хуманост – Kurir.mk

Македонија се сака со хуманост: Патриотското друштво со добри дела ја подигнува националната свест

Ивана Ефремовски — Sun, 10 Sep 2023 19:45:59 +0000

Еден од главните постулати на кои се темели постоењето на Патриотско друштво е да ја подигне националната свест на македонскиот народ. „За вистински да напреднеме како народ и како нација, треба да научиме да си помагаме и да се чуваме едни со други. Тоа е наша должност првин како Македонци, а отпосле и како Христијани“, велат од Македонското Патриотско друштво. -Драги пријатели, каква корист има да велите дека сте верници, ако тоа не се гледа од вашите постапки? Може ли таква вера да ве спаси? Да претпоставиме дека некој ваш брат или сестра нема доволно облека или храна. Дали е доволно да му кажете: „Оди си спокојно, Господ нека ти даде облека и храна!“, наместо да му го дадете она што му е неопходно за да преживее!? Така е и со верата. Ако не е поткрепена со соодветни постапки, таквата вера е мртва вера. Можеби некој ќе рече: „Некои луѓе имаат вера, а некои - дела.“ Покажете ми, како може да имате вера, а од тоа да не произлегуваат соодветни постапки, а јас, преку моите постапки ќе ви покажам дека имам вера. Овие стихови од посланието на апостол Јаков го опишуваат она кон кое се стремиме ние самите, велат тие. Уште од почетокот на Патриотско друштво се трудат што повеќе да помагаат на македонските бранители. Низ годините Патриотско друштво порасна и стана голема заедница, па така беа во можност да го прошират опсегот на нивните хуманитарни акции. -Помагаме на сите Македонци на кои им е потребна нашата помош. Сметаме дека секој Македонец и Македонка треба да има достоинствен живот - од најмладите до најстарите. Пример за тоа се нашите хуманитарни акции од претходните неколку месеци. Прво ја посетивме баба Гуна која живее сама, без никаква помош во село Ветуница, Ранковце. Неодамна бевме и во Куманово, каде заедно со здружението Let’s spread love организиравме донација на училиштен прибор за новата генерација македонски првоодделенчиња. Покрај тоа, би сакале да ги издвоиме донациите на семејството Кузмановски од кое беше погодено од пожар кој целосно им ја изгоре куќата. Тука се и нашите хуманитарни акции во Охрид, Велес, донацијата за ФК Вардар и така натаму, велат тие. Со нивните дела и акции сакаат да поттикнат што повеќе Македонци да го прават истото. -Помагајте си бидејќи само така можеме да изградиме поубава иднина за сите. Доколку некој пак сака да донира преку нас, тоа може да го стори преку нашата продавница patrioti.club каде има опција за купување на бон за донација. Секако, дел од секоја нарачка во продавницата исто така оди во хуманитарни цели, велат од Патриотското друштво.

Мицкоски во хумана мисија: Семејство со пет деца доби свој дом (ВИДЕО)

Ивана Ефремовски — Thu, 29 Dec 2022 17:44:48 +0000

Празничните денови се мигови на среќа и радост кога заедно прославуваме со најблиските во топлината на нашите топли домови и на нашите трпези. Но, за жал не сите ја имаат таа среќа и привилегија. Во Македонија има семејства кои живеат во сиромаштија и без основните потреби за достоинствен живот, истакна лидерот на ВМРО-ДПМНЕ, Христијан Мицкоски. „Пред месец и половина, моето семејство преку медиумите дозна за тешкиот живот на едно семејство во селото Градиште. Ова семејство на малите ангелчиња Ивана, Ангела, Јована, Јован и Велика живееше во импровизиран дом, трошна куќа без елементарни услови за живот. Таа слика не може да остави никого рамнодушен, а најмалку да гледаш дека тука во твојата татковина растат дечиња кои немаат спокојно и безгрижно детство. Тешката судбина на едно семејство не смее и не може да биде само туѓа судбина, таа треба да биде мотив секој од нас да направи колку може да донесе радост во нечиј живот. Денес сум особено среќен што имав шанса да придонесам за малку среќа за ова семејство, да изградам дом заедно со хуманите луѓе кои помогнаа во оваа моја иницијатива. Успеавме со донации, но и со труд и работа за месец дена да изградиме нова куќа, нов дом за петте ангели да можат заедно да ја почувствуваат празничната топлина. Нема поголема среќа од тоа да ја видиш искрената детска насмевка и нивната чиста детска радост“ - посочи тој. Мицкоски им се заблагодари на сите кои го поддржаа и помогнаа семејството Лазарeвски да доживее подобро утре. „Ова не го правам за промоција, туку со срце и волја да ги повикам сите оние кои можат во овие тешки времиња да им помогнат на тие кои имаат помалку, да им подадат рака, да им го олеснат тешкиот живот и да им покажат дека хуманоста сè уште живее во сите наши срца. Да ја вратиме надежта, да покажеме дека не живееме само едни покрај други, дека сме заборавиле едни на други, туку дека сме тука на овој свет да бидеме едни за други. Нема цена со која може да се плати среќата и насмевката на овие добри луѓе“.

