хулигани – Kurir.mk

ХАОС ВО ПРАГА: Хулигани ги нападнаа навивачите на Вест Хем (ВИДЕО)

Ивана Ефремовски — Wed, 07 Jun 2023 17:15:26 +0000

Немили сцени ни доаѓаат од главниот град на Чешка, Прага. Вечерва на „Фортуна Арена“ ќе се одигра финалето од Конференциската лига помеѓу Вест Хем и Фиорентина, а навивачите на двата тима се судрија низ прашките улици, создавајќи голем хаос, пишува ГОЛ. Според информациите од локалните медиуми, досега приведени се петнаесет лица, а околу триесет лица побарале лекарска помош. Инцидентот започнал откако навивачи на Фиорентина кои биле облечени во црно и носеле „фантомки“ на главите, влетале во еден бар каде седеле фановите на „чеканите“ од Лондон.

Crazy clashes between Fiorentina Ultras and West Ham fans in Prague before the Conference League final. 😰 🎥 @RobHarris pic.twitter.com/CI2PXLXoRZ
— Football Tweet ⚽ (@Football__Tweet) June 7, 2023

Откриен идентитетот на хулиганите кои нападнаа родители од Србија на ДЕТСКИ ТУРНИР

Ивана Ефремовски — Sun, 15 Jan 2023 21:20:36 +0000

Десет лица се осомничени за напад на група родители од Белград. Тие се предадени на Обвинителството на Сараево. Уапсени се: Балтиќ Елдар, Тахировиќ Алдин, Демир Харис, Хоџиќ Енсар, Белмин Омерагиќ, Армин Хаџиќ, Елдар Бешиќ, Бенјамин Хасановиќ, Подруг Мерсид и Кукиќ Седин, пренесува Аваз. Претходно кривично се процесуирани во МУП на КС. Тие се товарат за кривично дело „насилно однесување“. Да потсетиме, во сараевската населба Илиџа, каде што се одржува регионалниот детски фудбалски турнир, имаше напад врз белграѓани во хотелот „Хилс“ каде што престојуваа. Група навивачи со фантомки упаднале во хотелот и веднаш нападнале маж кој го носел знамето на ФК Звездара, учесник на турнирот. Го испрскале со солзавец, додека бил во друштво со сопругата, а кога родителите на другите деца скокнале на негова заштита, хулиганите ги „извлекле“ надвор, каде биле „засилени“ од друга поголема група навивачи вооружени со ножеви и факели. Настанала тепачка, а еден член на експедицијата од Белград се здобил со убодни рани.

Белгиска министерка предлага построг закон против хулиганите на фудбалските стадиони

Катерина Бојаџиева — Mon, 14 Nov 2022 13:07:25 +0000

Министерката за внатрешни работи на Белгија Анелис Вандерлинден изрази волја да го заостри законот против хулиганизам на фудбалските стадиони, јави дописничката на МИА од Брисел. Министерката Вандерлинден денеска се сретна со директорите на белгиската професионална лига, по викендот полн со насилни инциденти на фудбалските стадиони во Белгија, пред сѐ во градот Шарлероа. Според министерката за внатрешни работи, потребно е да се зајакне борбата против хулиганизмот. Таа денеска поднесе и предлог закон со кој се предвидува поголема одговорност на фудбалските клубови, повисоки санкции и построги услови за пристап до стадионите. Министерката оценува дека е потребно поостро да се казнат клубовите кои не ги почитуваат постоечките правила против спортскиот хулиганизам, а забраната за влез на стадион да премине од пет на десет години во случај на санкции. Вандерлис повика сите партнери во коалициската влада и во Парламентот во Белгија да дадат поддршка за овој предлог.

КРВАВА ТЕПАЧКА НА ХУЛИГАНИ ВО МОСТАР: Еден навивач се бори за живот, повредени и полицајци (ВИДЕО)

Катерина Бојаџиева — Sun, 14 Nov 2021 13:21:36 +0000

Тројца навивачи се повредени, од кои еден е во животозагрозувачка состојба, а настрадаа и двајца полицајци во саботната пресметка во Мостар меѓу 200 хулигани, навивачи на градските фудбалски ривали Вележ и Зрињски. Инцидентите се случија во центарот на градот, кога двете навивачки групи започнаа меѓусебна пресметка со дрвени палки, шишиња и други тврди предмети. Еден од повредените навивачи е пренесен во локалната болница со повреди сериозни по неговиот живот, а при интервенција за смирување на состојбата полесно се повредени двајца полицајци.

#policija u #mostar puca tijekom sukoba dvije navijacke skupine #redarmy #ultras pic.twitter.com/LoHN8R8lpR
— Bljesak.info (@Bljesak) November 13, 2021

ВИДЕО: Очајот кај СДСМ расте – жена од Влае нападната од хулигани на Весковски бидејќи собирала летоци со црна кампања против Јакимовски

Магдалена Андонова — Fri, 29 Oct 2021 17:27:52 +0000

Активисти на СДСМ, не бираат средства и начин во пресметките со неистомислениците. Толку се очајни поради поразот кој им претстои во недела, што напаѓаат дури и жени. Хулигани на Душко Весковски нападнале жена која собирала летоци со црна кампања од пред нејзиниот двор кои правеле ѓубре. Летоците со недолична содржина која се однесувала на против кандидатот на Весковски, Стевчо Јакимовски, биле фрлени низ нејзината улица, пред нејзината куќа, а дел биле оставени на автомобилот на нејзиниот сопруг, како и по автомобилите на соседите. Таа почнала да ги собира кога се паркирале две возила. Од едното излегол крупен дечко кој вербално на ја нападнал и ја натерал веднаш да ги врати летоците на автомобилите. Жената го повикала сопругот кој веднаш излегол. Кога тргнале и двајцата да се враќаат дома, се запалиле светла од неколку возила кои ги чекале во уличката. Хулигани излегле од возилата, почнале да ги навредуваат, да ги пцујат и да фрлаат со предмети додека жената и сопругот се обидувале да си влезат во дворот. Им се заканиле да не излегуваат повеќе надвор и дека ќе ги чекаат цела ноќ доколку излезат. Од СДСМ за овој инцидент ја обвинија жената, нарекувајќи ја криминалец кој напаѓа политички активити.

