идеи – Kurir.mk

ВИДЕО: Новогодишни идеи за украсување со „орбез“ топчиња, декоративно и ново

Ивона Петрова — Sat, 26 Nov 2022 21:56:26 +0000

Иако до новогодишните и божиќни празници има повеќе од еден месец, идеите за украсување и декорации веќе може да се видат насекаде. Особено, социјалните мрежи се преплавени со видеа од интересни и нови начини на украсување. Кај многумина привлекува внимание украсувањето со таканаречените „орбез“ топчиња. Потребно е да земете повисока провидна вазна или сад кој мислите дека најдобро ќе ги одговара за тоа. Во топла вода ставете поголема количина провидни „орбез“ топчиња малку да пораснат. Во избраниот сад/вазна по ваша желба ставете новогодишни украси и најизменично додавајте од топчињата. Бидете креативни, ставете мали елки, подароци, снегулки, лампиончиња, новогодишни бастучиња. Изборот е на вас. Кога ќе ги ставите декоративните предмети и „орбез“ топчињата, вазната наполнете ја со вода. Одозгора може да ставите мали свеќи за дополнителен ефект. Неколку примери и идеи може да погледнете во видеата во продолжение.

САКАТЕ ДА БИДЕТЕ ВО ФИТ ФОРМА, НО НЕМАТЕ ВРЕМЕ ИЛИ ЕНЕРГИЈА? 4 идеи за вежбање без да одите во теретана

Ристе Здравков — Wed, 11 May 2022 13:28:48 +0000

Вежбаме не само за да се чувствуваме подобро во костим за капење, туку првенствено за здравјето, и физичко и психичко. Вежбањето го стимулира лачењето на ендорфин и серотонин, ги зајакнува мускулите, го подобрува држењето на телото и генерално благотворно делува на телото. Но, иако веќе го знаеме сето ова, понекогаш е тешко да се најде време и ресурси за да му се даде на овој аспект на грижата за себе важноста што ја заслужува. Сепак, не треба да се откажуваме на почетокот – можеме да почнеме со мали чекори и да спроведуваме вежби во секојдневниот живот, за да не ни забележиме дека вежбаме. Еве 4 идеи: Одење „За разлика од метаболичките тренинзи или HIIT, пешачењето става мал стрес на телото, што може да резултира со поголем дел од топењето на мастите. Тоа е затоа што вежбите со помал интензитет како одење се потпираат повеќе на резервите на маснотии отколку на јаглени хидрати. Исто така, кога одиме, длабокото сало на стомакот е првото нешто што ќе исчезне“, објасни тренерот Карли Ровена за Бирд и препорача секаде да одиме пешки. Кратко и слатко Направете специфичен план до кој ќе се придржувате: ако одлучите ненадејно да започнете со тренинзи 6 дена во неделата по месеци хибернација, можеби ќе сакате да се откажете по вашиот прв истегнат мускул. Ако започнете со мали чекори, како што се 20-минутни тренинзи 3 пати неделно, поголема е веројатноста да ја постигнете целта, а чувството за успех ќе ве поттикне да продолжите и понатаму. Размислете за тренинзите Табата: само 4 минути може да имаат одличен физички ефект, а можете да ги правите за време на реклами. Правете го ова неколку пати на ден или обидете се да издржите цели 20 минути интензивен тренинг. Скали Секогаш кога ќе се најдете во дилема – лифт или скали, одговорот е јасен: скали. Но, освен за одење по скали, можете да ги користите и за вежби за листовите. „Застанете на прстите на секој чекор и спуштете ги потпетиците, а потоа застанете колку што можете повисоко на прстите и спуштете се повторно“, предлага креаторот на боксерските вежби AERO, Мајкл Олаџиде Џуниор. Истегнување Флексибилноста ги спречува болките и повредите, па затоа не треба да го занемариме овој вид на вежбање, а тренерот Џенифер Лоренс Далтон Вонг препорачува добро истегнување за подобро држење и затегнати рамења: „Со исправен грб, кренете ги рацете до нивото на рамената. Стиснете ги рамената и свртете го јадрото и задржете ја таа положба една минута за добро да ги истегнете рамената“.

