хуманитарен коридор – Kurir.mk

СЗО повика на хуманитарен коридор во Појасот Газа

Катерина Бојаџиева — Tue, 10 Oct 2023 16:48:22 +0000

Светската здравствена организација денеска повика да се воспостави хуманитарен коридор во и надвор од Појасот Газа, кој е ставен под целосна опсада од Израел. Израел го прекина снабдувањето со вода, храна, електрична енергија и други основни резерви додека бомбардираше цели во преполната палестинска енклава како одговор на ненадејниот напад на Хамас. СЗО соопшти дека нејзините резерви во Појасот Газа веќе се при крај, додека на пациентите во болниците на територијата очајно им требаат медицински потребштини. Здравствените установи мора да бидат чувани и заштитени, истакна здравствената агенција на ОН. „СЗО повикува на прекин на насилството... потребен е хуманитарен коридор за да се допре до луѓето со критични медицински материјали“, рече портпаролот на СЗО Тарик Јашаревиќ на брифинг со новинарите во Женева.

Русија и Украина се договорија за хуманитарен коридор за ранетите војници од Азовстал

Тале Кристо — Mon, 16 May 2022 13:48:01 +0000

Руската војска наложи прекин на огнот во областа на челичарницата Азовстал и отвори хуманитарен коридор, соопшти денеска руското Министерство за одбрана. Со претставниците на украинската страна е постигнат договор за евакуација на ранетите војници во здравствените установи. -На 16 мај, како резултат на преговорите со претставници на украинскиот воен персонал блокиран на територијата на металуршката фабрика Азовстал во Мариупол, беше постигнат договор за евакуација на повредените, се вели во соопштението на руското Министерство. Ранетите се префрлени во болница во Новоазовск на територијата на самопрогласената Доњецка Народна Република (ДНР).

Градоначалникот на Мариупол со апел: Отворен е хуманитарен коридор, евакуирајте се

Ивона Петрова — Wed, 20 Apr 2022 12:34:16 +0000

Градоначалникот на Мариупол Вадим Бојченко најави дека во 14 часот по локално време (13 часот по македонско) се отворени хуманитарните коридори меѓу Мариупол и Запорожје. Бојченко најави дека граѓаните ќе можат да се качуваат во автобуси на улицата Таганрогскаја, а треба да застанат до фабриката за челик Азовстал, последното упориште на бранителите на Мариупол. – Во овие долги и неописливо тешки денови преживеавте во нехумани услови, рече Бојченко и додаде: Бевте во информативен вакуум, без пристап до какви било информации. Вицепремиерката на Украина Ирина Верешчук утринава објави дека планот за евакуација вклучува хуманитарен коридор за деца, жени и стари лица од Мариупол.

Повторно ќе се воспостави коридор од Мариупол до Запорожје

Ивона Петрова — Fri, 01 Apr 2022 05:51:52 +0000

Руските сили соопштија дека денеска повторно ќе биде отворен коридор за евакуација на населението од опколениот град Мариупол до Запорожје. Според украинските власти, конвоите вчера се соочиле со повеќе проблеми, а исто така тврдат дека руските сили ја запленувале хуманитарната помош и ги блокирале автобусите. Руското Министерство за одбрана соопшти дека војската повторно ќе го отвори хуманитарниот коридор од јужниот град Мариупол до Запорожје на 1 април на барање на лидерите на Франција и на Германија. Коридорот ќе биде отворен од 10 часот по московско време, а руските војници ќе постават попатна станица во јужниот град Бердјанск. Според украинските власти во Мариупол уште околу 100.000 цивили останале заробени во градот.

