хумор – Kurir.mk

Вистинска приказна за хуморот на кралицата Елизабета Втора, еве како реагирала кога американски туристи не ја препознале

Ивона Петрова — Fri, 23 Sep 2022 08:26:52 +0000

Многумина зборуваат дека кралицата Елизабета Втора знаела добро да се шегува, а за нејзиниот хумор по повод одбележувањето на 70 годишниот јубилеј на кралицата, говореше и Ричард Грифин кој бил нејзин личен полициски службеник 14 години. Вистинската приказна сега, по смртта на кралицата, повторно е актуелна. Ричард кој целиот живот го поминал во служба на кралското семејство само пред неколку месеци раскажа како изгледала средбата на кралицата додека била на прошетка со двајца американски туристи кои не ја познале. Туристите се сретнале со кралицата додека само во придружба на Ричард била на прошетка во близина на дворецот во Шкотска, Балморал. Почнале да и раскажуваат каде се биле во Велика Британија, па ја прашале дали често доаѓа тука и каде живее. -Живеам во Лондон, но тука имама викенд куќа и доаѓам да се одморам. Доаѓам повеќе од 80 години тука, од моето рано детство, им одговорила кралицата, а раскажува Грифин. По ваквиот одговор, Американците воодушевено ја прашале дали некогаш ја сретнала кралицата, на што таа одговорила дека не, но дека Грифин често ја гледа. Го прашале каква е, на што тој им одговорил дека има одлична смисла за хумор. По ваквиот одговор туристите ги извадиле мобилните телефони да се сликаат со него и кралицата, по што си заминале незнаејќи дека е таа Елизабета Втора. -Ричард многу сакам да сум мува на ѕидот во просторијата кога туристите ќе им ја покажат сликата на своите пријатели и се надевам дека тогаш некој ќе ме препознае и ќе им каже која сум, насмеано му рекла кралицата на својот личен полициски службеник.

Немаат смисла за хумор: Овие три хороскопски знаци нема да ги разберат вашите шеги

Ивана Ефремовски — Wed, 04 May 2022 20:52:31 +0000

Доколку се најдете во друштво на Девица, Бик и Јарец, не се шегувајте, бидејќи овие хороскопски знаци немаат смисла за хумор, велат астролозите. Ова се земјени знаци, па понекогаш им е тешко да разберат шега. Тоа не значи дека не сакаат да се забавуваат, само малку поинаку го разбираат хуморот. Често се случува она што им е смешно да им биде глупаво на другите – велат астролозите. ДЕВИЦА Девиците имаат смисла за хумор, но не толку за да заборават на рационалната основа на која секогаш се држат. Како одговорен и аналитички знак, Девицата сигурно нема да инвестира време за да насмее некого. БИК Ова е земјен знак кој стои цврсто со две нозе на земја. Често се сериозни и намуртени и имаат смисла за хумор што само мал број луѓе го разбираат. Биковите, речиси по правило, имаат мало, но избрано друштво, па нема да ги видите како се обидуваат да ги насмеат оние што не ги познаваат. ЈАРЕЦ Кога целиот живот ви е подреден на работата и кариерата, тогаш навистина немате многу време за забава. За јарците парите се примарни, па затоа рационалните пресметки, одговорноста и посветеноста се нивните главни карактеристики. Затоа би се рекло дека ретко се смеат. Јарците се раѓаат сериозни и затоа често забораваат како да се забавуваат поради посветеноста на обврските.

Секој сака да биде во нивно друштво: Овие четири хороскопски знаци имаат најдобра смисла за хумор

Магдалена Андонова — Fri, 14 May 2021 12:29:42 +0000

Некои луѓе, колку и да се трудат, не успеваат да ги насмеат другите, додека некои лесно успеваат. Таквите луѓе по природа се интересни и имаат беспрекорна смисла за хумор, поради што тие се омилено друштво на сите. Ако им се верува на ѕвездите, четирите хороскопски знаци сепак се истакнуваат како најдуховити. Близнаци Близнаците дури и не треба да се обидуваат да бидат забавни и да ги насмеат другите, бидејќи тоа го постигнуваат правејќи наједноставни работи. Затоа, луѓето се чувствуваат многу пријатно околу нив. Лав Лавовите имаат мала или никаква самосвест. Не им е грижа дали ќе направат будала од себе. Таквото чувство на воздржаност ги прави забавни и го одзема здивот, тие никогаш не се непријатни и прават шеги потполно слободно. Девица Девиците имаат око за детали и добро размислуваат за работите, што им овозможува да го кажат вистинскиот збор во вистинско време. Тие имаат интелигентна смисла за хумор, што само малкумина можат да го разберат. Стрелец Стрелците не се срамат да ја кажат суровата и бруталната вистина. Тие честопати им се обраќаат на другите на духовит и смешен начин и сигурно ќе ги насмеат луѓето со својата отвореност.

„Фаличен пансион” најдобра британска хумористична серија

Ивана Ефремовски — Wed, 10 Apr 2019 06:53:34 +0000

„Фаличен пансион” (Fawlty towers) е прогласена за најдобра британска хумористична серија на сите времиња, според 42 стручни ТВ лица кои го дале своето мислење за списанието „Рејдио Тајмс“. „Монтипајтоновецот“ Џон Клиз во оваа серија го глумеше главниот лик Базил Фолти, а неговите куси реплики станаа британски фолклор. Серијата се прикажуваше само во две сезони – 1975 и 1979 година, но времето и честите репризирања покажаа дека се работи за безвременска класика. На второ место на листата, се најде серијата „Отец Тед”, а на трето место – „Јас сум Алан Партриџ” со Стив Куган во насловната улога.

Луѓето со смисла за хумор живеат подолго

Дарко Андоновски — Tue, 20 Nov 2018 17:38:46 +0000

Група научници од Научно- технолошкиот универзитет од Норвешка докажале дека луѓето со смисла за хумор имаат 20 отсто подолг животен век од останатите. Истражувачите тоа го објасниле со позитивното дејствување на смеењето врз менталното здравје и друштвениот живот. Заклучок на научниците е дека тоа е верижен процес, па така луѓето кои можат да засмејат други, истовремено успеваат да го продолжат својот живот и на другите. Поради тоа треба да избираме друштво на оние кои умеат да не засмејат, нагласуваат истражувачите.

Луѓето со смисла за хумор живеат подолго

Предраг Кукиќ — Tue, 20 Nov 2018 09:30:01 +0000

Група научници од Научно-технолошкиот универзитет од Норвешка докажале дека луѓето со смисла за хумор имаат 20 отсто подолг животен век од останатите. Истражувачите тоа го објасниле со позитивното дејствување на смеењето врз менталното здравје и друштвениот живот. Заклучок на научниците е дека тоа е верижен процес, па така луѓето кои можат да засмејат други, истовремено успеваат да го продолжат својот живот и на другите. Поради тоа треба да бираме друштво на оние кои умеат да не засмејат, нагласуваат истражувачите.