хуманитарна акција – Kurir.mk

Хуманитарна акција “ЗАЕДНО ПРОТИВ ГЛАДОТ”

Тале Кристо — Sun, 15 Oct 2023 10:08:44 +0000

16 октомври е Светскиот ден посветен на гладот. Ден посветен на гладните, на оние семејства кои едвај имаат еден оброк во денот, ден на гладните деца и семејства кои легнуваат и стануваат гладни зошто немаат што да јадат. Сведоци сме на секојневното покачување на храната, струјата, на основните средства за живот и на зголемената сиромаштија која секој ден е се поголема и поголема. По повод Светскиот ден на гладот, Хуманитарна организација “Свети Спас” на 16 октомври (ПОНЕДЕЛНИК) започнува акција за собирање храна и хигиенски средства наречена "ЗАЕДНО ПРОТИВ ГЛАДОТ!!!", а со цел да собереме храна и хигиенски средства кои ќе ги поделиме на оние на кои тие им се најпотребни. На 16 октомври низ Скопје ќе имаме поставено 11 (единаесет) собирни пунктови и тоа: - СУПЕРТИНЕКС - ПРВОМАЈСКА од 12.00 часот до 20.00 часот - ВЕРО ЏАМБО од 12.00 часот до 20.00 часот - ВЕРО - НАС. АЕРОДРОМ од 12.00 часот до 20.00 часот - ЗУР МАРКЕТ - НАС. ДРАЧЕВО (стара последна 41) од 08.30 часот до 20.00 часот - СТОКОМАК - НАС. ДРАЧЕВО од 14.00 часот до 20.00 часот - СТОКОМАК - НАС. АВТОКОМАНДА - ВЕРО -: НАС. ТАФТАЛИЏЕ - ЗУР МАРКЕТ - ЃОРЧЕ ПЕТРОВ (СП Планет) од 12.00 часот до 20.00 часот - ДИМ МАРКЕТ - С. СТАЈКОВЦИ од 12.00 часот до 20.00 часот - СТОКОМАК - НАС. ИЛИНДЕН од 12.00 часот до 20.00 часот - СТОКОМАК - НАС. БУТЕЛ од 12.00 часот до 20.00 часот - Магацинот на организацијата од 10.00 часот до 20.00 часот Понеделник ден кој за некој е работен, за некој неработен. Ден кој можеме да го искористиме и да го испoлниме со хуманост. Велат како ќе ти тргне понеделник така ќе ти биде цела недела 🙂 овој пат овој понеделник нека ви биде хуман понеделник исполнет со хуманост. Искористете ја паузата за да донирате, донирајте откако ќе завршите со работа, донирајте со семејството заедно, донирајте и поминслете на оние кои немаат и кои чекаат на вашата помош и подршка. Ве покануваме индивидуалци и фирми, да земете учество и ЗАЕДНО ПРОТИВ ГЛАДОТ да купиме храна и донираме на некој од нашите 11 пунктови со цел да помогнеме во искоренувањето на гладот во Македонија. Да станеме учесници во борбата која секојдневно станува се понерамномерна и да помогнеме без да размислуваме. Да ги поканиме и нашите роднини, пријатели, работодавци...и да земете активно учество во оваа акција а со тоа ќе помогнете на многу семејства кои нажалост секој ден бројката е голема и се поголема. Ве очекуваме во понеделник (16.10.2023 година) на нашите пунктови од 12.00 часот до 20.00 часот!!! Бог да ве благослови и награди за вашето човекољубие!!! Хуманитарна организација “Свети Спас” Контакт телефон 078/383-743 (отец Оливер)

ЉУПЧЕ ТРЕБА ДА ЗАМИНЕ НА ОПЕРАЦИЈА ВО ТУРЦИЈА: Потребна му е наша помош за „да има нормално детство“

Дарко Андоновски — Mon, 14 Aug 2023 09:31:56 +0000

На малиот Љупче му е потребна помошта од македонскиот народ. На Фејсбук се споделува апел за помош на четиригодишното момченце кое е родено со искривување на рбетот, пропратено со други деформации. Љупче не може да ја добие потребната помош во Македонија, и треба да замине на оперција во Турција, но за истото да се случи на неговото семејство им се потребни многу пари, кои за жал ги немаат. - Ова е Љупче, има 4 години и е роден со кифосколиоза ( искривување на 'рбетот за околу 45°) пропратено со други коскени малформации. За жал искривувањето се влошува секојдневно,и за да се запре потребни се неколку хируршки интервенции. Истите не можат да се изведат во Македонија,па затоа мора да се оперира во Турција. Финансиски не сме во можност да ја собереме потребната сума, и како што е вообичаено и пракса во Македонија, за жал, истите сме приморани да ги собираме на овој начин т.е. преку донации - стои во објавата на „Фејсбук, која веќе голем број граѓани ја пренесуваат, а воедно и ја поддржаа со донација. Понатаму во објавата пишуа „Ве замолувам, кој е во можност да помогне и на некој начин да придонесе да може Љупче да расте и да има детство како и сите други дечиња. Број на трансакциска сметка 240137118551584 Љупче Горгиев Уни Банка IBAN : MK07240137118551584 SWIFT/BIC : UIBMMK22XXX Броеви за донација Телеком 143141 А1 143 482 Наскоро ќе има и линк од GoFundMe Објавата може да ја видите и самите:

