Калин: Договорот за извоз на украинското жито може да доведе до прекин на огнот

Ивона Петрова — Tue, 26 Jul 2022 06:39:34 +0000

Портпаролот на турскиот претседател Ибрахим Калин изјави дека Турција верува дека Договорот за извоз на жито од Украина може да доведе до прекин на огнот меѓу Москва и Киев. – Не сакам да звучам премногу оптимистички, но Договорот всушност може да ја постави основата за доверба за која зборувавме претходно, што може да доведе до обновени преговори за прекин на огнот, за размена на затвореници, можеби, дури и до мировно решение, истакна Калин во интервју за Си-ен-ен. Тој наведе дека е премногу рано да се каже што може да се случи, но ја нагласи потребата да се надгради Договорот. Калин ја повика меѓународната заедница не само да го пофали постигнувањето на Договорот, туку и да се обиде да го надгради преку позитивни чекори. Тој го коментираше и рускиот напад во саботата врз украинското пристаниште Одеса, посочувајќи дека Турција е во близок контакт и со Москва и со Киев.

Калин: Турција ги прекинува ископувањата во источниот Медитеран

Магдалена Андонова — Tue, 28 Jul 2020 12:30:59 +0000

Портпаролот на турскиот претседател, Ибрахим Калин изјави денеска дека Турција ги прекинува истражувањата на нафта и природен гас во спорните води во источниот дел на Средоземно Море. Според него, турскиот претседател Реџеп Тајип Ердоган побара од своите соработници да бидат конструктивни и да ги прекинат ископувањата одреден период. Калин истакна дека проблемот со Грција треба да се реши преку дијалог, а не со закани дека на Турција ќе и биде блокиран европскиот пат. Минатата недела Турција најави дека планира да испрати истражувачки брод и два помошни, кои ќе извршуваат активности до 2 август во водите јужно од грчките острови Родос, Карпатос и Кастелоризо, што ги зголеми тензиите со соседна Грција и ги заостри критиките на САД , Франција и други европски земји. Турција ја обвини Грција дека сака да ја исклучи од пристапот до наоѓалиштата на нафта и гас во Егејско Море и источен Медитеран, тврдејќи дека морските граници за комерцијална експлоатација треба да се поделат меѓу грчкото и турското копно и без вклучување на грчките острови на еднаква основа. (MИА)

Ибрахим Калин – Kurir.mk

Калин: Договорот за извоз на украинското жито може да доведе до прекин на огнот

Калин: Турција ги прекинува ископувањата во источниот Медитеран