Саудиската коалиција уништила шест беспилотни летала наполнети со експлозиви на Хутите

Тале Кристо — Mon, 12 Apr 2021 06:19:45 +0000

Меѓународната коалиција предводена од Саудиска Арабија, што учествува во граѓанската војна во Јемен, пресретнала и уништила шест беспилотни летала наполнети со експлозиви, наведе саудиската државна телевизија, објаснувајќи дека дроновите биле лансирани од бунтовниците Хути и биле упатени кон нивното кралство. Коалицијата соопшти дека „станува збор за намерни и систематични непријателските обиди на Хути насочени кон цивилите“, додавајќи дека таа ги презема сите неопходни мерки за заштита на цивилите, пренесуваат британските медиуми. Коалицијата претходно соопшти дека уништила балистичка ракета што Хутите ја лансирале кон саудискиот град Џазан. Британските медиуми пренесуваат дека саудиската воена коалиција ја почна својата интервенција против Хутите во Јемен во март 2015 година, откако ова движење ја собори меѓународно признатата влада во Сана и зазеде поголем дел од територијата на земјата.

Најмалку 40 загинати при напад на Хутите

Ивана Ефремовски — Sun, 19 Jan 2020 09:08:20 +0000

При вчерашниот напад на Хутите врз центар за обука во Јемен загинаа 40 лица, а десетици се повредени, јави саудиската државна телевизија Ал Акбарија. Нападот, според телевизијата бил извршен со балистички ракети и дронови. Борбите во Јемен траа речиси пет години, откако Хутите, кои имаат поддршка од Иран, ја соборија владата на претседателот Абд-Рабу Мансур Хади. Додека во 2015 година интервенираше коалиција предводена од Саудиска Арабија, која се обидува да ја врати на власт владата на Хади. (МИА)

Хутите – Kurir.mk

Саудиската коалиција уништила шест беспилотни летала наполнети со експлозиви на Хутите

Најмалку 40 загинати при напад на Хутите