хуманитарен базар – Kurir.mk

Новогодишен хуманитарен базар утре во Кисела Вода

Ивона Петрова — Fri, 16 Dec 2022 09:26:11 +0000

Општина Кисела Вода ги поканува сите свои жители заедно со своите дечиња и внучиња утре да бидат дел од Новогодишниот хуманитарен базар „Новогодишна приказна на децата од Кисела Вода“! Во сабота, 17.12.2022 година во Домот на култура „Билјана Беличанец“ од 11 до 15 часот! Предвидена е продажба на новогодишни украси и аранжмани изготвени од децата од јавните детски градинки, од основните училишта и од децата со попреченост, а собраните средства ќе бидат наменети во хумaнитарни цели. Настанот ќе биде збогатен со музичко-забавна програма и Новогодишна претстава во изведба на вработените од ЈДГ„8 Март”.

Хуманитарен базар во Зоолошката во Скопје

Дарко Андоновски — Mon, 04 Mar 2019 14:27:34 +0000

Хуманитарен Зоо базар ќе се одржи денеска во Зоолошката градина во Скопје поддржан од повеќе здруженија за заштита на животните, како и граѓански активисти. Да помогнеме на нашите бездомни крзнени пријатели!, е мотото на базарот, во чии рамки ќе бидат поставени кутии за донации, а на влезот штандови со сувенири, приврзоци, маички со животински принт. Сите собрани средства од штандовите, ќе бидат наменети за спасување на животот на многу животни. Целта е да се научат најмалите за љубовта кон животните, емпатијата и помагањето на послабиот, а сепак најискрен човеков пријател.

Хуманитарен базар во храмот „Св. Петка“

Дарко Андоновски — Wed, 04 Apr 2018 13:24:43 +0000

По повод Велигденските празници утре во црквата „Св. Петка“ во Скопје, ќе биде одржан хуманитарен базар во организација на Здружението на слепи лица Скопје и општина Кисела Вода. На настанот, што ќе почне во 10 часот, од страна на членовите на Здружението ќе бидат изложени изработени и декорирани велигденски погачи, пити, колачи, велигденски јајца и други рецепти, кои го симболизираат најголемиот христијански празник Велигден. Најдобрите изработки ќе добијат парични награди кои ги обезбеди општина Кисела Вода.