„Разбери, прифати, сакај“: Повик за вклучување во иницијативата „Сончогледи кон сонцето за видлива и невидлива попреченост“

Ивана Ефремовски — Thu, 31 Mar 2022 11:38:28 +0000

Повик до сите општини, институции, општествено одговорните компании, маркети, банки и сите услужни компании за вклучување во иницијативата „Сончогледи кон сонцето за видлива и невидлива попреченост“ со што ќе ја препознаат инклузивната лента, ќе внесат посебна каса/ шалтер за посебните. Официјалниот повик, КУРИР го пренесува во продолжение: Почитувани, Здружението на граѓани Куќа на Среќата ги повикува сите општини, институции, општествено одговорни фирми, компании, музеи, ресторани, кино сали, маркети, болници... да ни се придружат во кампањата „Сончогледи кон сонцето за видлива и невидлива попреченост“, да станат пријателски прилагодени кон лицата кои носат инклузивна лента, да ги разберат, прифатат и сакаат и да им дадат предност. Вклучувањето во овој проект не подразбира никакви посебни финансиски импликации, потребно е само:

Да се има добра волја да се вклучат во оваа иницијатива, да бидат инклузивни;
Да прифатат да бидат обележани со логото на оваа иницијатива „сончогледот“ и пораката „разбери, прифати, сакај“
Да обезбедат „посебна каса/шалтер за посебните“ - односно кога лице кое ќе носи инклузивна лента (лента со сончогледи), да му дадат предност пред другите и да му го отстапат редот.

Сите заинтересирани организации кои сакаат да бидат инклузивни и дел од оваа иницијатива, да им дадат предност на лицата со видлива и невидлива попреченост ќе ги замолиме да не контактираат на следната е-пошта: [email protected].

БРАВО, ХУМАН НАРОДЕ: Собрани се парите потребни за лекување на малата Ина

Ивана Ефремовски — Wed, 16 Feb 2022 18:57:03 +0000

Хуман македонски народе, уште еднаш докажа дека се сплотуваш во најтешкото. Како што дознава КУРИР, само еден ден по објавување на апелот за помош, собрани се парите кои беа потребни за лекување на малата Ина. Здравствената состојба на Ина се влошила лани во мај, кога почнала да добива епилептични напади. Оваа мала убавица ја чека операција за отстранување на туморот на мозокот кој и предизвикува епилептични напади. Сега кога парите се собрани, броевите за донации се затворени.

MOZZART преку акцијата „Милион причини за гол“ донираше два милиони денари

Super Admin — Fri, 23 Jul 2021 11:27:06 +0000

Македонската фудбалска репрезентација ова лето имаше историски настап на Европското првенство. Погодоците на Пандев и Алиоски донесоа голема радост на целата нација, но и одличен износ во хуманитарни цели. Mozzart за време на првенството организираше акција „Милион причини за гол“ каде за секој погодок на нашите репрезентативци донира милион денари во хуманитарни цели. Промотер на кампањата беше македонската фудбалска легенда Дарко Панчев, кој предложи парите да се донираат во две здруженија – „Борка“ (Здружение за борба против рак) и „Дајте ни крилја“ (Здружение на граѓани за лица со дисфункции, хендикеп, ретки болести и посебни потреби).

„Ми претставува огромна чест што бев дел од ваков голем проект на компанијата Mozzart. Сите навивавме со цело срце за нашите репрезентативци, но со кампањата „Милион причини за гол“ имавме дополнителна причина да навиваме за што повеќе голови. Се надевам дека и во иднина ќе има вакви акции преку кои ќе се помага онаму каде што е потребно.“ – изјави Дарко Панчев.

Донацијата од еден милион денари за „Борка“ ја прими Биба Додева, претседател на здружението.

