хургада – Kurir.mk

Ајкула усмрти уште една жена во Хургада, се огласи министерството

Ивона Петрова — Sun, 03 Jul 2022 16:27:13 +0000

Две жени загинаа во напад на ајкула во местото Сал Хашиш во близина на Хургада, соопшти египетското Министерствот за животна средина. Идентитетот на жртвите не е познат. Гувернерот на Црвеноморската област наредил затворање на сите плажи во таа област на три дена. Како што се соопштува, тим на експерти работи на идентификација на причините и околностите за нападот и причина за ваквото однесување на ајкулите.

Детали за мистериозната смрт на двете лица во летувалиштето Хургада

Катерина Бојаџиева — Fri, 24 Aug 2018 15:03:43 +0000

Во летувалиштето Хургада на Црвеното море во Египет, двајца британски туристи починале, а поради нивната смрт од хотелот евакуирани се 300 туристи. Починале 69-годишниот Џон Купер и неговата 63-годишна сопруга Сузан, кои престојувале во хотелот Стајгенбергер Аква Меџик на Црвеното море. Претставници од хотелот тврдат дека Џон имал проблеми со срцето, но неговата ќерка смета дека умреле под неразјаснети околности, и дека биле здрави и витки. „Тато никогаш не беше во болница и не беше болен: Умре во хотелската соба пред моите очи. Кога отидов со мама во болница, почина и таа”- раскажала ќерката. Таа ја пофалила поддршката која ја добила од туристичката компанија која соопштила дека има информација дека и други гости во хотелот се болни. Поради тоа таа компанија одлучила да евакуира 301 свој гостин и им пронашла алтернативно сместување. Директорот на корпоративните комуникации на партнерските компании на споменатиот хотел, Свен Хиршлер, вели дека немало забележан невообичаен раст на заболувања меѓу 1.600 гости, кои моментално престојуваат во хотелот. Купер се жалел на висок притисок вечерта кога починал.

Две лица пронајдени мртви во хотел во популарното туристичко место, итно евакуирани 300 гости

Матеја Петровски — Fri, 24 Aug 2018 10:17:35 +0000

Британската туристичка компанија Томас Кук соопшти денеска дека евакуирале 301 турист од хотел во Хургада во Египет откако двајца туристи починале под неразјаснети околности. Џон Купер (69) и неговата сопруга Сузан (53) биле пронајдени во вторникот мртви во хотелот Steigenberger Aqua Magic на Црвеното Море. Томас Кук соопшти дека добиле информации за заболени гости, но детали не наведоа. – Безбедноста е наш приоритет, и поради тоа одлучивме сите наши гости да ги тргнеме од тој хотел, велат од компанијата. Ним им е понудено алтернативно сместување или врќање во Велика Британија. (Миа)