Паркирај и донирај, хуманитарна акција на ЈП „Стипион“ Штип

Тале Кристо — Sat, 01 Jul 2023 17:10:11 +0000

Со паркирање во хуманитарна зона на некои од паркинзите на ЈП „Стипион“ во Штип, граѓаните од денеска ќе донираат дел од средствата во Солидарниот фонд, кои потоа ќе се користи за помош на ранливи категории и итни случаи. Хуманитарната зона, како што информираат од ЈП „Стипион“ Штип ќе биде застапена со вкупно 131 позиција, на неколку локации во градот. Директор на ЈП „Стипион“' Штип, Панче Стефановски, на стартот на акцијата „Поплочи го патот до солидарноста - паркирај и донирај!“ појасни дека секоја локација од хуманитарната зона ќе биде соодветно означена со информативна табла, а новина ќе биде можноста за наплата преку банкарска сметка со скенирање на QR code позициониран на таблата. - Со цел да покажеме како многу пати до сега, дека Штип е град на солидарноста, град на хуманоста и да ја подигнеме свеста на граѓаните за користење на овие паркинг позиции, како и да ја актуелизираме потребата од солидарниот фонд, овие средства ќе се користат за помош на наши сограѓани од ранливите категории, како и за итни случаи на кои им е потребна ургентна финансиска помош, изјави Стефановски. Паркингот на овие позиции ќе чини 30 денари за првиот и за секој следен час, а месечните и годишните билети за паркирање нема да важат.

„КИКО НЕ Е ДОБАР“: ДА ДОНИРАМЕ, ИТНО МУ Е ПОТРЕБНА ПОМОШ

Ристе Здравков — Sun, 18 Jun 2023 08:34:00 +0000

Малиот Кристијан има ретка дијагноза Атаксија-телеангиектазија. За неговото лекување се потреби финансиски средства со кои тој би отпатувал за Турција на лекување. Јутјуберот Стефан Лазаров кој му пружи голема поддршка на детето, информира дека Кико е е добар и дека помошта е итно потребна. Teлефонските броеви за донација се А1: 143 471 Телеком: 143 130 ТРАНСАКЦИСКА СМЕТКА: 200004087594930 СТОПАНСКА БАНКА АД Скопје, Катерина Коцева. Отворена е и сметка na gofundme

Брзо телефони во рака и заеднички да му помогнеме на Кико да се излекува и да му се насмевне на животот!

Ристе Здравков — Sat, 17 Jun 2023 07:50:51 +0000

Малиот Кристијан има ретка дијагноза Атаксија-телеангиектазија. За неговото лекување се потреби финансиски средства со кои тој би отпатувал за Турција на лекување. Teлефонските броеви за донација се А1: 143 471, Телеком: 143 130 ТРАНСАКЦИСКА СМЕТКА: 200004087594930 СТОПАНСКА БАНКА АД Скопје, Катерина Коцева. Отворена е и сметка na gofundme

Хуманитарна акција – „Подај рака-хумана општина Илинден”

Тале Кристо — Thu, 30 Mar 2023 11:55:51 +0000

Во пресрет на големиот христијански празник Велигден, Општина Илинден и оваа година ја организира голема хуманитарна акција - „Подај рака-хумана општина Илинден”, за донација на храна и хигиенски средства. Целта на оваа голема хуманитарна акција е да им се помогне на ранливите категории на граѓани од општина Илинден, велигденските празници да ги прослават достојно како и останатите граѓани. Христовото воскресение е празнување на вечниот живот и вечната радост, па за овој празник да внесеме надеж во домовите на луѓето на кои единствено надежта и вербата им останале. Општина Илинден ги поканува сите општествено одговорни компании да земат учество во хуманитарната акција со цел сите заедно да придонесеме за подигнување на свеста за потребната меѓусебна поддршка и помош на ранливите групи. Сите заентересирани општествено одговорни компании кои сакаат да се приклучат во акцијата, можат да се обратат директно во Општина Илинден или на телефонскиот број: 02/2571-703 или 02/2571-704. #Подај рака-хумана општина Илинден#