Се отвора хуманитарен коридор во Луганск

Тале Кристо — Sat, 19 Mar 2022 09:29:36 +0000

Хуманитарен коридор за евакуација во украинската област Луганск ќе биде отворен утринава, изјави регионалниот гувернер Серхи Гајдеј на платформата Телеграм. – Договорен е хуманитарен коридор, ќе се обидеме денеска да ги евакуираме луѓето и да донесеме храна. Договорен е „режим на тишина“ за 19 март, со почеток во девет часот (осум часот по македонско време), истакна Гајдеј, објавија западните медиуми

Преку хуманитарниот коридор околу 2.000 возила успеале да излезат од Мариупол

Магдалена Андонова — Tue, 15 Mar 2022 13:49:32 +0000

Околу 2.000 возила денеска успеаја да излезат преку хуманитарниот коридор од украинскиот град Мариупол, кој е под опсада на руските сили и проруските сепаратисти, соопштија градските власти. – На излезот од градот чекаат уште две илјади возила, додаде градскиот совет на Мариупол, не прецизирајќи колку луѓе можеле да побегнат од тој град, каде условите за живот се ужасни по неколкудневните бомбардирања и опсада. Градските власти вчера изјавија дека околу 160 возила успеале да го напуштат градот преку хуманитарниот коридор. Претходно, неколку обиди за евакуација на цивили преку хуманитарни коридори беа неуспешни, а градот под опсада е во се потешка ситуација. Стотици илјади луѓе во градот остануваат блокирани без греење, храна, чиста вода. (МИА)

Украина очекува „хуманитарниот коридор“ од Мариупол да биде отворен денеска

Катерина Бојаџиева — Fri, 11 Mar 2022 07:57:19 +0000

Украина се надева дека денеска ќе биде успешно отворен „хуманитарен коридор“ за цивилите да го напуштат опколениот јужен пристаништен град Мариупол, изјави вицепремиерката Ирина Верешчук. Напорите да се обезбеди безбеден премин за блокираните жители на Мариупол да си заминат во текот на оваа недела беа неуспешни.

Од Суми евакуирани речиси 3.500 луѓе, 27 цивили загинале во Харков

Ивона Петрова — Wed, 09 Mar 2022 06:14:42 +0000

Речиси 3.500 цивили се евакуирани вчера од северниот украински град Суми за време на прекинот на огнот, а 27 цивили се убиени во Харков, соопштија локалните власти. Речиси 1.700 од 3.500 евакуирани се странски студенти кои студираат на универзитетите во Суми, соопшти регионалниот гувернер Дмитро Живицки, додавајќи дека прекинот на огнот еднаш бил прекршен со пукање кај контролен пункт. Најмалку 27 цивили се убиени во руските напади врз источниот украински град Харков во минататите 24 часа, соопшти денеска полицискиот функционер Серхи Болвинов. Вкупно 170 луѓе се убиени во регионот Харков од почетокот на руската инвазија на 24 февруари, меѓу кои и пет деца, информира Болвинов на интернет. Украинските сили вчера ги одбија обидите на руските сили да влезат во Харков и спречија планирана акција на 120 руски падобранци во близина на границата, изјави регионалниот гувернер Олех Синехубов. Падобранците се спуштиле во близина на украинскиот пограничен град Вовчанск, на околу 50 километри североисточно од Харков, но биле поразени од украинските сили, рече тој. Што се однесува до Мариупол, американски извори велат дека тој е опколен од руски сили, но оти тие наводно не влегле во градот. Украинските власти соопштија дека уште еднаш не успеале да евакуираат цивили од Мариупол. Вицепремиерката Ирина Верешук ја опиша ситуацијата во опколениот град како „катастрофална“. Хуманитарните коридори од Мариупол кои би воделе кон Русија или Белорусија се неприфатливи, нагласи таа.

СЗО повика на итно отворање хуманитарен коридор во Киев

Тале Кристо — Wed, 02 Mar 2022 16:25:06 +0000

Генералниот директор на Светската здравствена организација Тедрос Аданом Гебрејесус повика на итно отворање на хуманитарен коридор во Киев за да им се пружи помош на жителите кои останаа во главниот град на Украина. „Постои итна потреба за воспоставување коридор за да се обезбеди сигурен и континуиран пристап за хуманитарните работници и испорака на залихи за луѓето кои имаат потреба“, рече Гебрејесус на брифинг во Женева. Директорот на програмата за итни случаи на СЗО, Мајкл Рајан рече дека е „потребен хуманитарен пристап, периоди на примирје за да може да ги преместат пациентите и да транспортираат медицински материјали“.