Приведени хулигани и повредени полицајци, навивачите направија хаос во Марсеј (ВИДЕО)

Ивана Ефремовски — Sun, 31 Jan 2021 10:20:24 +0000

Билансот на саботните инциденти во тренинг кампот на францускиот прволигаш Олимпик Марсеј е 25 приведени навивачи и четворица повредени полицајци. Незадоволни од настапите на својот тим во францускиот шампионат, неколку стотина навивачи на Олимпик со пиротехнички средства и димни бомби го нападнаа тренинг кампот, неколку часови пред мечот против Рен, во рамки на 22 коло. Француските медиуми јавија дека навивачите запалиле дрвја пред влезот на тренинг кампот, по што група од околу 50 хулигани успеале насилно да влезат во објектот. Хулиганите уништиле дел од опремата во главната зграда на кампот, а го каменувале и автобусот на екипата. Раководството на француската лига, поради инцидентите, го одложи одигрувањето на мечот. Прволигашот од Марсеј во моментов е седмопласиран во француското првенство со 14 бодови помалку од лидерот Лион. е

ВИДЕО: Брутална тепачка на хулигани на Сити и Ливерпул во метрото во Лондон

Предраг Кукиќ — Mon, 05 Aug 2019 09:50:21 +0000

Немирите и инцидентите предизвикани од фудбалски навивачи не се никаква новина кога се работи за Англија. Хулиганите ја користат секоја прилика да покажат дека фудбалската игра никогаш нема да ги искорени овој проблем. Така беше вчера во Лондон, каде на „Вембли“ се соочија Ливерпул и Манчестер Сити. Најава на Комјунити Шилд натпреварот беше тепачката во локално метро меѓи приврзаници на двата клуба. ИЗВОР: ГОЛ.МК

Полските хулигани објавија како им е во притворот во Скопје! (ФОТО)

Ивана Ефремовски — Sat, 08 Jun 2019 10:09:14 +0000

Последните два дена, во пресрет на натпреварот од квалификациите за Европското првенство, Македонија ја пречека Полска. Навивачите на Полска уште еднаш докажаа зошто со озлогласени во низа инциденти, што со полицијата, што помеѓу себе. Дури 223 навивачи беа уапсени, а сега објавија слика како си поминаа во притворот. Извор: СПОРТ1

Хаос во Амстердам: Уапсени 120 навивачи на Јувентус (ВИДЕО)

Предраг Кукиќ — Wed, 10 Apr 2019 19:03:12 +0000

Пред мечот меѓу Ајакс и Јувентус кој вечерва се игра во Амстердам, се случија серија инциденти во кои се инволвирани навивачи и на двата тима. Информациите од Амстердам велат дека дури 120 навивачи на Јувентус се уапсени пред почетокот на мечот. Министерот за внатрешни работи на Италија, Матео Салвини ја потврди веста за уапсените навивачи. „Фудбалот е прекрасен, спортот е прекрасен, но само со чисти раце и чисто лице, без создавање на немири“, меѓудругото изјави министерот. Кај уапсените се пронајдени ножеви, палки, солзавци, нараквици за тепање... Уапсени има и навивачи на Ајакас кои на неколку места низ Амстердам се пресметувале со полицијата која употребила солзавец и водени топови.

#AjaxJuve Estintori della polizia contro i tifosi olandesi ➡ https://t.co/2V0i12hJKB #SkyUCL #SkySport #UCL #ChampionsLeague pic.twitter.com/H3QvcOUUJv
— Sky Sport (@SkySport) April 10, 2019

Le immagini degli scontri ad #Amsterdam prima della partita Ajax-#Juventus. Salvini: "Arrestati 120 tifosi bianconeri" ➡️ https://t.co/6ZcR0aVXiG pic.twitter.com/x8f46rpn8n
— Sky tg24 (@SkyTG24) April 10, 2019

Жестока пресметка на хулиганите на Милвол и Евертон (ВИДЕО)

Предраг Кукиќ — Sat, 26 Jan 2019 20:09:04 +0000

Навивачите на Милвол уште еднаш покажаа зошто важат за едни од најозлогласените во Англија, користејќи го секој дуел со некој премиерлигашки тим за да си ги одмерат силите со своите ривали. Исклучок не беше ниту денешниот дуел од ФА Купот против Евертон, пред чиј почеток дојде до инцидент непосредно по симнувањето на гостинските фанови од автобусот со кој дојдоа од Ливерпул. По дваесетина фанови на двата клуба влегоа во групна тепачка.

? Scenes before today’s game in London! Millwall 0 - 0 Everton ‘10#MILEVE #FACup ⚽️ pic.twitter.com/0IFYUdtJLE
— Mikey Thomas (@MikeyThomasMMA) January 26, 2019