Хулен Лопетеги – Kurir.mk

Севиља го продолжи договорот со главниот тренер Лопетеги

Ивана Ефремовски — Sun, 10 Jan 2021 16:25:45 +0000

Тренерот на Севиља, Хулен Лопетеги потпиша нов договор со клубот од Андалузија до 2024 година. Претходниот договор важеше до 2022 година, објавено е на веб-страницата на тимот. Лопетеги беше тренер на Севиља од летото 2019 година, пред тоа работеше за Реал Мадрид и шпанската репрезентација. Во сезоната 2019/20, Лопетеги со Севиља ја освои Лигата на Европа. (МИА)

Лопетеги: Секогаш боли кога ќе загубиш во финале, но бевме на исто ниво со Баерн

Ивона Петрова — Fri, 25 Sep 2020 07:41:34 +0000

Тренерот на Севиља, Хулен Лопетеги тешко го проголта поразот од Баерн (Минхен) со 1:2 во финалето на Суперкупот на Европа. Тој рече дека ваквите порази секогаш болат. Сепак, стручњакот ги пофали своите играчи дека се рамноправни со најдобриот тим во Европа. – Секогаш боли кога ќе загубиш во финале, особено кога сиимал шанса да победиш. На моменти бевме притиснати, но во исто време успеавме да ги повредиме. Победничкиот гол за противникот дојде токму кога најмалку очекувавме. Тренираме само 12 дена, но сепак бевме на исто ниво со најдобриот тим во Европа и го доведовме натпреварот во продолженија. Тоа е повеќе од многу други кои се соочија со Баерн, изјави Лопетеги.

Лопетеги: Го почитуваме Интер, но одиме на победа

Ивона Петрова — Fri, 21 Aug 2020 07:13:06 +0000

Тренерот на Севиља, Хулен Лопетеги изрази оптимизам пред финалето на Лигата на Европа против италијански Интер. Лопетеги го пофали противникот, но рече дека целта на неговиот тим е да се врати во Шпанија со трофејот. – Интер има добро избалансиран тим. Тие можат да напаѓаат на различни начини и да бидат добри во одбраната, давајќи им на противниците само малку шанси. Ние ќе му пристапиме на овој меч како и секој друг. Излегуваме со почит кон противникот, но целта ни е да ја освоиме Лигата на Европа. За да го постигнеме тоа, ние мора да бидеме смирени и да ја задржиме ладнокрвноста, рече Лопетеги. Финалето се игра вечерва во Келн со почеток од 21 часот.

Лопетеги: За да го победиме Вулверхемптон, ќе треба да одиграме одличен натпревар

Магдалена Андонова — Tue, 11 Aug 2020 08:58:50 +0000

Тренерот на Севиља, Хулен Лопетеги, ги сподели своите очекувања за четвртфиналниот натпревар од Лигата на Европа против Вувлерхемптон. – Сосема е очигледно дека за да победиме ќе треба да одиграме одличен натпревар. Треба да се фокусирате на нашата игра и да користиме свои адути. Противникот е многу сериозен. Натпреварот, верувам, ќе излезе како рамноправен и крајно тежок. Ние сме подготвени за таков развој на настаните. Форматот на Лигата на Европа малку се смени, но мора да одговориме на истите прашања како во текот на целата сезона. Треба да ги покажете максималните можности, истакна Лопетеги. Натпреварот ќе се одржи во Дуизбург, вечер со почеток во 21 часот. (МИА)

Лопетеги побара пет недели за подготвки пред да се обнови Ла Лига

Дарко Андоновски — Mon, 27 Apr 2020 14:21:59 +0000

Поранешниот селектор на шпанската фудбалска репрезентација и актуелен тренер на Севиља – Хулен Лопетеги, смета дека на играчите треба да им се дадат најмалку пет недели за да се подготват пред рестартирањето на сезоната, која беше запрена во средината на март поради пандемијата од коронавирус. Лопетеги е категоричен дека брзањето да продолжи со мечевите за да се заврши кампањата може да предизвика сериозни повреди. – Мислам дека треба да се подготват најмалку пет недели. Ќе мора да играме натпревари на секои три дена. Од физички и емотивен аспект, ова ќе биде нешто со што не сме се соочиле порано. Значи, ќе треба да бидеме во што е можно подобра кондиција. Во фудбалот не сме искусиле такво нешто. Ова не е како враќање по пауза, ниту на физички или психички план. Сега играчите ќе бидат 20 проценти од нивната нормална состојба кога ќе се вратат на тренинзи. Убеден сум во тоа. Ситуацијата е многу комплицирана и емотивна. Луѓето мислат дека сите играчи имаат големи куќи и дворови, но тие всушност се малцинство, рече Лопетеги.

