Хубеи – Kurir.mk

400.000 луѓе во нов карантин во провинција во Кина

Тале Кристо — Mon, 29 Jun 2020 08:09:35 +0000

Околу 400.000 жители на провинцијата Хубеи во Кина се ставени во нов карантин поради пораст на заболени од Ковид-19. Вкупниот број на заболени во провинцијата достигнува нешто помалку од 400.000. Според извори на семејствата им е дозволено да испратат само еден член од семејството по потребни производи и додадена е и забрана за влез на возила од други околни области. Хубејската комисија за здравство вели дека откако се отворил пазарот на Ксинфади се регистрирани околу 13 заразени и 6 асимптоматски случаи. Властите предупредуваат за сериозноста за време на карантинот и спомнаа дека се уште се нема контрола врз пандемијата. Анксин, каде што се наоѓа Хубеи во Кина е релативно рурална средина и е одалечена околу 145 километри од главниот град, каде се смета дека започнал одново да се шири вирусот во последните две недели. Кина објави 12 нови случаи на вирусот во неделата, како и седум заразени од главниот град, а други пет од Сичуан и Шангај.

Хубеи, жариште на коронавирусот – Еве што се случува денеска таму

Ивона Петрова — Wed, 06 May 2020 06:34:00 +0000

Во Кина денеска се пријавени два нови случаи на коронавирусот, додека провинцијата Хубеи, некогашно жариште на епидемијата, го одбележува 32-от ден без нов случај на оваа зараза. Тоа се смета за најголемо достигнување во борбата на Кина против Ковид-19, додека што земјата ги олесни ограничувањата и полека се враќа во нормален живот, пренесува Би-Би-Си. Денеска во цела Кина се пријавени два нови случаи, со што вкупниот број на заразени од почетокот на епидемијата изнесува 82.883, а починале 4.633 лица.

Кина ги укинува ограничувањата во Хубеи, нема случај на локална зараза во последните 24 часа

Ивона Петрова — Wed, 25 Mar 2020 07:03:10 +0000

Кина денеска ги укина драстичните ограничувања воведени пред неколку месеци во покраината Хубеи, жариштето на пандемијата со новиот коронавирус. Во последните 24 часа во Кина не е откриен ниту еден случај на локална зараза, но регистрирани се 47 пациенти кои вратиле од странство. – Вкупно потврдени се 474 „увезени“ случаи. Најголемиот број од нив се Кинези, кои се вратија дома, се наведува во соопштението од кинеското Министерство за надворешни работи. Исто така се додадва дека во последните 24 часа починале четири лица, од кои три во покраината Хубеи, каде се наоѓа Вухан, градот што прв настрада од Ковид-19.

Кинески експерти и претставници на СЗО ја посетија провинцијата Хубеи

Ивона Петрова — Tue, 25 Feb 2020 08:57:58 +0000

Експертска група составена од претставници на Кина и на Светска здравствена организација (СЗО) за време на викендот ја посетија кинеската провинција Хубеи, од каде почна епидемијата на новиот коронавирус, соопшти денеска кинеската Државна здравствена комисија. Експертите ја посетија болницата Тунџи, спортскиот центар Вухан, што беше претворен во привремена болница, како и Центарот за контрола и превенција на провинцијата. Директорот на Државната здравствена комисија Ма Ксијавеј истакна дека Кина не се грижи само за здравјето на кинескиот народ туку и за глобалното јавно здравје. – Кина е убедена и одлучна да ја победи епидемијата, наведе Ма. Тој им се заблагодари на експертите за нивната работа во Кина во овој клучен момент за борба против епидемијата и за нивните совети за ефикасно справување со вирусот.

Нови 132 смртни случаи од Ковид-19, опаѓа бројот на заразени

Ивона Петрова — Wed, 19 Feb 2020 06:19:53 +0000

Бројот на починати од новиот коронавирус во централната кинеска провинција Хубеи се зголеми за 132, достигнувајќи 1.921, соопшти локалната здравствена комисија. Во соопштението се додава дека во провинцијата се регистрирани 1.693 нови случаи, со што вкупниот број заразени е 61.682. Бројот на новопотврдени случаи на новиот коронавирус во Хубеи е на најниско ниво од 11 февруари и е под 2.000 втор ден по ред. Најголем број смртни случаи има во главниот град на провинцијата Вухан, за кој се верува дека во него почна ширењето на заразата. Во Вухан се пријавени 116 нови смртни случаи, а во градот досега починале 1.487 луѓе од новиот коронавирус.