хуманитарни цели – Kurir.mk

Сума од која боли глава: Мајк Тајсон заработените пари од мечот против Рој Џонс ќе ги донира во хуманитарни цели

Тале Кристо — Tue, 01 Dec 2020 22:05:39 +0000

Дуелот на великаните помеѓу Мајк Тајсон и Рој Џонс Јуниор, кој се одржа во Лос Анџелес, заврши нерешено. Тајсон беше подоминантен во рингот, како што покажа статистиката, но судиите одлучија борбата да заврши без победник. Мајк Тајсон од оваа борба заработи речиси 10 милиони долари за учество во ревијалниот бокс меч, а неговиот ривал, Џонс Јуниор, доби три пати помалку пари. Она што е интересно е што Тајсон вети дека сите пари што ги заработи од овој меч ќе ги донира во хуманитарни цели. -Задоволен сум од овој исход. Среќен сум што се борев и сигурно ќе се повтори, рече Тајсон

Николас Кејџ добил 20.000 долари на коцка и ги дал во хуманитарни цели

Ивона Петрова — Wed, 21 Oct 2020 08:34:12 +0000

Во заеднички интернет-разговор за порталот „Интервју“, Николас Кејџ му се пофали на металецот Мерилин Менсон, оти во една прилика, со 200 негови долари добил 20.000 долари на коцка и сите ги подарил во хуманитарни цели. – Последниот пат кога се коцкав беше пред околу 30 години… Бев на Бахамите, па влегов во едно казино и се чувствував како да „ја имам силата во мене“ – како ништо да не може да тргне наопаку… Мојата игра беше рулетот. Влегов со 200 долари и не утнав бројка. Дури и дамата што го врти тркалото рече: „Ништо послатко од повторувач“. За 20 минути претворив 200 долари во 20.000 долари, па излегов и најдов сиропиталиште на Бахамите, ги запознав сите деца и директорката и им реков: „Ова е за вас…“ Ѝ ги ставив 20-те „илјадарки“ во нејзината рака (на директорката), си отидов и никогаш повеќе не се коцкав, бидејќи ако продолжев, тоа ќе ја уништеше моќта на токму тој миг!, раскажува глумецот. Николас Кејџ – генијалец во коцкање и добротвор – дали тоа е точно? Никој не знае со сигурност, но како што гласи еден од коментарите на гледачите потоа – „доволно е откачено“ за да биде вистина. Оваа година, обожавателите ќе можат да го погледнат Кејџ во акциониот филм „Џиу џицу“, чиешто прво прикажување е најавено за следниот месец.

Мајкл нема да види ни цент од богатството на Кирк Даглас, познато каде ќе завршат милионите

Ивона Петрова — Mon, 24 Feb 2020 08:19:15 +0000

Актерот Кирк Даглас почина на почетокот на месецов, а по повеќедецениската филмска кариера, неговото богатство се проценува на 60 милиони евра. Ни цент од овој износ тој им нема оставено на синовите, меѓу кои најпознат е актерот Мајкл Даглас. Сите парични средства кои ги имал Кирк ги оставил за хуманитарни цели. Преку својата фондација тој средствата ги поделил на универзитети, детски болници и театарот кој го носи неговото име. Познатиот актер, последната ѕвезда од златната ера на Холивуд, почина на 5 февруари, речиси 2 месеци откако го прослави својот 103 роденден.

Меган Маркл покрена моднa линијa вo хуманитарни цели

Ивона Петрова — Thu, 01 Aug 2019 07:12:12 +0000

Војвотката од Сасекс, Меган Маркл покрена своја модна линија заради подршка на хуманитарната организација Смарт воркс, којашто им помага на невработените жени кои бараат работа. Маркл, за таа цел, отпочна соработка со дизајнерката и нејзина пријателка Миша Нона и британските компании „Маркс енд Спенсер“, „Џон Луис енд партнерс“ и „Џигсо“. Се работи за колекција работна облека. Како што пишува септемвриското издание на британски „Вог“, војвотката од Сасекс навестува дека таа колекција ќе се продава по принцип „еден за еден модел”, односно за секое купено парче, друго ќе биде донирано во хуманитарни цели. Смарт воркс, како организација обезбедува опрема, облека и обука за разговори за работа на жени кои бараат вработување. Досега, на овој начин помогнато им е на над 11.000 Британки.