Хуго Лорис – Kurir.mk

Тотенхем потврди – Хуго Лорис бара нов клуб

Бошко Тасиќ — Sat, 15 Jul 2023 04:54:55 +0000

Легендарниот француски репрезентативен голман на лондонски Тотенхем, Хуго Лорис и дефинитивно си заминува од клубот оваа лето иако има договор до јуни 2024 година. Лорис една година порано ќе ја прекине соработката со Тотнем, клубот денеска го потврди тоа. „Францускиот голман доби дозвола да не патува на подготовките со цел да ги разгледа трансфер опциите“, соопштија од Тотнем.

Капитенот на Тотенхем се враќа во Франција

Бошко Тасиќ — Sun, 04 Jun 2023 06:57:57 +0000

Капитенот на Тотенхем, Хуго Лорис изјави дека дојде време да го напушти клубот и да стави крај на својата кариера во тимот од северен Лондон. Францускиот репрезентативец веќе има 36 години и се чини дека летово ќе си замине од клубот во кој помина девет сезони од својата кариера. „Мислам дека дојде време за разделба со Тотенхем. Стигнавме до еден важен момент, а тоа е крај на една прекрасна епоха. Имам желба да продолжам и ќе ги разгледам сите понуди што ќе стигнат на моја адреса. Заедно со мојот агент ќе решиме што е најдобро за мојата иднина, но не ја исклучувам можноста за враќање во Ница.Имам уште една година од договорот со Тотенхем, но можно е и да не го одработам до крај. Сепак, ова е фудбал и може да се случат многу непредвидени работи. Ќе видиме што ќе донесе летниот преоден рок“, заклучил Лорис.

Капитенот на Франција се прости од репрезентацијата

Бошко Тасиќ — Tue, 10 Jan 2023 05:59:49 +0000

Хуго Лорис долги години беше капитен на Франција и сите гледаа на него како на вистински пример во тимот, но од денеска натаму, Дидие Дешамп ќе мора да бара нов лидер во француската репрезентација. Дешамп пред два дена го продолжи договорот со Франција и останува национален селектор уште три години, а вечерва доби вест дека веќе нема да може да смета на искусниот голман на Тотенхем. Лорис реши да стави крај на репрезентативната кариера на 36-годишна возраст, па така поразот во финалето со Аргентина е негов последен меч за националниот тим. – Едноставно доаѓа време кога мора да ги предадете ракавиците на некој друг. Oтсекогаш сум велел и повторувал дека францускиот тим не му припаѓа никому и мораме сите да се погрижиме да биде така. Јас како капитен, мора да бидам пример за останатите.Тимот е подготвен да продолжи, имаме и голман кој е подготвен (Мајк Мењон). Претпочитам да си одам кога сум во најдобра форма, подобро тоа отколку да чекам пад или премногу конкуренција. Имам и семејни прични, чувствувам потреба да поминувам повеќе време со сопругата и децата, – изјавил Лорис за „Лекип“. Лорис 14 години беше прв голман на Франција, собра вкупно 145 настапи за репрезентацијата, на 121 беше капитен, а одигра на вкупно четири Светски првенства. Двапати играше во големото финале и во 2018-та година стана светски првак, а играше и во финалето на Европското првенство во кое Франција загуби од Португалија.

Лорис: Знаеме што значи Меси за фудбалот, но ова е меч меѓу Франција и Аргентина

Бошко Тасиќ — Sun, 18 Dec 2022 07:15:15 +0000

Франција има историска шанса да ја одбрани светската титула, со победа во неделното финале против репрезентацијата на Аргентина. „Се фокусираме на поддршката од нашите навивачи, ништо друго не ни е важно. Малкумина веруваа во нас на почетокот, но сега сме во финалето, четири години по претходното финале и ќе направиме сè за да победиме. Знаеме што значи Меси во историјата на фудбалот, но на крајот на денот ова е меч меѓу Аргентина и Франција“, изјави Хуго Лорис, голманот на француската репрезентација.

