хуманитарни коридори – Kurir.mk

Папата апелираше за хуманитарни коридори за евакуација на цивилите од Мариупол

Ивона Петрова — Sun, 01 May 2022 13:28:37 +0000

Папата Франциско денеска го повтори повикот за воспоставување хуманитарни коридори за евакуација на цивилите од украинскиот град Мариупол, кој, како што рече, беше „варварски бомбардиран и уништен“. „Моите мисли се со украинскиот град Мариупол, градот што е варварски бомбардиран и уништен. Го повторувам повикот да се отворат обезбедени хуманитарни коридори“, нагласи папата за време на неделната молитва во Ватикан. Од Мариупол, кој беше речиси целосно уништен по неколкунеделна опсада, првата група цивили вчера излезе од челичарницата Азовстал, последното упориште на украинскиот отпор во тој град. Според украинскиот баталјон Азов, евакуирани се дваесетина цивили, што е прва успешна евакуација по неуспешните претходни обиди. Од друга страна, руското Министерство за одбрана денеска соопшти дека две групи цивили од 25 и 21 лице успеале да го напуштат Азовстал, каде стотици украински војници и цивили биле засолнети во подземните премини кон Киев. Зборувајќи за војната во Украина, Папата ја осуди „мрачната регресија на човештвото“.

Денеска нема хуманитарни коридори за евакуација на цивили во Украина

Магдалена Андонова — Fri, 22 Apr 2022 08:56:24 +0000

Украинските власти соопштија дека денеска повторно нема да има евакуација на цивили во земјата, бидејќи ситуацијата околу хуманитарните коридори е „премногу опасна“. – Поради опасноста на рутите, денеска нема да има хуманитарни коридори, напиша на социјалните мрежи украинската вицепремиерка Ирина Верешчук. Таа апелираше до сите што чекаат евакуација да бидат трпеливи. (МИА)

Отворен хуманитарен коридор преку кој украинските борци кои го положиле оружјето може да го напуштат Мариупол

Магдалена Андонова — Tue, 19 Apr 2022 14:00:16 +0000

Министерството за одбрана на Руската Федерација соопшти дека руската армија го прекинала огнот и отворила хуманитарен коридор преку кој украинските борци кои доброволно го положиле оружјето може да ја напуштат фабриката Азовстал во Мариупол. - За таа цел, во 14 часот беше воведен „режим на целосен молк“, прекинати сите акции на руските вооружени сили и формацијата на самопрогласената Доњецка Народна Република по целиот периметар на Азовстал, а единиците беа повлечени на безбедно растојание, рече генерал полковник Михаил Мизинцев, началник на Центарот за контрола на националната одбрана. Руската армија соопшти дека ќе ги гарантира животите на сите украински војници кои ќе го положат оружјето и ќе го напуштат Мариупол по хуманитарните коридори и вети дека ќе ги почитува Женевските конвенции за постапување со воените заробеници. (МИА)

Верешчук: Втор ден по ред нема хуманитарни коридори за украинските цивили

Тале Кристо — Mon, 18 Apr 2022 13:04:41 +0000

Втор ден по ред нема да има евакуација на украинските цивили од областите погодени од војна, бидејќи украинските и руските власти не успеаја да се договорат за хуманитарни коридори, изјави украинската вицепремиерка Ирина Верешчук, а јави Би-би-си. „Поради безбедносни причини беше одлучено денеска да не се отвораат хуманитарни коридори“, напиша Верешчук на апликацијата Телеграм. Таа ги обвини руските сили за блокирање и гранатирање на патиштата за бегство. „Со кршење на меѓународното хуманитарно право, руските окупатори не престанаа да ги блокираат и гранатираат хуманитарните рути“, додаде таа.

Верешчук: Девет хуманитарни коридори договорени за денеска

Катерина Бојаџиева — Thu, 14 Apr 2022 08:20:51 +0000

Украинската вицепремиерка Ирина Верешчук на Телеграм објави дека за денеска се договорени девет хуманитарни коридори за евакуација на цивили од украински области што се под руски напади. Верешчук потсети дека вчера немаше активни коридори, делумно и поради тоа што, како што пишува таа, „окупаторите не можат да ги контролират своите луѓе на теренот“.

Денеска нема хуманитарни коридори, Русите ги блокираат автобусите за цивилите

Ивона Петрова — Wed, 13 Apr 2022 07:30:16 +0000

Украинската вицепремиерка Ирина Верешчук изјави дека денеска нема да биде можно да се отворат хуманитарните коридори за евакуација на цивилите од опколените градови. Верешук кажа дека се работи на повторно воспоставување на коридорите. Во порака на Телеграм, таа ги обвини руските сили за прекршување на примирјето и блокирање на автобусите што ги евакуираат цивилите. Градоначалникот на Мариупол, опколен и опустошен град во јужна Украина, неодамна изјави дека уште 100.000 цивили чекаат евакуација.

Украина и Русија за денеска договорија девет хуманитарни коридори

Ивона Петрова — Mon, 11 Apr 2022 10:15:17 +0000

Украинци ќе ги напуштат опколените источни региони, откако за денеска се договорени девет хуманитарни коридори од украински и руски официјални лица. Рутите ќе се користат за евакуација на луѓе од Мариупол, како и други југоисточни градови до Запорожје, но и за жители од регионот Луганск до Бахмут. Украинските власти ги засилија своите напори да евакуираат жители и од Донбас, додека воената офанзива на Русија се префрла на исток од земјата. Претходно, болнички воз управуван од медицинската добротворна организација Лекари без граници, евакуираше 48 ранети пациенти во Лавов на запад.

Украинската Влада најави 10 хуманитарни коридори за евакуација на цивили во источна Украина

Магдалена Андонова — Thu, 07 Apr 2022 09:05:57 +0000

Украинската Влада ги повика цивилите да ги напуштат областите околу кои се водат борби во источниот дел на земјата и најави 10 хуманитарни коридори. Граѓаните ќе можат да го напуштат Мариупол, кој е под силен руски оган, со автомобили во правец кон градот Запорожје, објави на Фејсбук вицепремиерката Ирина Верешчук. Автобусите за Запорожје ќе тргнуваат од Бердјанск, Токмак и Мелитопол. Понатаму на север, уште пет коридори за бегство водат од регионот Луганск до градот Бахмут. Рутите се објавуваат секој ден. Русија и Украина меѓусебно се обвинуваат дека ја саботираат евакуацијата на цивилното население. (МИА)

Украина очекува отворање три хуманитарни коридори

Ивона Петрова — Tue, 29 Mar 2022 08:07:21 +0000

Украина се надева дека денеска ќе бидат отворени три хуманитарни коридори за евакуација на цивилите од опколените градови, изјави вицепремиерката на Украина, Ирина Верешчук. Верешук истакна дека тоа ќе вклучува обид да се воспостави безбеден коридор за луѓето кои со приватни возила ќе го напуштат опколениот јужен пристаништен град Мариупол.

Во Украина нема да се отворат хуманитарни коридори поради можни „руски провокации“

Тале Кристо — Mon, 28 Mar 2022 08:05:49 +0000

Украина денеска нема да отвори ниту еден хуманитарен коридор откако разузнавачките информации укажуваат на можни руски „провокации“ долж рутите за евакуација. Коридорите се наменети за евакуација на цивилите од опасните области. Украина ја обвини руските сили дека ги напаѓала рутите за евакуација.