идеален тим – Kurir.mk

Рамос играч на осминафиналето, Португалците доминираат во идеалниот тим

Бошко Тасиќ — Thu, 08 Dec 2022 07:19:13 +0000

Првиот елиминационен филтер на Светското првенство заврши, а обелоденет е и идеалниот тим на осминафиналето. Напаѓачот на португалската репрезентација, Гонсало Рамош е најдобриот играч во осминафиналето . 21-годишниот Рамос постигна хет-трик во триумфот од -:1 над Швајцарија и доби оценка 9,8. Освен него, единствениот фудбалер кој доби оценка девет е Холанѓанецот Дејли Блинд во победата над САД со 3-1. Во идеалниот тим се најдоа четворица Португалци, двајца Холанѓани и по еден Французин, Бразилец, Хрват, Јапонец и Шпанец.

ФОТО: Двајца македонски репрезентативци во идеалната постава на Лигата на нации

Дарко Андоновски — Wed, 28 Sep 2022 09:01:37 +0000

Македонската фудбалска репрезентација не се прослави во последното издание на Лигата на нации и заврши на третото место во групата во рамки на Д-дивизијата. Сепак по одиграните шест натпревари, двајца македонски играчи имаа доволно добри настапи за да е најдат во идеалната постава во рамки на нашата група 4, каде очекувано доминираат Грузијците кои го освоија првото место. Според интернет порталот „Whoscored“, Енис Барди и Дарко Чурлинов се најдоа во идеалната постава според просечните оценки кои ги добивале за време на натпреварите во Лигата на нации. Треба да се напомене дека Чурлинов ги пропушти последните два натпревари со Грузија и Бугарија поради повреда.

Играчите на Реал Мадрид и Франција доминираат во идеалниот тим за 2018-та

Ивона Петрова — Tue, 25 Sep 2018 06:04:27 +0000

Познат е и идеалниот тим од минатата сезона во изборот на ФИФА. На врвот на нападот се најголемите ѕвезди на светскиот фудбал - Кристијано Роналдо и Лионел Меси, кои сепак не присуствуваа на церемонијата во Лондон. На ниво на клуб, најмногу претставници има европскиот клуpски шампион Реал Мадрид - пет. На национално ниво тоа е светскиот шампион Франција. Еве како изгледа идеалниот тим за 2018-та според ФИФА: Голман: Давид Де Хеа (Шпанија, Манчестер Јунајтед); Одбрана: Рафаел Варан (Реал Мадрид, Франција), Дани Алвеш (ПСЖ, Бразил), Серхио Рамос (Реал Мадрид, Шпанија), Марсело (Реал Мадрид, Бразил); Среден ред: Лука Модриќ (Реал Мадрид, Хрватска), Н'Голо Канте (Челзи, Франција), Еден Азар (Челзи, Франција); Напад: Килијан Мбапе (ПСЖ, Франција), Кристијано Роналдо (Реал Мадрид / Јувентус, Португалија), Лео Меси (Барселона, Аргентина).

Фановите го избраа идеалниот тим на Светското првенство

Дарко Андоновски — Wed, 18 Jul 2018 12:32:52 +0000

Напаѓачот на Португалија, Кристијано Роналдо, младата ѕвезда на Франција Килијан Мбапе и Хари Кејн од Англија, кој стана и голгетер број 1, се тројцата фудбалери со најмногу гласови во идеалниот тим на СП 2018 во анкетата на навивачите, направена на сајтот на ФИФА. Иако Португалија отпадна уште во осминафиналето од Уругвај, Роналдо не ја губи љубовта и почитта на обичните луѓе. Хари Кејн и Мбапе беа едни од најзначајните фигури на Светското првенство во фудбал, кое заврши во неделата. Неговиот голем ривал во последните години за светскиот фудбалски трон Лионел Меси, не е селектиран. Целосната 11-ка, според мислењето на навивачите, изгледа вака: Тибо Куртоа (Белгија), Рафаел Варан (Франција), Тиаго Силва (Бразил), Диего Годин (Уругвај), Марсело (Бразил), Лука Модриќ (Хрватска) Филипе Кутињо (Бразил), Кевин Де Бруин (Белгија), Килијан Мбапе (Франција), Хари Кејн (Англија), Кристијано Роналдо (Португалија).

Идеалниот тим кој нема да патува за Русија

Дарко Андоновски — Fri, 08 Jun 2018 07:42:43 +0000

Останува една недела до најочекуваниот спортски настан на планетата - светското фудбалско првенство во Русија. Националните селекции на 32 земји веќе недела водат напорни подготовки за првите натпревари. И додека повеќето ѕвезди на модерниот фудбал ги спакуваа куферите за Русија, има еден сериозен дел од топ фудбалерите кои ќе го пропушти Мундијалот поради една или друга причина. Ви го презентираме идеалниот тим на играчи, чие отсуство сигурно ќе се почуствува на терените ширум Русија: Голман: Џанлуиџи Буфон; Дефанзивци: Вирџил Ван Дијк, Маркос Алонсо, Дани Алвеш, Лорен Кошчелни; Среден ред: Лерој Сане, Раџа Нинголан, Артуро Видал, Герет Бејл; Напаѓачи: Алексис Санчез, Мауро Икарди.