ОК на ВМРО-ДПМНЕ во Ѓорче Петров спроведе хуманитарна акција, која ја прави втора деценија, на акцијата годинава се приклучи и сопругата на Мицкоски

Ивана Ефремовски — Sun, 15 Jan 2023 15:34:19 +0000

Општинскиот комитет на ВМРО-ДПМНЕ во Ѓорче Петров деновиве во хуманитарна акција, која ја прави веќе втора деценија, спроведена од членовите на Комитетот собираше намирници за исхрана. На акцијата оваа година и се приклучи и Рози Мицкоска, сопруга на претседателот на партијата Христијан Мицкоски, која даде несебичен придонес за акцијата да биде успешна. Собраните намирници, ОК на ВМРО-ДПМНЕ од Ѓорче Петров ги однесе во црквата Св. Петар и Павле, од каде истите ќе бидат предадени на хуманитарната организација Св. Спас, која секојдневно носи топол оброк во црквата за бездомници. Оваа година акцијата ја одбележа масовност и големи донации. „Кога власта ги занемарува лицата на кои им треба помош, ВМРО-ДПМНЕ прави се што е во негова можност да им помогне на тие лица. Човечноста мора да биде основна одлика на секој поединец, и тоа е еден од принципите на кој се потпира секој член на партијата. ВМРО-ДПМНЕ како партија која ќе ја предводи идната влада ќе работи напорно, за ваквите акции да бидат се помалку потребни, преку развој на државата и создавање подобра иднина за сите„ - велат од партијата.

Хуманитарна акција на УМС на ВМРО-ДПМНЕ низ цела Македонија

Тале Кристо — Sun, 25 Dec 2022 14:07:59 +0000

Под мотото ,,Биди Хуман - предизвикај насмевка”, денеска во центарот на Скопје и на пунктови во населени места низ Македонија, како Унија на млади сили собираме донации на средства за помош на поединци и семејства на кои тоа им е најпотребно. Веруваме дека сите ние имаме значајна улога во подобрување на секојдневниот живот и како млади луѓе оваа нова година целиме кон тоа да предизвикаме насмевка на лицата на нашите сограѓани кои имаат потреба од помош. Со здружен труд, можеме заеднички да оттргнеме барем дел од грижите на многумина околу нас. Да покажеме доблест и солидарност во овие несигурни времиња и на најмладите да им помогнеме да имаат безгрижни празнични денови и да предизвикаме насмевки на нивните лица.

MOZZART донира материјални добра во ПОУ „Иднина“

Super Admin — Wed, 02 Nov 2022 15:24:03 +0000

Компанијата Mozzart продолжува со хуманитарните акции ширум државата. Како општествено одговорна компанија, најголемиот приредувач на игри за среќа на Балканот донира материјални добра (училишен прибор и наставни помагала) во Посебното основно училиште „Иднина“ – Скопје. Со цел учесниците кои се дел од оваа установа да имаат подобри услови за едукација, Mozzart реши да реализира нова донација на материјали кои ќе бидат од помош за учењето и развојот на децата кои се дел од ова училиште. Ова е втора помош за ПОУ „Иднина“ од компанијата Mozzart во краток временски период, по онаа пред крајот на 2020 година кога беа донирани преносни компјутери. Од училиштето се заблагодарија на Mozzart за реализираната донација и истакнаа колку се важни овие општествено одговорни активности на компанијата.

„Одговорноста на децата е на целата заедница. Патот на нивниот напредок и успех е и ќе биде поддржан од сите нас, затоа што сите деца имаат еднакви права и на сите треба да има се даде неопходната поддршка. Сите ние сме благодарни и горди на хуманото дело на компанијата Mozzart за поддршката за непречено реализирање на воспитно - образовниот процес и поддршка на инклузивното образование преку опрема на кабинетите за специјализирани услуги. Ова што го направивте за нас како општествено одговорна компанија е од големо значење за нашето училиште, а посебно за нашите ученици. Ви се заблагодарувам пред се во името на учениците, вработените и родителите. Сите компании во Македонија треба да го следат Вашиот пример“ – изјави директорката на училиштето, Лорета Андреевска.

Од Mozzart им посакаа на дечињата успех во учењето и најавија дека секогаш ќе помогнат и ќе подадат рака на местата каде што тоа е најмногу потребно.

„Се надеваме дека со оваа донација ќе придонесеме кон подобрување на активноста на учениците кои посетуваат настава во училиштето ПОУ Иднина. Како општествено одговорна компанија континуирано реализираме бројни хуманитарни кампањи во сите сфери и области, а со исто темпо продолжуваме и во следниот период. Нашата компанија Mozzart секогаш ќе помогне онаму каде што е најпотребно“ – изјавија од менаџментот на компанијата Mozzart.