„Навистина сме пријатно изненадени, му благодариме на Дарко Панчев за предлогот и на Mozzart за оваа донација. На болните од рак им е потребна нашата поддршка, сега повеќе од било кога. Малигнитетот за жал е се уште причина број еден за смртност во светот. Донираните средства ќе ни помогнат да продолжиме со нашите активности и да помагаме и влијаеме за суштински промени во нашиот здравствен систем. Квалитетни лекови, навремени прегледи и здравство достапно за сите е тоа кон што целиме. Среќни сме што ја препознавте нашата работа, општествени и одговорни компании и личности се клучни за нашата борба. Уште еднаш големо благодарам од името на сите Борки!“ – изјави Биба Додева, претседател на здружението.

На свеченото предавање на донацијата за „Дајте ни крилја“ присуствуваа Ребека Јанковска Ристески – почесен претседател на здружението и Катарина Ивановиќ, претседател на здружението Дајте ни крилја.

„Во името на Здружението на граѓани за лица со дисфункции, хендикеп, ретки болести и посебни потреби „Дајте ни крилја“ – Скопје, би сакала да ја изразам нашата огромна благодарност до компанијата Mozzart. Уште еднаш се убедивме дека се уште постојат општествено одговорни компании како Mozzart, кои знаат да ја препознаат оваа маргинализирана група на граѓани која ја застапуваме ние и да го дадат својот придонес во подобрување на нивниот секојдневен живот. Се надеваме дека овој позитивен и хуман гест ќе биде пример и поттик и за останатите компании да го дадат својот придонес за овозможување на достоинствен живот на оваа група на граѓани.“ – изјави Катарина Ивановиќ, претседател на здружението Дајте ни крилја.

„Навистина сме среќни кога успеваме да ги поврземе спортот и желбата да помогнеме некому. Би сакала да се заблагодарам на нашата фудбалска легенда Дарко Панчев што ја поддржа акцијата „Милион причини за гол“ каде преку донации во одбраните здруженија барем малку ќе создадеме насмевка на лицата и ќе го олесниме животот на поединците.“ – изјави Ивана Ололовска, маркетинг менаџер во Mozzart.

Mozzart купи потпишана слика од репрезентацијата во хуманитарни цели за малиот Јаков

Super Admin — Thu, 22 Jul 2021 08:12:39 +0000

Mozzart се приклучи на хуманитарната аукција за помош на малиот Јаков и ја купи сликата со Македонските фудбалски репрезентативци и нивните потписи. Почетната цена на аукцијата беше 1.000 евра, а компанија Mozzart го дуплираше износот кој ќе се донира во хуманитарни цели. На сликата ги има фудбалерите на Македонија заедно со селекторот кои беа дел од Европското првенство. Станува збор за дигитален принт на платно, векторска илустрација во рамка која е единствен примерок. Аукцијата која траеше 24 часа преку Твитер профилот ја спроведе креаторот на сликата Бобан Алексовски, а завршена е утрово, кога понудата на компанија Mozzart е прогласена за највисока.

„На учество во аукцијата се одлучивме првенствено поради тоа што е од хуманитарен карактер, со желба да ја разбудиме општествената одговорност кај поединците, компаниите и организациите. Mozzart веќе долги години помага на многу организации и установи, онаму каде што е најмногу потребно. Се приклучивме на лицитацијата со желба не само да го зголемиме износот за малиот Јаков, туку и да ја зголемиме свеста за тоа колку е потребно сите да бидеме единствени и со заеднички сили да даваме континуирана поддршка на вакви акции.“ – изјавија од менаџментот на Mozzart.

Малиот Јаков на само 2 години мораше да помине низ 2 тешки операции за два пати да му биде отстранет тумор, при што мораше да го изгуби и едниот бубрег. Јаков мора итно да замине во странство за да го продолжи своето лекување, а поради тоа потребни се повеќе финансиски средства. Вклучете се и донирајте на следнава жиро сметка: 20000 148 174 0176 Стопанска Банка – Елена Јанакиев IBAN – MK0720000 387 639 2077 SWIFT Cod – STOBMK2X

ПОТРЕБНИ СМЕ МУ НА МАЛИОТ ЈАКОВ: Хуман народе, ова дете води тешка битка, мора ИТНО на лекување

