Ибрахимовиќ – Kurir.mk

Ибрахимовиќ против Интер ќе брка соборување два нови рекорди

Тале Кристо — Sun, 14 Feb 2021 10:45:37 +0000

Голгетерот на Милан, Златан Ибрахимовиќ, ќе мора да го почека градското дерби против Интер закажано за идната недела за да собори два нови рекорди, откако актуелниот лидер во Серија А неочекувано загуби вчера на гостувањето кај Специја со 2:0. Триесетидеветгодишниот Ибрахимовиќ, кој досега сезонава има постигнато 14 погодоци, е на еден гол од соборување на рекордот на Силвио Пиола од сезоната 1951/52 за највозрасен фудбалер со постигнати 15 голови во една сезона во Серија А. Следниот пат кога ќе се запише во листата на стрелци, Ибрахимовиќ, исто така, ќе стане првиот фудбалер во 21 век, кој постигнал гол против 80 различни екипи од Топ 5 првенствата во Европа. Специја в саботата беше вкупно 99 екипа од петте најсилни европски лиги против која играл Ибрахимовиќ како член на Милан, Јувентус, Интер, Барселона, Пари Сен-Жермен и Манчестер јунајтед.

Ди Марија не ги вклучи Ибрахимовиќ, Нејмар и Мбапе во симболичниот тим на ПСЖ

Тале Кристо — Wed, 30 Dec 2020 09:34:04 +0000

Напаѓачот на ПСЖ, Анхел Ди Марија го состави симболичниот тим на парижаните по повод 50-годишнината од постоењето на клубот. Аргентинецот учествуваше во снимањето на спотот за клупската ТВ. Во тимот на Ди Марија се најдоа: Сиригу, Дани Алвеш, Покетино, Давид Луиз, Максвел, Тијаго Мота, Нене, Ди Марија, Роналдињо, Бјанки и Паулета.

Ибрахимовиќ разочаран од натпреварот со Верона

Тале Кристо — Mon, 09 Nov 2020 07:36:02 +0000

Тренерот на Милан, Стефано Пиоли, изјави дека Златан Ибрахимовиќ е разочаран од натпреварот од 7. коло на италијанскиот шампионат против Верона (2:2). – Знаевме дека натпреварите во Лигата на Европа и после тоа натпреварите против такви ривали како Удинезе и Верона ќе ни одземат многу од силата. Тие можат да се подготвуваат за овој натпревар цела недела, а ние имаме еден мини тренинг. Ние сакаме да ја подобриме нашата позиција во споредба со минатата сезона и да се движиме што е можно подалеку во Лигата на Европа. Златан ми рече дека е разочаран затоа што можевме да победиме, изјави Пиоли. Ибрахимовиќ не реализира пенал и најави дека следниот удар од 11 матри за Милан ќе го остави да го изведе друг играч. – Му треба пауза за одмор. Всушност, тоа е потребно за сите, но ние се боревме да дојдеме до Европа и тоа е она што се очекуваше. Ваквиот натпреварувачки календар бара многу напор, додаде Пиоли. По седум кола во Серија А,Милан е лидер со 17 бода.

Ибрахимовиќ постигна повеќе голови за Милан отколку за Интер

Тале Кристо — Tue, 27 Oct 2020 09:13:34 +0000

Напаѓачот на Милан, Златан Ибрахимовиќ беше двоен стрелец синоќа на мечот од 5. коло на италијанскиот шампионат против Рома (3:3). Сега тој има 58 голови за „росо-нерите“ во целата своја кариера. Претходно, Ибрахимовиќ играше и за друг клуб од Милано – Интер за кого постигна 57 погодоци. Швеѓанецот против Рома ја затресе противничката мрежа веќе во 2. минута. Според прес-службата на клубот, 1 минута и 48 секунди е најбрзиот гол на Ибрахимовиќ во дресот на Милан настапувајќи во Серија А.

Ибрахимовиќ го победи коронавирусот

Тале Кристо — Sat, 10 Oct 2020 09:35:00 +0000

Златан Ибрахимовиќ, 38-годишниот напаѓач на Милан, се опорави од коронавирусот и може да биде во конкуренција за претстојното големо дерби со Интер, објави италијанскиот клуб. – Фудбалскиот клуб Милан објави дека Златан Ибрахимовиќ е тестиран негативно на два последователни теста на брис. Градските здравствени власти во Милано го укинаа карантинот на Ибрахимовиќ, се наведува во соопштението на „росонерите“. Минатиот месец, на 24 септември, клубот објави дека Ибрахимовиќ е заразен со коронавирус. Големото дерби на Милан е закажано за 17 октомври. Ибрахимовиќ (38) постигна три гола на првите два натпревари за Милан оваа сезона, во Серија „А“ и во Лига Европа.