Не ги фрлајте старите хулахопки: Интересни идеи кои ќе ви се допаднат (ВИДЕО)

Ивана Ефремовски — Wed, 05 May 2021 16:45:00 +0000

Погледнете неколку корисни трикови кои ќе ви откријат за што се може де ги употребите старите хулахопки. По носењето, не ги фрлајте, со нив може да направите многу креативни работи.

View this post on Instagram

A post shared by 5-Minute Crafts (@5.min.crafts)

Уникатни идеи за родителите: Како да ги искористите бебешките предмети кога детето малку ќе порасне? (ВИДЕО)

Ивана Ефремовски — Fri, 26 Mar 2021 20:10:35 +0000

Домот ви е преполнет со теглички, картонски кутии од играчки, кутии од влажни марамчиња и слични бебешки предмети? Децата пораснаа и овие работи не ви требаат повеќе. Ова видео ќе ве инспирира како да им дадете нова намена претворајќи ги во корисни предмети.

БИДЕТЕ УНИКАТНИ: Одлични идеи за семејно украсување и изработка на новогодишни детали (ВИДЕО)

Ивана Ефремовски — Thu, 10 Dec 2020 13:15:38 +0000

Сакате нешто уникатно за Нова година и божиќното украсување во домот ви е забавно? Еве идеи само за вас. Идеите се едноставни, а да ги остварите ви се потребни работи кои најверојатно ги имате дома. Без трошок, со малку инспирација, вашиот дом ќе биде најубавото место за празниците.

Совети и идеи за квалитетно време со децата за време на изолација

Тале Кристо — Sun, 19 Apr 2020 11:13:41 +0000

Скопје, 19 април 2020 (МИА) – Читање книги, учење низ игра, разгледување фотографии или готвење заедно, се само дел од советите и идеите како да поминете квалитетно време со вашите деца за време на изолацијата, што ги споделува на својот фејсбук министерот за здравство Венко Филипче. Седењето дома со децата повеќе денови е голем предизвик за секој родител, па министерот Филипче споделува повеќе алатки и препораки од психологот Иво Куновски за периодот со ограничено движење. -Најдете време во денот да им читате на децата. За време на читањето, разговарате со децата за сликите и настаните во книгата, опишувајте ги, предвидувајте што би се случувало во книгата понатаму и разговарајте како некои од ликовите се чувствуваат. -Разгледувајте и споделувајте за фотографии. Користете фотографии од албуми или телефони и дозволете на детето да споделува што гледа на сликата, каде и кога е тоа, како и зошто се случува тоа и како се чувствува детето за споделените личности и настани. -Учете низ игра во домот. Деца кои имаат некои основи од математика може да имаат мисија низ домот да бројат прозорци, слики, растенија, столици итн. Предизвикајте ги да изградат шатор од ќебе или тврдина од перници или кутии. Учете да цртате или со пластелин да моделирате животни и растенија, учете ги нивните имиња, опишувајте како изгледаат, што јадат, каде живеат итн. Засадете неколку семки во саксија (пр. пченица, грав, грашок) и овозможете му на детето да се грижи за нив, истражувајќи колку вода и светлина им е потребно, како растат, како се јадат итн. -Вклучете ги децата при припрема на храна и готвење. Готвењето може да е дополнителна едукативна активност за децата. Разговарајте за начинот на готвење, улогата на квасецот, зачините, состојките, потребните количини, читање рецепти и етикети од производи итн. Доколку возможно, дозволете им на децата да припремаат форми од тесто, да ставаат зачини или на друг начин да се вклучат во готвењето, пишува на неговиот фб статсус министерот Филипче.