Хуан Мартин дел Потро се враќа на тениските терени

Бошко Тасиќ — Tue, 28 Mar 2023 04:34:27 +0000

Аргентинскиот тенисер Хуан Мартин дел Потро изјави дека би можел да направи сензационален камбек во тенисот на САД опен (28 август – 10 септември), како поранешен шампион. – Сѐ уште имам време, ќе почнам да тренирам, да видиме како ќе реагираат мојата нога и колено и дали можам да го направам тоа или не – изјави Аргентинецот, а пренесува Еуроспорт. Тој во интервјуто со јужноамериканскиот репортер Дени Мише ги воодушеви своите многубројни фанови само со сугестијата дека се надева оти ќе започне изненадувачки камбек. Дел Потро, кој го освои САД опен во 2009 година, многу сака да се врати, откако минатата година мораше да се повлече од тенисот по постојаните повреди на зглобот на раката и на коленото. Дел Потро (34) не се појавил на терените од февруари 2022 година кога играше пред своите навивачи во Буенос Аирес.

Дел Потро не даде сет на противникот, следи натпревар со Лопез

Дарко Андоновски — Tue, 03 Jul 2018 15:36:06 +0000

Петтиот носител на овогодинешното издание на „Вимблдон“, Хуан Мартин Дел Потро (Аргентина) се пласираше во вториот круг на Гренд-Слем турнирот во Лондон. Полуфиналистот од 2013 година го надигра Петер Гојовчик (Германија) со 6:3, 6:4, 6:3 за речиси два часа игра. Дел Порто (29) пласира 22 аса, направи четири брејка во натпреварот и ниту еднаш не загуби на свој сервис. Во вториот круг, Аргентинецот ќе го има за ривал 36-годишниот Лопез, кој е 70-ти на светската АТП листа. Шпанскиот ветеран го победи Федерико Делбонис (Аргентина) со 6:3, 6:4, 6:2 за 90 минути поминати на теренот. Шпанецот подобри денес рекорд на Роџер Федерер (Швајцарија), запишувајќи 66-то по ред учество на турнир од „големата четворка“. Лопез е трикратен четвртфиналист на „Вимблдон“ и оваа година игра во Лондон 17-ти пат по ред во својата кариера. Во други средби кај мажите од денеска, Раду Албот (Молдавија) го елиминира број 20 во шемата, Пабло Карењо Буста (Шпанија) со 3:6, 6:0, 6:7 (5), 6:2, 6:1 за три часа игра (денес беше доигрувањето на средбата), а Дамир Џумхур (Босна и Херцеговина), 27-ми носител, го победи Максимилијан Мартерер (Германија) со 6:3, 6:2, 6:4. „Среќниот губитник“ од квалификациите, Бернард Томиќ (Австралија), пак, победи против Хуберт Хуркач (Полска) со 6:4, 6:2, 7:6 (2). Во следното коло се пласираа и Александар Зверев (Германија), Кеј Нишикори (Јапонија), Ернест Гулбис (Латвија), Јиржи Весели (Полска), Кајл Едмунд (Велика Британија), Диего Шварцман (Аргентина) итн.

хуан мартин дел порто – Kurir.mk

Хуан Мартин дел Потро се враќа на тениските терени

Дел Потро не даде сет на противникот, следи натпревар со Лопез