Лорис: Нè чека супер финале

Бошко Тасиќ — Thu, 15 Dec 2022 06:08:43 +0000

Голманот на француската фудбалска репрезентација Хуго Лорис најави дека во недела пресметката на Франција и Аргентина за „златната божица“ ќе биде суперфинале, откако светскиот првак успеа со триумфот со 2-0 да го победи Мароко и да дојде на чекор да биде прва селекција по 60 години која успеала да го одбрани пехарот после Бразил во ерата на Пеле. „Сега имаме сè за големо, супер финале. Аргентина е навистина голем тим, покажаа колку компетитивни може да бидат низ целото ова СП, а имаат фудбалер кој остави силен белег и ја одбележа историјата на овој спорт“, рече Лорис. Тој посочи дека сега Франција има златна шанса да се запише во најблескавата историја на светскиот фудбал ако ја одбрани круната. „Страдавме многу на овој меч, мораше да дадеме многу за да излеземе и како победници, ама и да не примиме гол. Сега ни се укажува шанса, златна шанса да ја запишеме Франција во историјата на фудбалот“, додаде Лорис.

Хуго Лорис го продолжи договорот со Тотенхем

Бошко Тасиќ — Fri, 21 Jan 2022 20:08:20 +0000

Францускиот чувар на мрежата нема на Тотенхем потпиша договор до 2024 година со клубот од Лондон. Капитенот на популарните „петли“ се обврза на уште две сезони во клубот, затоа што актуелниот договор му истекуваше во јуни. Лорис се приклучи на Тотенхем во 2012 година од редовите на Лион и сега по желба на Антонио Конте челниците го договорија останувањето на Лорис во Тотенхем.

Лорис по рекорден 100. пат капитен на Франција

Дарко Андоновски — Thu, 03 Jun 2021 07:15:50 +0000

Голманот на Франција, Хуго Лорис учествуваше на пријателскиот натпревар против Велс (3:0) синоќа во Ница. Триесет и четиригодишниот голман на Тотенхем го одигра 100-от натпревар како капитен на „Триколорите“ соборувајќи го рекордот на националниот тим. Актуелниот селектор на француската репрезентација, Дидие Дешамп е на второто место според овој показател, има 54 натпревари со капитенската лента. Лорис игра за Франција од 2008 година, досега има 124 натпревари.

По поразот од Динамо, се огласи голманот на Тотенхем

Ивана Ефремовски — Fri, 19 Mar 2021 09:07:01 +0000

Голманот на Тотенхем, Хуго Лорис, го коментираше поразот од Динамо Загреб (0:3) во реваншот од осминафиналето во Лигата на Европа. Фудбалерот ја критикуваше играта на неговиот тим и ја оцени како срамна. -Ќе кажам само срамота. Се надевам дека сите во соблекувалната се чувствуваат одговорни за неуспехот. Екипата едноставно рефлектира што се случува во клубот. Начинот на кој играме не е доволен. Имавме добри моменти во минатото, бидејќи го почувствувавме единството на тимот. Не сум сигурен дали е сега така, изјави Лорис за „Goal“. Тотенхем по два средби загуби со 2:3 од Динамо Загреб и испадна од Лигата на Европа уште во осминафиналната фаза

Лорис е првиот француски голман кој одигра 100 натпревари во европските купови

Тале Кристо — Fri, 30 Oct 2020 07:47:02 +0000

Голманот на Тотенхем Хуго Лорис синоќа против Антверпен во 2. коло од Лигата на Европа го одигра својот 100. натпревар во европските фудбалски купови. Според „Опта“, Лорис е првиот француски голман со вакво достигнување. Тој има 32 натпревари во Лигата на Европа (вклучувајќи ги и квалификациските фази) и 68 натпревари во Лигата на шампионите (вклучувајќи ги и квалификациските фази). Сепак, Лорис немаше многу причини за прослава на јубилејот, бидејќи неговиот тим Тотенхем загуби на гостувањето во Белгија од Антверп со 1:0.

Лорис за инцидентот со Сон: Ова е дел од фудбалот

Магдалена Андонова — Tue, 07 Jul 2020 09:56:55 +0000

Голманот на Тотенхем, Хуго Лорис има свое објаснување за пресметката со соиграчот Сон Хјунг-Мин. Конфликтот се случи кога екипите по првото полувреме беа испратени во соблекувалната. – Оваа ситуација припаѓа на тимот. Однадвор можете да кажете што сакате. Она што се случи меѓу мене и Сон е понекогаш дел од фудбалот. Нема проблем. На крајот на натпреварот, можете да видите дека бевме повеќе од среќни, изјави Лорис. Голманот на полувреме од синоќешниот дуел тргна физички да се пресмета со Сон, но соиграчите спречија контакт и се остана на вербални префрлања. Подоцна двајцата играчи демонстрираа помиреност. (МИА)