хумус – Kurir.mk

Вистинско уживање за оние кои постат: Домашниот хумус е идеален начин да го започнете денот

Ристе Здравков — Sat, 18 Mar 2023 14:40:14 +0000

Кремаст и вкусен. Хумусот или намазот од наут е познат ориентален намаз и е многу популарен во последно време, а можете да го најдете во секоја продавница. Сепак, најдоброто нешто е што можете да го подготвите сами, дома. Неговата лесна подготовка и вкус ќе ве убедат да го подготвувате и после постот. Состојки: 300 гр леблебија од конзерва 2 чешниња лук 100 мл маслиново масло лимонов сок сол Подготовка: Сите наведени состојки ставете ги во блендер. Блендирајте додека не добиете кремаста текстура, а по потреба додадете малку вода. Готовиот хумус префрлете го во тегла и чувајте го во фрижидер. Пријатно!

КАКО СЕ ПРАВИ ДОМАШЕН ХУМУС: За најмногу 10 минути ќе направите здрав намаз од леблебија!

Ристе Здравков — Wed, 22 Feb 2023 08:21:44 +0000

Наутот е чудесно мешункасто растение кое е богато со протеини, влакна и витамини и дефинитивно треба што почесто да го вклучувате во вашето мени. Тој е една од главните состојки на се попопуларниот хумус намаз, кој од арапската кујна се прошири речиси во целиот свет. Хумусот по овој рецепт се прави многу брзо, бидејќи се користи конзервирана леблебија која не мора да ја натопите преку ноќ, туку е подготвена за употреба веднаш. Состојки: 1 конзерва наут 50 мл маслиново масло 50 гр семе од сусам 2 чешниња лук сок од половина лимон сол Подготовка: Наутот процедете го, но зачувајте ја течноста од конзервата. Ставете го во блендер заедно со сусам, маслиново масло, ситно сечкан лук, сок од лимон и зачини. Измешајте сè со најголема брзина за да добиете компактна смеса. Ако е премногу густа, додадете малку од течноста во која беше леблебијата. Доколку е потребно, додадете уште зачини и уште еднаш измешајте сè. Префрлете во сад и послужете. Ако има останато, покријте го со фолија и чувајте го во фрижидер.

ДОМАШЕН ХУМУС: Еве како сами да го направите овој совршен намаз со оригинален рецепт

Ивана Ефремовски — Thu, 12 Jan 2023 11:00:28 +0000

Леблебијата или наутот е основата на секој рецепт, а има навистина безброј варијации на темата. Хумусот е особено популарен во веганската кујна, па дури и оние кои се на специјална диета можат да го јадат. Состојки: 120 грама леблебија, претходно натопена во вода преку ноќ, една ипол шолја вода, половина лажичка сол, прстофат сода бикарбона. Потребно е: 3 супени лажици сусам, 4 лажички маслиново масло, 1 лажичка лук во прав, 2 лажички сок од лимон, 1 лажичка куркума, сол и бибер по вкус, сув магдонос, црвен пипер. Подготовка: Леблебијата која претходно сте ја натопиле во вода добро исплакнете ја. Процедете и истурете во тенџере. Прелијте со една ипол чаша вода. Во водата додадете половина лажичка сол, прстофат сода бикарбона и оставете да се вари на средна температура околу 15 минути. Проверете со вилушка дали леблебијата е сварена. Треба да бидат толку меки што лесно да се месат. Додека се варат, истурете го сусамот во ненамастена тава и пржете со постојано мешање додека не порумени. Оставете на страна да се излади. Изладениот сусам истурете го во блендерот и блендирајте додека не добиете фина текстура. Додадете го лукот, сокот од лимон, маслиновото масло, куркумата, солта, биберот и црвениот пипер и повторно изблендирајте. Потоа во смесата додадете ја леблебијата и блендирајте додека не добиете густа смеса. Извадете го хумусот и ставете го во чинија.