Ивана Ефремовски — Mon, 19 Jul 2021 11:27:13 +0000

АПЕЛ ЗА ПОМОШ!!! Пред Јаков е тешка битка во која не може сам да излезе како победник. Потребна му е наша помош. Апелот објавен од неговото семејство, ви го пренесуваме во продолжение: Нашиот Јаков на само свои 2 годинки мораше да помине низ 2 тешки операции за два пати да му биде отстранет тумор, при што мораше да го изгуби и едниот бубрег. Заради специфичната моментална здраствена состојба, малиот Јаков мора ИТНО да замине во странство за да го продолжи своето лекување. Поради тоа се потребни повеќе финансиски средства кои без ВАША ПОМОШ не е можно да се соберат. ГОЛЕМИ СРЦА! АЈДЕ ДА ЈА ПОКАЖЕМЕ НАШАТА ХУМАНОСТ И ДА ОВОЗМОЖИМЕ ЈАКОВ ДА ГО ЗАВРШИ ЛЕКУВАЊЕТО УСПЕШНО ЗА ДА МОЖЕ ПОВТОРНО ДА УЖИВА ВО СВОЕТО ДЕТСТВО! ВЕ МОЛИМЕ ДОНИРАЈТЕ НА СЛЕДНАВА ЖИРО СМЕТКА: Стопанска Банка – 20000 148 174 0176 – Елена Јанакиев IBAN – MK0720000 387 639 2077 SWIFT Cod – STOBMK2X

Хуманост во најтешки моменти: За една година трансплантирани четири срца и 10 бубрези

Ивона Петрова — Fri, 11 Jun 2021 10:25:51 +0000

Најмалку три животи ќе бидат спасени со органите на 44 годишната жена кај која вчера била дијагностицирана мозочна смрт. Медицинските тимови во период од 24 часа направија експлантација и трансплантација на повеќе органи. Од Министерството за здравство информираат дека завршена е трансплатацијата на срце, а во тек се двете трансплантации на бубрег од починат донор. Нова шанса ќе добијат двајца пациенти на возраст од 30 и 23 години кои подолго време се на дијализа. Според податоците од Министерсвото во изминатата една година во земјава се направени пет трансплантации од починат донор и притоа се трансплантирани четири срца и 10 бубрези. Направена е и прва експлантација и трансплантација на коски и коскени ткива. -Најголема благодарност за семејството за 44 годишната жена која ноќва спаси најмалку три животи. Благодарност до нејзиниот сопруг, нејзините деца и најблиското семејство. Тие покажаа што значи хуманост во најтешки моменти, велат од Министерството.

Потребна е помош за Силвана и нејзината ќерка: Живеат во тешки услови, а некои денови немаат ни за леб

Ивана Ефремовски — Sun, 23 May 2021 16:25:25 +0000

„Живееме во подрумска соба, во куќата на мојот свекор. Тој прво нѐ бркаше од тука, сакаше да ја издава собата на ќираџии, но не успеа и сега не нѐ брка. Сопругот ме остави, сега сама се грижам за мојата ќерка Леонтина. Немаме прозорци, залепивме најлони да не ни дува, а и вратата е во многу лоша состојба. Навечер ставаме ќебиња за да не ни биде ладно“, раскажува низ солзи Силвана Јовановска од кумановски Бабин дол. Таа сама се грижи за двегодишната ќерка Леонтина. Невработена е, и преживуваат од собирање шишиња. Оваа очајна мајка сега е и без приходи. Откако ја оставил сопругот Томислав од кој е постара 10 години, а со кој се омажила во 2013 година, преживува благодарение на собирањето шишиња и од помошта на хуманите граѓани. Таа вели дека немаат ни струја поради неплатени сметки кои со години не ги плаќал нејзиниот свекор, па се снаоѓале со електрична енергија преку комшиите. Она што е најтрагично имаат шпорет ама немаат дрва за да се топлат на него. -Некогаш земаме струја од соседите, на нив им плаќавме, но некогаш тие ја исклучуваат, кога немаме како да им платиме. (Трансакциската сметка за финансиски средства - 250-0070011899-66 - Шпаркасе банка) (Контакт телефон - 078-652-784 БРОЈОТ НЕ Е ОТВОРЕН ЗА ДОНАЦИЈА туку само за контакт на Силвана) Целата приказна за неа, прочитајте ја на ЖЕНСКИ МАГАЗИН

Подигање на свеста кај народот за потребата и важноста на органодарителството

Super Admin — Sat, 24 Apr 2021 10:15:36 +0000

Во земјава има двајца пациенти кои живеат со две пумпи на срцето BIVAD и нивниот живот е многу потежок од животот на пациентите со една пумпа. Да бидеме хумани, да дарување органи. Национална кампања за органодарителство на здружението „Храбро Срце“ - прилог за органодарителство со Ирена Ралева - Најдевска, поддржувач на здружението. https://www.youtube.com/watch?v=OV1tshRIvt4