хвар – Kurir.mk

Туристите нервозни: На плажа во Хрватска им наплаќаат пари за капење во море

Ивана Ефремовски — Mon, 07 Aug 2023 09:48:25 +0000

Во делови од хрватскиот Јадран годинава наплаќаат и користење на плажа, односно капење во море, па така, на пример, „дневниот престој“ во кампот „Млашка“ на островот Хвар чини две евра, пишува денеска сплитска „Слободна Далмација“. -Ако сме корисници на кампот – во ред, нешто што е под концесија треба да се наплати, но колку што можам да видам на достапните веб-страници, тој камп воопшто нема концесија на плажа, а камоли за концесија која вклучува наплата за користење на морето, рекла една жена за сплитскиот весник. „Ми рекоа дека треба да платам три дневни билети за капење на плажа, за тројца возрасни“, додала таа. Појаснила дека не се работи за лежалка, чадор или паркинг, туку цена од две евра по човек за капење и користење на плажата. Жената обелоденила дека ова непријатно искуство го доживеала на источната страна на островот, а на сметката што ја добила, услугата е наведена како „дневен престој“, без дополнително објаснување.

Малолетник во Хвар починал од струен удар додека се туширал

Ристе Здравков — Fri, 21 Jul 2023 19:06:14 +0000

Малолетник починал денска во несреќен случај на островот Хвар. Според првите информации момчето починало од струен удар, пренесуваат хрватските медиуми. Околу 14 часот и 45 минути била повикана итна помош бидејќи во дворот од семејната куќа најверојатно од струен удар бил повреден малолетник. За жал, тој од повредите починал на местото на настанот. Слободна Далмација неофицијално дознава дека момчето е австриски државјанин и дека на Хвар било на одмор со семејството. Струјниот удар наводно се случил додека момчето се туширало под надворешниот туш во дворот од куќата што ја изнајмиле за одмор.

Овој остров е прогласен за најубав во Европа

Катерина Бојаџиева — Thu, 07 Oct 2021 07:25:52 +0000

Хрватски Хвар е прогласен за најдобар и најубав остров во Европа, од читателите на познатото и ценето списание „Конде наст травелер“. Зад него се грчките острови Миконос, Закинтос, португалска Мадеира и италијанска Искија. Написот истакнува дека Хвар е одлична дестинација преку целата година, особено поради топлите лета и благите зими, посочувајќи ја добро познатата статистика за Хвар – дека ова е најсончевиот остров во Хрватска, со повеќе од 2.800 сончеви часа годишно. Со вкупна оценка од 96,56 / 100, Хвар е избран и за шести најдобар остров во светски рамки. Ова светски престижно списание го нагласува и богатото историско наследство на Хвар, истакнувајќи ја Тврдината Фортика како споменик на културата кој мора да се посети. Исто така, се истакнува и познатата жетва на хрватска лаванда на Хвар, која станува една од главните особености во летните месеци. Хвар ја освои титулата најдобар европски остров и 2019 година.

Од ваква сметка боли глава: За парите кои ги потрошиле за пијалоци на оваа позната дестинација во регионот можеле да купат автомобил

Дарко Андоновски — Sat, 14 Aug 2021 12:53:42 +0000

Група луѓе во клуб на Хвар платиле неверојатно голема сметка за пијалоци - речиси 100.000 куни (13.000 евра). -За тие пари би можел да купи автомобил, да речеме половно БМВ 1 од 2015 година, или нова Опел Корса, Цитроен Ц1 ..., пренесува Слободна Далмација. Пиеле шампањ, коктели, сокови. Сметката е поделена на мрежи. Во сметката се наведува дека во вторникот вечерта тие потрошиле скоро 100.000 куни за пијалоци, а најмногу за пет шишиња „фенси“ текила Дон џулио Анехо - 24.000 куни. Сметката се појави и на социјалната мрежа Редит, некои отидоа да проверат дали сметката е фискализирана, па добија потврден одговор.

Фамилија шетала на островот Хвар, а набргу ги потопил бран (ВИДЕО)

Магдалена Андонова — Sun, 27 Sep 2020 20:15:46 +0000

Времето вчера во Хрватска беше променливо, притоа често имаше сончеви и облачни периоди, а имало и грмотевици. Природата ја покажала својата големина и моќ, па предизвика бројни проблеми на копното, а посебно блиску до морето во Хрватска, бидејќи силниот ветар предизвикуваше големи бранови. Така може да се забележи и на ова интересно видео од Далмацијањуз, од хрватскиот остров Хвар, каде може да се забележи како една фамилија шета во центарот на градот, а набргу ги потопи бран.

Пожар на Хвар: Го гаснат 40-на пожарникари и два Канадера

Катерина Бојаџиева — Sat, 24 Aug 2019 12:45:39 +0000

Четириесетина пожарникари и два „Канадера“ го гаснат пожарот што избувна денеска на Хвар. „Овој пожар беше предизвикан од удар на гром, но со интервенција на пожарникарите и со помош на Канадери успеавме да спречиме да се шири и верувам дека ќе го ставиме под контрола во наредните неколку часа“, рече командантот на пожарникарите за хрватски медиуми. Тој додаде дека пожарот погодил недостапен терен, што го отежнува гаснењето. Хрватското Министерство за одбрана објави дека од 17 јуни, до 23 август, воздушните противпожарни сили биле ангажирани во гаснење 31 пожар, додека копнените сили на хрватската армија биле ангажирани два дена во противпожарната станица Јужна Дубрава кај Шибеник со вкупно 182 припадника.