година, поради неколку истраги за корупција и финансиски измами. Сите кривични постапки против Хуан Карлос сега се суспендирани и во Шпанија и во Швајцарија. Единственото судење со кое сè уште се соочува е во Велика Британија, каде што неговата поранешна партнерка го тужи за малтретирање. Хуан Карлос абдицира во 2014 година по јавните критики за ловечко патување во Боцвана и корупцискиот скандал во кој се вмешани неговата ќерка и зет. Во текот на викендот, кралот Фелипе Шести отпатува во Обединетите Арапски Емирати за да изрази сочувство за смртта на шеикот Калифа бин Зајед Ал Нахјан.

Поранешниот шпански крал Хуан Карлос подмири даночен долг од околу 700 илјади евра

Ивона Петрова — Thu, 10 Dec 2020 07:25:02 +0000

Поранешниот шпански крал Хуан Карлос, кој е во егзил од август во Обединетите Арапски Емирати, додека неколку судски истраги се водат против него, подмирил долг од речиси 680.000 евра кон шпанските даночни власти, објави синоќа неговиот адвокат. „Кралот Хуан Карлос им предаде на фискалните власти потврда од подмирениот даночен долг во износ од 678.393,72 евра со камата“, се вели во изјавата на неговиот адвокат. Тој додава дека неговиот клиент останува на располагање на јавниот обвинител за каква било постапка. Во неделата, весникот Ел Паис откри дека даночната пријава на поранешниот монарх е поврзана со антикорупциска истрага за употребата на кредитни картички на Хуан Карлос. Хуан Карлос наводно користел кредитни картички поврзани со банкарски сметки кои не биле на негово име и се испитува можно перење пари. Тие сметки во банка се на имиња на мексикански бизнисмен и офицер на шпанското воено воздухопловство. Ако се докаже дека поранешниот крал користел пари на кои не плаќал данок, против него би можело да се поведе судска постапка за перење пари.

Градот Барселона му ги одзеде сите одлукувања на поранешниот крал Хуан Карлос

Дарко Андоновски — Thu, 27 Aug 2020 15:18:17 +0000

Градскиот Совет на Барселона денеска донесе одлука да ги одземе сите официјални одликувања доделени од тој град на поранешниот шпански крал Хуан Карлос, откако неговата канцеларијата се најде во корупцискиот скандал. За одземање на одлукувањата на карлос гласаа сите сепаратистички партии во градскиот Совет. Меѓу признанијата што му се одземени, е и престижниот златен медал кој се доделува на оние кои се истакнале со лични заслуги или кои направиле нешто исклучително за Барселона. Поранешниот шпански крал Хуан Карлос (82) ја напушти земјата на почетокот на месецот и отиде во Обединетите Арапски Емирати, откако Врховниот суд започна истрага во јуни за неговата вмешаност во малверзации со договорот за брза железничка пруга со Саудиска Арабија, а швајцарскиот весник „Трибјун“ објави дека Хуан Карлос добил 100 милиони долари од покојниот саудиски крал.

Шпанскиот крај Фелипе се откажа од наследството на татко му Хуан Карлос

Ивона Петрова — Mon, 16 Mar 2020 06:56:38 +0000

Шпанскиот крал Фелипе Шести се откажа од наследството на својот татко Хуан Карлос заради неговите финансиски малверзации. Во соопштението на шпанското кралско семејство се наведува дека кралот Фелипе ја укинал годишната апанажа за татко му (82), кој абдицира од престолот во 2014 година. Одлуката следеше по истрагата на швајцарските истражители за офшор сметката на Хуан Карлос, кој наводно во 2008 година примил 88 милиони долари од покојниот саудсики крал Абдулах. Британскиот весник „Телеграф“ објави дека кралот Фелипе е наводен корисник на офшор фонд што ја контролира швајцарската сметка со наводни 65 милиони евра подарок од Саудиска Арабија, дадени на неговиот татко додека тој бил на престолот. Кралот Фелипе денеска негираше дека знаел било што за овој фонд