хуманитарен натпревар – Kurir.mk

Натпревар со хуманитарен карактер: Македонската ракометна А-селекцијата поуспешна од ветераните

Катерина Бојаџиева — Tue, 03 Jan 2023 20:20:01 +0000

Актуелните македонски ракометни репрезентативци и ветераните вечерва во СЦ „Борис Трајковски“ одиграа ревијалниот натпревар со хуманитарен карактер. Сите приходи од билетите за овој ракометно-музички спектакл „Сите ѕвезди“ ќе бидат донирани за СОС Детско село. Победија актуелните репрезентативци со 25:21. Пред полните трибини (околу 6.000 гледачи) продефилираа поранешните репрезентативци Кирил Лазаров, Филип Миркуловски, Стојанче Стоилов, Наумче Мојсовски, Борко Ристовски и другите великани кои го носеа „црвено-жолтиот“ дрес изминатата деценија. Дваесет и двајцата поранешни репрезентативци од РФМ добија врамен дрес. За најкорисен играч на натпреварот (МВП) е прогласен Ванчо Димовски. Организаторот на настанот, Ракометната федерација на Македонија, уште еднаш ја покажа својата хуманитарна димензија со поддршката на најранливите, децата и младите без родителска грижа. Настанот беше збогатен со музичките ѕвезди, Александар Митевски, Драган Спасов Дац, Кики Мукаетов, Меморија, Некст Тајм, а шоуто го водеше Сашко Коцев. Македонската репрезентација утре заминува за Пореч да ги продолжи подготовките за претстојниот Мундијал во Полска и Шведска.

МЕЧ НА ДЕЦЕНИЈАТА: Ракометните ветерани ќе си ги одмерат силите на хуманитарен натпревар – бидете и вие дел од настанот

Ивана Ефремовски — Wed, 28 Dec 2022 12:17:37 +0000

Ракометната Федерација на Македонија го најави мечот на деценијата, во чии рамки спортските сили ќе ги одмерат ракометните ветерани и актуелните репрезентативци на ревијален, пријателски натпревар, кој ќе се одигра на 3-ти јануари 2023 година со почеток во 19 часот, во спортскиот центар „Борис Трајковски“ и истиот ќе биде од хуманитарен карактер. Овој несекојдневен спортски спектакл, има за цел да им оддаде почит на сите ракометари и ракометни работници кои оставиле свој личен придонес во колективниот учинок на ракометот како најпопуларен македонски спорт. Актуелниот национален состав за претстојното Светско првенство во ракомет, кое ќе се одвива од 11 до 29 јануари 2023 во Полска/Шведска – ќе биде противничкиот табор на ветераните. Покрај квалитетен ракомет, за време на настанот се предвидува и квалитетна забавна програма модерирана од Сашко Коцев, во која учество потврдија македонските уметници: Дац и Александар, Кики, Некст тајм и Меморија. Билетите, во ограничен број, се во продажба од 19-ти декември 2022 година преку мрежата на МК Тикетс по цена од 250 и 300 денари. Приходите од продажбата на билетите, ќе бидат донирани на „СОС Детско село“ од Скопје. Билетите може да се набават онлајн на следниов линк, како и на продажните места на МК Тикетс на листата подолу:

Хуманитарен Ракометен Музички Настан – MKTickets : MKTickets

На 6-ти мај хуманитарен натпревар во ракомет: Сите заедно да и овозможиме на Мила шанса за среќно и безгрижно детство

Матеја Петровски — Sat, 28 Apr 2018 13:30:53 +0000

Наредната недела на 06.05.2018 година во 15:30 часот во спортската сала Форца ќе се одржи хуманитарен натпревар за малата мила која боледува од тешка болест на мозокот. Влезот во салата ќе биде бесплатен, а на влезот ќе има кутија за донации. Собраните парични средства ќе бидат префрлени на сметката на Мила која мора исто на операција во Кина. Сите се поканети да дојдат во недела и уште еднаш да ја покажат својата хуманост и да и овозможиме на Мила шанса за среќно и безгрижно детство. ТЕЛЕФОНИ ЗА ДОНАЦИИ VIP 143 461 TELEKOM 070 143 153 ДОНАЦИСКА СМЕТКА МИЛА ДИМОСКА 530500021204351 OHRIDSKA BANKA ЗА ДОНАЦИИ ОД СТРАНСТВО MILA DIMOSKA str.Bogomilska 53, 6000 Ohrid, Macedonia OHRIDSKA BANKA A.D. Skopje IBAN CODE: MK07530280005506949 SWIFT: OHRIDMK22 Доколку не сте во можност да донирате – споделете, можеби вашите пријатели ќе можат да донираат.