Хуан Лапорта – Kurir.mk

Лапорта: Ова е најголема кампања против Барселона, но и за Мадрид имаме порака

Бошко Тасиќ — Sat, 21 Oct 2023 19:28:55 +0000

Претседателот на Барселона, Жоан Лапорта уште еднаш истакнал дека случајот „Негреира“ е создаден за дискредитација на шпанскиот клуб. Тој зборуваше пред „социосите“ на клубот и испрати јасна порака до најголемиот ривал, Реал Мадрид. „Историјата на Барса не смее да биде извалкана, не смееме и нема да дозволиме такво нешто. Алудирам на најжестокиот напад во историјата на клубот, се работи за досега невидена кампања за дискредитација, тоа е нешто што не смееме да го дозволиме“, изјави Лапорта. „Имам лоши вести за оние од Мадрид. Ќе го повториме успехот на најдобрата Барса досега. Реал Мадрид не се забавуваше добро за време на мојот прв мандат и замислете како се чувствуваат кога ќе видат нова Барса за неколку години – тим кој ќе биде сè подобар и подобар и истиот претседател поради кој лошо си поминуваше ривалот“, додаде Лапорта.

Лапорта со порака до навивачите: Многумина ќе сносат последици, ќе мораат да се искупат за своите лаги!

Бошко Тасиќ — Sun, 12 Mar 2023 20:08:22 +0000

Барселона се најде во центарот на скандал кој ги тресе Пиринеите, но и цела фудбалска Европа. Имено, поради незаконските работења на претходната управа, клубот сега е обвинет дека наводно му уплатувал големи суми на пари на фирмата во сопственост на Енрике Негреира, a за возврат тој ветувал дека ќе им делегира судии кои се поволни за нив. Иако Негреира како почесен потпретседател со церемонијална улога, немал никакво влијание во носењето на овие одлуки, сепак обвиниетлството постапува по допрен глас, односно вербален деликт, што значи дека има изјава од сведок или сведоци. Со оглед на тоа дека во претходниот период речиси цела поранешна управа и самиот Негреира беа на распит и под истрага за даночно затајување и фалсификувани материјали, не е исклучено оваа изјава да доаѓа од некој од нив.Од друга страна, Барселона и актуелната управа некако неоправдано се најдоа на удар поради постапките на претходното (веќе докажано криминално) раководство. Поради ова, се огласи и Жоан Лапорта, кој испрати порака до навивачите на Барселона. „Кулеси, бидете мирни. Барса е невина, не направи ништо од ова што и е „закачено“, туку е жртва на општа кампања против нејзината чест, кампања во која сега сите решија да се приклучиме, што не не чуди. Не грижете се, ние ќе ја браниме честа и интересите на клубот и ќе ја докажеме нашата невиност. Многумина ќе ги сносат последиците за своите постапки и ќе мора да се искупат за своите лаги“, истакна Лапорта.

Лапорта најави кои две засилувања доаѓаат во Барселона

Бошко Тасиќ — Sat, 02 Jul 2022 20:10:06 +0000

Во Барселона Веќе со недели се шпекулира дека доаѓа Роберт Левандовски, но од таа работа се уште нема ништо официјално. Сепак, претседателот на клубот Лапорта денес потврди дека Барселона договорила две засилувања и дека тие ќе бидат претставени идната недела, а ќе дојдат како слободни играчи. Станува збор за Франк Кеси од Милан и Андреас Кристенсен од Челси. „Кеси ќе го претставиме во среда, додека Кристенсен во четврток“, порача Лапорта. Шлаг на торта веројатно би било доаѓањето на Роберт Левандовски.

Чави до Лапорта: Тие двајца не смеат да си заминат од Барселона

Бошко Тасиќ — Sun, 03 Apr 2022 06:34:24 +0000

По големата „Ел Класико“ победа, следеш двенеделна пауза од клупскиот фудбал поради обврските кои ги имаа играчите со своите репрезентации, па така сега Барселона ја чека ново дерби, но во сосема поинакво расположение. Атмосферата во тимот е значително подобра и победата од 0:4 против Реал Мадрид беше само потврда за напредокот на Барса под водство на Чави Ернандес, кој пред натпреварот со Севилја испрати директна порака до Жоан Лапорта околу двајца фудбалери кои се интересни за останатите клубови, а кои се уште водат преговори со Барселона за нови договори. Роналд Араухо и Гави се клучни во ротацијата на Чави, но и на двајцата договорите им завршуваат во 2023-та година, што значи дека најдобро ќе биде да бидат осигурани од клубот пред почетокот на летниот преоден рок. – Роналд и Гави се многу важни за мене. Веќе јасно ставив до знаење колку се тие важни за мене со оглед на минутажата и улогата која ја имаат.Клубот не смее да си дозволи нивно заминување, не смеат да си одат Араухо и Гави. Тие се клучни за проектот и верувам дека е само прашање на време кога ќе се постигне договор, – изјави Чави.