хуан мата – Kurir.mk

Хуан Мата се сели во Висел Кобе

Бошко Тасиќ — Mon, 04 Sep 2023 04:07:17 +0000

Поранешниот играч за врска на шпанската фудбалска репрезентација и на Манчестер јунајтед, Хуан Мата, му се приклучи на јапонски Висел Кобе каде настапуваше неговиот сонародник Андрес Иниеста, соопшти денеска азискиот клуб. Светскиот првак 2010 и европски 2012 со Шпанија, 35-годишниот Мата се пресели во јапонскиот клуб без обесштетување, откако ова лето го напушти турски Галатасарај за кој во една сезона одигра 18 натпревари. Мата во Висел Кобе го наследи поранешниот соиграч од репрезентацијата Иниеста, кој го носеше дресот на јапонскиот клуб пет сезони, од 2018 до 2023, како и сонародникот Давид Виља, кој беше дел од клубот во 2019 и 2020.

„Многу сум горд што ќе чекорам по нивните стапки во оваа земја“, порача Мата на денешната прес – конференција со јапонските новинари.

Галатасарај тргнува по Хуан Мата

Бошко Тасиќ — Thu, 08 Sep 2022 05:39:58 +0000

Турскиот гигант Галатасарај го официјализираше доаѓањето на Мауро Икарди. Аргентинецот си заминува од ПСЖ, а најнова цел на Галатасарај сега е Хуан Мата. Според турските медиуми, Шпанецот ќе потпише едногодишен договор со Турците. На почетокот на јули Мата стана слободен играч, откако Манчестер Јунајтед не го обнови договорот со фудбалерот кој мина дури осум сезони на „Олд Трафорд“. Како трансферна цел на Галатасарај се споменува и Хамес Родригез.

Мата го продолжи договорот со Манчестер јунајтед на една година

Магдалена Андонова — Fri, 02 Jul 2021 13:15:44 +0000

Фудбалерот за врска Хуан Мата потпиша нов договор со Манчестер јунајтед. Новата соработка на 33-годишниот Мата со Манчестер треба да трае до 2022 година. Мата премина во Јунајтед од Челзи во јануари 2014 година. За тоа време, Шпанецот одигра 273 натпревари за „црвените ѓаволи“, постигнувајќи 51 гол. Премиерлигашот од „Олд Трафорд“ во новата сезона влегува со амбиции да создаде конкурентен тим за шампионската титула. (МИА)

Хуан Мата: Му благодарам на Мурињо за трофеите

Ивона Петрова — Wed, 26 Dec 2018 07:46:39 +0000

Фудбалерот од средниот ред на Манчестер Јунајтед, Хуан Мата, му се заблагодари на поранешниот тренер, Жозе Мурињо, за заслугите кои ги има за освоените трофеи. Португалецот мината недела доби отказ. -Беше посебна недела за нас со оваа промена на тренерот. Јас би сакал да му се заблагодарам на Жозе Мурињо за трофеите што ги освоивме заедно. Му посакувам среќа во иднина, изјави Мата. Тој е еден од малкуте во клубот што остануваат со позитивни спомени од работата со Мурињо. МИА