Компанијата Mozzart е препознатлива по општествено одговорните акции. Во годините зад нас, несебично се донираа финансиски средства, пакети со храна, телевизори, лаптопи, инвентар, како и други материјални добра наменети за различни установи со кои обезбедуваат помош на најзагрозените категории на граѓани во сите области од општеството. Истовремено, Mozzart како одговорна компанија и поддржувач на домашниот спорт застана зад повеќе локални спортски турнири, секој месец се делат дресови преку кампањата „Нови дресови за нови шампиони“ кои ги добија преку 100 клубови, а исто така е поддржувач и на бројни спортски колективи.

Хуманитарна акција за помош на бегалците од Украина кои престојуваат во Македонија

Тале Кристо — Sun, 29 May 2022 11:20:18 +0000

Заменик-народниот правобранител Јован Андоновски заедно со Амбасадата на Украина во Северна Македонија и Здружението на Украинци во претходните денови организираше хуманитарна акција за помош на бегалците од Украина кои престојуваат во Македонија. На прес-конференција денеска Андоновски рече дека целта на спроведувањето на оваа акција е да се помогне на лица кои се во неволја и се дојдени само со една торба лични работи што, како што рече, едвај успеале да ги соберат во бранот на воените дејствија што Русија ги спроведува врз Украина. Во период од 25 до 27 мај сите граѓани кои сакаа да помогнат, имаа можност во „МОШ Бар“ да остават храна, облека, средства за хигиена, лекови, парични средства, а на 27 мај беше организирана забава на која се собираа симболични 100 денари за да им се помогне на луѓето од Украина. – Тоа што го добивме како информација од Амбасадата на Украина и Здружението на Украинци во Македонија е дека тие лица се соочуваат со низа проблеми, како што се сместувањата, понатаму недоволните средства со кои располагаат и затоа бевме поттикнати да ја организираме оваа акција преку која се пристапи на оние средства што им беа најпотребни, пред сè храна, облека, витамини, средства за хигиена, како и парични средства што беа собрани на 27 мај на специјалната забава што беше организирана овде во овој локал, изјави Андоновски. Тој вели дека проблемите се далеку посериозни бидејќи бегалците од Украина имаат проблеми со моменталниот статус во државата, односно немаат можност да пристапат до пазарот на трудот, а со тоа не можат да остварат сопствени извори на приход. Роман Буга, заменик-амбасадор на Украина, се заблагодари за помошта и поддршката и се надева дека ќе продолжат ваквите хуманитарни активности. – Многу сме среќни што луѓето од вашата земја даваат силна поддршка на нашата земја, на нашите Украинци, во ова тешко време во кое веќе четврти месец во Украина владее страшна војна. Многу луѓе ги напуштија своите домови, својата земја, за сите нив е потребна голема поддршка како материјална така и морална. Сите видови на поддршка се добредојдени затоа сме ви благодарни на сите вам. Велите дека сте мала земја, но ние секојпат одговараме дека имате големи срца и токму оваа ситуација покажува дека вистинските пријатели се гледаат во тешки времиња и јас се надевам дека оваа акција како дел од целосната поддршка на Украинците сместени во Северна Македонија ќе биде продолжена, рече Буга. Олександар Урбановиќ од Здружението на Украинците во Северна Македонија информираше дека заедно со Амбасадата на Украина во Северна Македонија успеале да испратат 14 камиони хуманитарна помош, и апелираше дека сè уште е потребна помош, а сите кои сакат да помогнат тоа можат да го направат во магацинот на „Горска“ во Ѓорче Петров. – Уште на самиот почеток на војната во Украина почувствуваме голема поддршка од Македонија и со таа поддршка заедно со Амбасадата успеавме во Украина да испратиме 14 камиони хуманитарна помош. Со овој настан ќе помогнеме на одреден дел од луѓето што се тука во Македонија, можеби нешто ќе се прати и за Украина и со тоа ние ќе имаме можност да им помагаме на оние кои секојдневно се под стрес од оваа војна. Помошта во првата прилика ќе биде или испратена во Украина или споделена тука меѓу Украинците на кои им е потребна, порача Урбановиќ. Во моментов, во Македонија пријавени се околу 300 бегалци од Украина кои имаат службени потврди, сместени кај роднини или пријатели. Меѓу нив има мали деца, но и повозрасни лица на кои им е потребна социјална и здравствена помош. Заменик-народниот правобранител информираше дека има и лица кои воопшто се немаат регистрирано и престојуваат на основа на туристички престој во државата и според некои неофицијални информации вкупно има околу 1000 Украинци. Организаторите апелираа до државните органи што поскоро да се реши статусот на бегалците од Украина, со цел да имаат пристап до пазарот на трудот, здравствена заштита, образование. Ова прашање, вели Андоновски, не мора да се реши со билатерален договор помеѓу двете држави, може да се реши и со одлука на извршната власт.