Реал платил 18 милиони евра обесштетување на Лопетеги

Дарко Андоновски — Sun, 11 Nov 2018 14:30:15 +0000

Хулен Лопетеги остана само 139 дена на чело на Реал Мадрид, а потоа беше отпуштен поради лоши резултати на тимот. Поранешниот шпански селектор добил обесштетување од 18 милиони евра, што му било исплатено откако бил отпуштен од раководството на „Сантијаго Бернабеу“. Само пред пет месеци, Лопетеги беше тренер на Шпанија. Сепак, тој ја напушти оваа позиција непосредно пред Светското првенство за да го преземе предизвикот и да го води Реал Мадрид. „Кралевите“ го објавија Лопетеги за свој нов тренер на 12 јуни, по што Шпанската фудбалска федерација побрза да го разреши неколку часа пред почетокот на Светското првенство во Русија. Реал Мадрид потоа официјално го претстави на 14-ти јуни. Лопетеги стана најбрзо отпуштен тренер во ерата на Флорентино Перез. Шефот на клубот се покажа бескомпромисен во овој поглед – за 15 години има отпуштено 12 ментори. И покрај лошите резултати, медиумите во Шпанија се обединија околу ставот дека поранешниот голман не добил време да ги наметне своите ставови.

Лопетеги ќе земе „само“ три милиони евра од Реал Мадрид

Ивона Петрова — Wed, 31 Oct 2018 15:24:42 +0000

Гласините дека Реал Мадрид мора да му ги исплати платите на досегашниот тренер Хулен Лопетеги до крајот на договорот не се вистинити, тврди „АС“. Во јуни оваа година, баскискиот стратег потпиша тригодишен договор со Реал за кој требаше да заработи вкупно 18 милиони евра (шест милиони евра за сезона). „АС“ тврди дека директорот на Реал, Флорентино Перез си обезбедил клаузула и ќе му плати на Лопетеги само за шест месеци. Ова значи дека Лопетеги ќе се спогоди за три милиони евра за неговото рано заминување од „Сантијаго Бернабеу“. Тренерот работеше само 139 дена и го водеше тимот на 14 официјални натпревари. Ова не е првпат Перез да менува тренер среде сезона. Хозе Антонио Камачо си замина сам, а по почетокот на сезоната од обврските беа ослободени и Гарсија Ремон, Рафаел Бенитез и Вандерлеј Луксембурго. МИА

Лопетеги веќе почнал да бара нов клуб

Ристе Здравков — Wed, 31 Oct 2018 13:15:08 +0000

Доскорешниот тренер на Реал Мадрид, Хулен Лопетеги, се надева дека ќе најде нов клуб во блиска иднина. Според „Марка“, по отказот добие од Реал, Лопетеги нема долго да остане без работа. Според изворот, неговите агенти размислуваат за различни опции за продолжување на неговата кариера, бидејќи во првиот дел од сезоната некои тимови може да останат без тренер и да се обидат да го ангажираат Лопетеги. Се нагласува дека Лопетеги има за цел да најде работа надвор од Шпанија. Тој го водеше Реал Мадрид од јули, но помина на чело на тимот само 14 натпревари и беше отпуштен поради незадоволителни резултати.

Лопетеги веќе се збогувал со играчите на Реал

Предраг Кукиќ — Mon, 29 Oct 2018 08:03:37 +0000

Тренерот на Реал Мадрид, Хулен Лопетеги сигурно ќе ја напушти функцијата. Како што објави „Марка“ Лопетеги по вчерашниот пораз од Барселона бил свесен дека го очекува отказ и веќе се поздравил со играчите. Реал загуби на гостувањето кај лутиот ривал со убедливи 5:1. По 10 кола во шпанската Примера, Реал има само четири победи, две нерешени и дури четири загубени натпревари. 52-годишниот Лопетеги на вчерашниот состанок со играчите говорот го завршил со зборовите „Збогум, за секој случај”. Се шпекулира дека денес или во наредните неколку дена Антонио Конте ќе биде назначен за нов тренер на „Кралевите“. (МИА)

Конте подготвен да го преземе Реал, ако Лопетеги добие отказ

Ивона Петрова — Thu, 25 Oct 2018 05:58:08 +0000

Италијанскиот тренер Антонио Конте е подготвен да го преземе Реал Мадрид, доколку Хулен Лопетеги добие отказ. Конте пред неколку месеци го напушти Челзи, а неговото евентуално доаѓање во Реал ќе го чини мадридскиот клуб 10,8 милиони евра. Лопетеги имаше исклучително лош старт на сезоната и доколку Реал загуби на претстојното „Ел класико“ со Барселона многу веројатно го чека отказ. Шпанските медиуми наведуваат дека раководството на Реал контактирало и со поранешниот тренер Жозе Мурињо, кој сега го предводи англискиот премиерлигаш Манчестер Jунајтед.