Ибрахимовиќ: Ако бев во Милано од почетокот на сезоната, ќе станавме шампиони

Тале Кристо — Wed, 08 Jul 2020 06:36:37 +0000

Шведскиот интернационалец во редовите на Милан, Златан Ибрахимовиќ, по синоќешната победа над Јувентус, смета дека, доколку бил во тимот од почетокот на сезоната, сега ќе беа на врвот. Ибрахимовиќ постигна еден гол во триумфот над Јуве со 4:2. – Јас сум стар, тоа не е тајна! Но, возраста е само број. Работам добро, добивам време за играње. Се чувствувам добро и да бидам искрен се трудам да му помогнам на тимот. Да бев тука од првиот ден во сезоната, ќе го освоивме Скудето, изјави Ибрахимовиќ. Триесет и осумгодишниот Швеѓанец во Милан дојде на почетокот од 2020 година, откако претходно од 2018 година настапуваше во САД за Лос Анџелес галакси.

Ибрахимовиќ може да замине во Хамарби по крајот на сезоната

Тале Кристо — Tue, 16 Jun 2020 07:56:50 +0000

Напаѓачот на Милан, Златан Ибрахимовиќ по крајот на сезоната, кариерата може да ја продолжи кариерата во својата татковина. Триесет и осумгодишниот Швеѓанец сака да потпише договор со Хамарби, клуб кој е во косопственост на самиот Ибрахимовиќ, објави новинарот Николо Скира. Договорот на напаѓачот со Милан важи до 30 јуни 2020 година. Во блиска иднина, Мино Рајола, агентот на Ибрахимовиќ, ќе разговара за иднината на играчот со извршниот директор на „росонерите“, Иван Газидис.

Бонучи сака да игра во ист тим со Ибрахимовиќ

Тале Кристо — Sun, 07 Jun 2020 18:00:27 +0000

Дефанзивецот на Јувентус, Леонардо Бонучи изрази желба да игра во иста екипа со Златан Ибрахимовиќ. Триесет и осумгодишниот Швеѓанец моментно ги брани на Милан. – Одличните играчи делуваат на вас болно кога ќе изгубите концентрација. Ова го почувствував на тренинзи со Роналдо, Дибала, Игуаин, Даглас Коста. Штом не сте 100 проценти фокусирани, тие ве уништуваат. Би сакал да играм со Ибрахимовиќ. Тој е вистински водач, тој има силен карактер. Би било убаво да го сретнете на тренинг, истакна Бонучи. Можеби изгледа тежок, но тој е добар човек. Фудбалерите кои имаат карактер кои секогаш се насочени кон победа, ви даваат добар поттик. Ова е она што го барам секогаш – поттик за напредок, додаде Бонучи.

Ибрахимовиќ очекува да се опорави за натпреварот со Јувентус

Тале Кристо — Wed, 03 Jun 2020 12:44:51 +0000

Напаѓачот на Милан, Златан Ибрахимовиќ очекува да се опорави за натпреварот од 31. коло од шампионатот на Италија со Јувентус, кој е закажан за 7 јули, пренесува „Тутоспор“. Претходно беше објавено дека Швеѓанецот ќе пропушти околу еден месец поради повреден мускул десната потколеница. Во сезоната 2019/20, Ибрахимовиќ настапи на 10 натпревари за Милан, постигна четири гола и оствари една асистенција.

Милан со официјална понуда до Ибрахимовиќ

Тале Кристо — Fri, 22 Nov 2019 16:45:21 +0000

Италијанскиот прволигаш Милан, испрати официјална понуда до фудбалерот Златан Ибрахимовиќ, кој сака да го врати во своите редови, откако Швеѓанецот го носеше црвено-црниот дрес и од 2010 до 2012 година. Милан се спомнува како фаворит за привлекување на популарниот Ибра, на кого наскоро му истекува договорот со клубот Лос Анџелес галакси. Златан како играч на Милан на 85 меча даде 56 гола, а во 2011 година го освоија скудетото во Серија А, што е последна шампионска титула за „росонерите“. Според италијанските медиуми, во јануари, ветеранот Ибрахимовиќ повторно ќе заигра во дресот на Милан, но прво треба двете страни да се договорат околу висината на платата. Интерес за Ибра има и од Наполи и Болоња, но Милан заасега е најконкретен.